ഗോതമ്പിന്റെ തണ്ടിലെ തുരുമ്പ് രോഗം

ലക്ഷണങ്ങൾ

ആദ്യലക്ഷണങ്ങള്‍, രോഗബാധയ്ക്ക് 7 മുതല്‍ 15 ദിവസങ്ങള്‍ക്കു ശേഷമാണു പ്രത്യക്ഷപ്പെടുന്നത്. ചുവപ്പ് കലര്‍ന്ന തവിട്ടു നിറമുള്ള ദീര്‍ഘവൃത്താകൃതി മുതല്‍ ദീര്‍ഘിച്ചതുമായ കുമിളകള്‍ തണ്ടുകള്‍, ഇലപ്പോളകള്‍, അപൂര്‍വ്വമായി ഇലകളിലും പൂങ്കുലകളിലും പ്രത്യക്ഷപ്പെടുന്നു. തണ്ടുകളിലും പോളകളിലുമാണ് പ്രധാനമായും രോഗം ബാധിക്കുന്നത്. പൊടിപോലെയുള്ള കുമിളകള്‍ വളരുകയും സാധാരണ ഒരുമിച്ചു ചേര്‍ന്ന് ഒരു വലിയ ഭാഗം ആവരണം ചെയ്യുകയും ചെയ്യും. തത്ഫലമായി ചെടിയുടെ പുറംതൊലിയിൽ കേടുപാടുകള്‍ ബാധിച്ച ഭാഗങ്ങള്‍ക്ക് പരുക്കനായ രൂപം വരുന്നു. രോഗബാധ ഗുരുതരമെങ്കില്‍ തണ്ടുകള്‍ ദുര്‍ബലമായി കനത്ത കാറ്റിലും മഴയിലും ചെടികള്‍ വീണു പോകുന്നു. കുമിള്‍ വെള്ളത്തിന്റെയും മറ്റു പോഷകങ്ങളുടെയും വിതരണം തടസപ്പെടുത്തി ജല നഷ്ടം, ചെടിയുടെ ഓജസ്, ഗോതമ്പ് മണികളിലേക്കുള്ള പോഷകസംവഹനം എന്നിവ കുറയ്ക്കുന്നു. ഗോതമ്പ്മണികള്‍ ചുരുങ്ങി വിളവു കുറയുന്നു. ചെടി മുഴുവനായും ദുര്‍ബലമായി മറ്റു രോഗാണുക്കളുടെ ആക്രമണം ഉണ്ടാകാനുള്ള സാധ്യതയും ഉയരുന്നു. ധാന്യമണികള്‍ പൂര്‍ണ്ണമായി നിറയുന്നതിനു മുമ്പ് രോഗം ഗുരുതരമായാല്‍ സാരമായ വിളവ്‌ നഷ്‌ടം ഉണ്ടായേക്കാം.