മഞ്ഞ വര പൂപ്പല്‍

ലക്ഷണങ്ങൾ

ചെടിയുടെ സംവേദനക്ഷമതയെ ആശ്രയിച്ചാണ് രോഗത്തിന്റെ കാഠിന്യം. രോഗത്തിന് അതിവേഗം വഴങ്ങുന്ന ഇനങ്ങളില്‍ ഇലകളുടെ സിരകള്‍ക്ക് സമാന്തരമായി നിരകളായി ക്രമീകരിച്ച ചെറിയ മഞ്ഞ മുതല്‍ ഓറഞ്ച് (തുരുമ്പിച്ച) കുരുക്കള്‍ കുറിയ വരകളാകുന്നു. ക്രമേണ ഇവ കൂടിച്ചേരുകയും ഇലയെ മുഴുവനും ഗ്രസിക്കുകയും ചെയ്തേക്കാം. ഇളം ഇലകളില്‍ തുടക്കത്തില്‍ ഈ ഘടന പ്രത്യക്ഷപ്പെടാം. ഈ കുരുക്കള്‍ (0.5 മുതല്‍ 1 മില്ലി മീറ്റര്‍ വരെ വ്യാസം) ചിലപ്പോഴൊക്കെ തണ്ടുകളിലും ചെടിയുടെ അഗ്രഭാഗത്തും കാണാറുണ്ട്‌. രോഗത്തിന്റെ മുന്നോട്ടുള്ള ഘട്ടങ്ങളില്‍, നീണ്ട, മൃതമായ ഇളം തവിട്ടു നിറമുള്ള വരകള്‍ അല്ലെങ്കില്‍ കുരുക്കള്‍ ഇലകളില്‍ ദൃശ്യമാകുന്നു. സാധാരണ തുരുമ്പിച്ച കുരുക്കളോടെയായിരിക്കും ഇത്. ഗുരുതരമായ രോഗബാധകളില്‍, ചെടിയുടെ വളര്‍ച്ച ഗണ്യമായി കുറയുകയും കോശങ്ങള്‍ക്ക് കേടുപാടുണ്ടാകുകയും ചെയ്യുന്നു. ഇലകളുടെ കുറഞ്ഞ വിസ്താരം കുറഞ്ഞ ഉത്പാദനക്ഷമതയിലേക്കും ചെടികളിലെ കുറഞ്ഞ കതിരുകളിലേക്കും കതിരുകളിലെ കുറഞ്ഞ ധാന്യമണികളിലേക്കും നയിക്കുന്നു. മൊത്തത്തില്‍ വര്‍ദ്ധിച്ച വിള നഷ്ടത്തിലേക്ക് നയിക്കുന്നു.