നിലക്കടല
നിലക്കടലയിലെ ചെമ്പൂപ്പ്
Puccinia arachidis
കുമിൾ
ചുരുക്കത്തിൽ
- ഇലകളുടെ അടിഭാഗത്ത്‌ ആദ്യമായി തുരുമ്പിച്ച പൊള്ളല്‍ കുമിളകള്‍ പ്രത്യക്ഷപ്പെടുന്നു.
- ഗുരുതരമായി അണുബാധയേറ്റ ഇലകളുടെ ഇരുവശത്തും തുരുമ്പിച്ച പൊള്ളല്‍ കുമിളകളാല്‍ നിറഞ്ഞിരിക്കും.
- ഇലകള്‍ ക്രമേണ മഞ്ഞ നിറമായി അവസാനം ശുഷ്ക്കിച്ചു പോകുന്നു.
- പിന്നീട് ഇലപൊഴിയലും കനത്ത ആദായ നഷ്ടവും സംഭവിക്കാം.
കണ്ടെത്താൻ കഴിയുന്ന മറ്റ് വിളകൾ
നിലക്കടല
ലക്ഷണങ്ങൾ
സാധാരണയായി ഇലകളുടെ ഇരുവശത്തും ഓറഞ്ച് കലര്‍ന്ന തവിട്ടു (തുരുമ്പ്) നിറത്തിലുള്ള സൂക്ഷ്മമായ വൃത്താകൃതിയിലുള്ള കുമിളകളായാണ് നിലക്കടയിലെ ചെമ്പൂപ്പ് പ്രത്യക്ഷപ്പെടുന്നത്. ഇവ പലപ്പോഴും വിളറിയ മഞ്ഞ വലയങ്ങളാല്‍ ചുറ്റപ്പെട്ടിരിക്കും. ഇത് ഇലകളുടെയും ചെടിയുടെയും വളര്‍ച്ച സാരമായി മുരടിപ്പിക്കുന്നു. രോഗം മൂർച്ഛിക്കുമ്പോൾ, ഗുരുതരമായി ബാധിച്ച ഇലകള്‍ ഇരുവശത്തും തുരുമ്പ് കുമിളകളാല്‍ മൂടപ്പെടുകയും മഞ്ഞ നിറമായി "തുരുമ്പിച്ച്", അവസാനം ശുഷ്കിച്ചു പോകുന്നു. ഇളം വിത്തറകളിലും, തണ്ടുകളിലും ഇലഞെടുപ്പുകളിലും ദീര്‍ഘമായ ചുവപ്പ് കലര്‍ന്ന തവിട്ട് (പിന്നീട് കറുപ്പ്) കുമിളകള്‍ പ്രത്യക്ഷപ്പെട്ടേക്കാം. ഇലപൊഴിയലും പിന്നീട് സംഭവിക്കാം. രോഗം ബീജപുടത്തെയും കാലിത്തീറ്റ വിളവിനെയും എണ്ണയുടെ മേന്മയേയും സാരമായി ബാധിച്ചേക്കും.
ശുപാർശകൾ
ജൈവ നിയന്ത്രണം
ജൈവ ഏജന്റുകള്‍ക്ക് അണുബാധ നിയന്ത്രിക്കാൻ കഴിയും. സാല്‍വിയ ഒഫിസിനാലിസ്,പൊട്ടെന്ഷില ഇരെക്ട എന്നീ ചെടികളുടെ സത്തിന് ഇലകളിലെ കുമിള്‍ വളര്‍ച്ചയ്ക്കെതിരെ ഫലപ്രദമായി പ്രവര്‍ത്തിക്കാന്‍ കഴിയും. ചെറുചന വിത്തെണ്ണ, നിലക്കടലയെണ്ണ എന്നിവ പോലെയുള്ള മറ്റു ചെടി സത്തുകളും ഈ രോഗം കുറയ്ക്കാന്‍ ഫലപ്രദമാണ്.
രാസ നിയന്ത്രണം
ലഭ്യമെങ്കിൽ ജൈവ പരിചരണത്തോടൊപ്പം പ്രതിരോധ നടപടികളും ചേര്‍ന്ന സംയോജിത നിയന്ത്രണ സമീപനം സ്വീകരിക്കുക. രോഗത്തിന്‍റെ വൈകിയ ഘട്ടത്തില്‍ രാസപരിചരണം അപ്രായോഗികമായേക്കാം. കുമിള്‍നാശിനികള്‍ ആവശ്യമെങ്കില്‍, മാന്‍കൊസേബ്, പ്രോപികൊനസോള്‍ അല്ലെങ്കില്‍ ക്ലോറോതലോനില്‍ അടങ്ങിയ ഉത്പന്നങ്ങള്‍ (3 ഗ്രാം/1 ലിറ്റര്‍ വെള്ളം) തളിക്കാം. അണുബാധയുടെ ആദ്യ ലക്ഷണം പ്രത്യക്ഷപ്പെട്ടയുടന്‍ തന്നെ ഈ പ്രയോഗം ആരംഭിക്കുകയും 15 ദിവസങ്ങള്‍ക്ക് ശേഷം ആവര്‍ത്തിക്കുകയും ചെയ്യണം.
