പെനിസിലിയം ചോളം ചീയൽ

ലക്ഷണങ്ങൾ

വിളവെടുപ്പിനു ശേഷം ചോളമണികളില്‍ കണ്ടെത്തിയതിനാലാണ് പെനിസിലിയം ചോളം ചീയൽ എന്ന പേരുവന്നത്. വളർച്ചാഘട്ടത്തില്‍ രോഗബാധയുണ്ടാകുന്ന ചെടികളിൽ, വളര്‍ച്ചാ മുരടിപ്പും വാട്ടവും ഹരിതവർണ്ണ നാശവും ദൃശ്യമാകുന്നു. ചെടികളുടെ മുന്നോട്ടുള്ള ഘട്ടത്തില്‍ കുമിള്‍ ചോളക്കതിരുകളെ ബാധിച്ചേക്കാം, പ്രാണികള്‍ മൂലമുള്ള ക്ഷതങ്ങളോ പണിയായുധങ്ങള്‍ മൂലമുള്ള പരിക്കുകളോ കുമിളുകളുടെ പ്രവേശന മാർഗ്ഗമായേക്കാം. പണിയായുധങ്ങള്‍ മൂലമുള്ള പരിക്കുകള്‍ കൃഷിപ്പണികള്‍ക്കിടയിലോ വിളവെടുപ്പിനിടയിലോ സംഭവിക്കാം. ഉയര്‍ന്ന ഊഷ്മാവും ഉയര്‍ന്ന ആര്‍ദ്രതയും ചോളക്കതിരുകളുടെ പ്രതലത്തിലും ചോളമണികളിലും നീല കലര്‍ന്ന പച്ച നിറമുള്ള ആകാരങ്ങളുടെ വളര്‍ച്ചയിലേക്ക് നയിക്കുന്നു. രോഗം ബാധിച്ച ചോളമണികള്‍ നിറം മങ്ങുകയും ആന്തരികമായി അഴുകുകയും ചെയ്യുന്നു (നീല കണ്ണുകള്‍ എന്ന് പറയുന്ന ലക്ഷണം). ചില സമയം ഈ വളര്‍ച്ച വിളവെടുപ്പ് സമയത്തോ സംഭരണ സമയത്തോ മാത്രമേ ദൃശ്യമാകൂ. അഴുകുന്ന ചോളമണികള്‍ വിളവ് നഷ്ടത്തിലേക്കോ അതിനുശേഷമുള്ള സംസ്കരണ സമയത്തെ നഷ്ടത്തിലേക്കോ നയിച്ചേക്കാം.