അതിന് എന്താണ് കാരണം
മണ്ണിലെ വിള അവശിഷ്ടങ്ങളിലും ആതിഥ്യമേകുന്ന ഇതര വിളകളായ പയര്‍വര്‍ഗ ചെടികളിലും നിലക്കടയിലെ തുരുമ്പ് അതിജീവിക്കുന്നു. കുമിളുകള്‍ മുളപൊട്ടുന്ന ഘട്ടത്തിൽ ബീജകോശങ്ങളാൽ ആണ് പ്രാഥമിക അണുബാധ താഴെയുള്ള ഇലകളെ ബാധിക്കുന്നത്. ദ്വിതീയ വ്യാപനംകാറ്റിലൂടെ പകരുന്ന ബീജകോശങ്ങള്‍ വഴിയാണ്. കുമിളുകളുടെ വളര്‍ച്ചയ്ക്ക് പരിതസ്ഥിതി അനുകൂലമെങ്കില്‍ അണുബാധയേറ്റ പുള്ളികള്‍ ദ്രുതഗതിയില്‍ വളരും, ഉദാഹരണത്തിന് ഊഷ്മളമായ താപനിലകള്‍ (21 മുതല്‍ 26°C വരെ) നനഞ്ഞ, മേഘാവൃതമായ കാലാവസ്ഥ (മൂടല്‍മഞ്ഞ് അല്ലെങ്കില്‍ രാത്രി മുഴുവനുമുള്ള മഞ്ഞുതുള്ളികള്‍). ഇത് കൂടാതെ ചെടിയുടെ കൂമ്പ് മുതല്‍ വേര് വരെയുള്ള വളര്‍ച്ചയെ അമര്‍ച്ച ചെയ്ത് വളര്‍ച്ചാ മുരടിപ്പിന് കാരണമാകും. മണ്ണിലെ ഫോസ്ഫറസിന്റെ ഉയർന്ന അളവ് ചെമ്പൂപ്പിന്റെ വ്യാപനം കുറയ്ക്കുന്നതായി കണ്ടു വരുന്നു.
പ്രതിരോധ നടപടികൾ
- ആരോഗ്യമുള്ള ചെടിയില്‍ നിന്നോ സാക്ഷ്യപ്പെടുത്തിയ ഉറവിടങ്ങളില്‍ നിന്നോ ലഭ്യമായ വിത്തുകള്‍ ഉപയോഗിക്കുക.
- പ്രതിരോധ ശേഷിയുള്ള ഇനങ്ങള്‍ നടുക.
- ചെടികള്‍ നടുമ്പോള്‍ ഇടയകലം വര്‍ദ്ധിപ്പിച്ച് ചെടികളുടെ ഇടയിലുണ്ടാകുന്ന ഈര്‍പ്പം ഒഴിവാക്കുക.
- കൃഷിയിടത്തിലും സമീപത്തുമുള്ള കളകളും സ്വമേധയ വളര്‍ന്നു വരുന്ന മറ്റു ചെടികളും നിയന്ത്രിക്കുക.
- താങ്കളുടെ കൃഷിയിടത്തിന് സമീപം രോഗബാധയേല്‍ക്കുമെന്നു സംശയിക്കുന്ന ഇതര വിളകള്‍ നടുന്നത് ഒഴിവാക്കുക.
- ചെമ്പൂപ്പിന്റെ വളര്‍ച്ചാ വേഗത കുറയ്ക്കാന്‍ ഫോസ്ഫറസ് വളം കൂടിയ അളവില്‍ പ്രയോഗിക്കുക.
- രോഗം ബാധിച്ച ചെടികൾ നീക്കം ചെയ്ത് നശിപ്പിക്കുകയും മറ്റ് അവശിഷ്ടങ്ങൾ കത്തിച്ചു കളയുകയോ ഉഴുതുമറിക്കുകയോ ചെയ്യുക.
- ഓരോ മൂന്നോ നാലോ വര്‍ഷം കൂടുമ്പോള്‍ മാറ്റകൃഷി ചെയ്യാനും ശുപാര്‍ശ ചെയ്യുന്നു.
- വിജയകരമായ നിലക്കടല കൃഷികള്‍ക്കിടയില്‍ ദീര്‍ഘകാലം മണ്ണ് തരിശായിടുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
