തക്കാളി
ടൊമാറ്റോ ലേറ്റ് ബ്ലൈറ്റ്
Phytophthora infestans
കുമിൾ
ചുരുക്കത്തിൽ
- തവിട്ട് ഇലപ്പുള്ളികൾ - ഇലകളുടെ അരികുകളില്‍ നിന്നും ആരംഭിക്കുന്നു.
- ഇലകളുടെ അടിഭാഗത്ത്‌ വെളുത്ത ആവരണം.
- ഫലങ്ങളില്‍ ചാര നിറമുള്ളതോ തവിട്ടു നിറമായതോ ആയ ചുക്കിച്ചുളിഞ്ഞ കറകള്‍.
- ഫലങ്ങളുടെ കാമ്പ് കല്ലിച്ച പാടുകളും അഴുകലും.
കണ്ടെത്താൻ കഴിയുന്ന മറ്റ് വിളകൾ
തക്കാളി
ലക്ഷണങ്ങൾ
തവിട്ടു കലര്‍ന്ന പച്ച പുള്ളികള്‍ ഇലകളുടെ അരികുകളിലും മുകളിലും പ്രത്യക്ഷപ്പെടുന്നു. പിന്നീട്, ഇലകളുടെ ഭൂരിഭാഗം ഭാഗങ്ങളും പൂര്‍ണ്ണമായും തവിട്ടു നിറമാകുന്നു. ഈർപ്പമുള്ള കാലാവസ്ഥയില്‍, ഇലകളുടെ താഴ്ഭാഗത്തെ വടുക്കളില്‍ നരച്ചതോ വെളുത്തതോ ആയ പൂപ്പൽ പോലെയുള്ള വളര്‍ച്ച കാണാം, ഇത് മൂലം ആരോഗ്യമുള്ളവയെ നശിച്ച ഇലകളില്‍ നിന്ന് അനായാസം വേര്‍തിരിച്ചറിയാന്‍ കഴിയും. രോഗം മൂർച്ഛിക്കവേ, ഇലകള്‍ തവിട്ടു നിറമായി ചുരുണ്ട് ഉണങ്ങുന്നു. ചില സാഹചര്യങ്ങളിൽ, വ്യക്തമായ അതിരുകളുള്ള തവിട്ടു പുള്ളികളും വെളുത്ത ആവരണവും തണ്ടുകളിലും ശിഖരങ്ങളിലും ഇലഞെട്ടുകളിലും പ്രത്യക്ഷപ്പെടുന്നു. മങ്ങിയ-പച്ച മുതല്‍ അഴുക്കുപുരണ്ട-തവിട്ടു നിറവും ചുളുങ്ങിയ കറകളും ഫലങ്ങളില്‍ പ്രത്യക്ഷപ്പെടുന്നു. ഈ ഭാഗങ്ങളില്‍, ഫലങ്ങളുടെ കാമ്പ് ഉറപ്പുള്ളതായിരിക്കും.
ശുപാർശകൾ
ജൈവ നിയന്ത്രണം
നാളിതുവരെ, ലേറ്റ് ബ്ലൈറ്റ് രോഗത്തിന് ഫലപ്രദമായ ജൈവനിയന്ത്രണ മാര്‍ഗ്ഗങ്ങള്‍ ഇല്ല. രോഗവ്യാപനം നിയന്ത്രിക്കുന്നതിന് രോഗം ബാധിച്ച ഇടങ്ങള്‍ക്ക് ചുറ്റുമുള്ള ചെടികള്‍ ഉടനടി നീക്കം ചെയ്ത് നശിപ്പിക്കുക, രോഗം ബാധിച്ച ചെടിയുടെ ഭാഗങ്ങള്‍ കമ്പോസ്റ്റ് ആക്കരുത്.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേര്‍ന്ന ഒരു സംയോജിത സമീപനം പരിഗണിക്കുക. മന്ദിപ്രോപമിഡ്, ക്ലോറോതലോനില്‍, ഫ്ലുവസിനം, മന്‍കൊസേബ് എന്നിവ അടിസ്ഥാനമായ കുമിള്‍നാശിനികള്‍ ലേറ്റ് ബ്ലൈറ്റ് രോഗത്തിനെതിരെ തളിക്കാന്‍ ഉപയോഗിക്കാം. കൂടുതൽ മഴ ലഭിക്കാൻ സാധ്യതയുണ്ടെങ്കിലോ മുകളില്‍ നിന്നുള്ള ജലസേചനമുള്ളപ്പോഴോ രോഗം ദൃശ്യമായാല്‍ മാത്രമേ പൊതുവേ കുമിള്‍നാശിനികള്‍ പ്രയോഗിക്കേണ്ട ആവശ്യമുള്ളൂ.
അതിന് എന്താണ് കാരണം
വേനലിന്റെ മധ്യത്തില്‍ രോഗബാധയുടെ സാധ്യത ഉയര്‍ന്നിരിക്കും. തൊലിയിലെ പരിക്കുകളിലൂടെയും പോറലുകളിലൂടെയുമാണ് കുമിള്‍ ചെടിയില്‍ പ്രവേശിക്കുന്നത്. താപനിലയും ആര്‍ദ്രതയുമാണ് ഈ രോഗത്തിൻ്റെ വികസനവുമായി ബന്ധപ്പെട്ടിരിക്കുന്ന ഏറ്റവും പ്രധാനപ്പെട്ട പാരിസ്ഥിക അവസ്ഥകള്‍. ഉയര്‍ന്ന ആപേക്ഷിക ആര്‍ദ്രതയും (ഏകദേശം 90%) 18 മുതല്‍ 26°C വരെയുള്ള താപനിലയുമാണ് ലേറ്റ് ബ്ലൈറ്റ് രോഗത്തിന് കാരണമാകുന്ന കുമിൾ വളരാന്‍ ഏറ്റവും അനുകൂലം. ഊഷ്മളവും വരണ്ടതുമായ വേനല്‍ക്കാല കാലാവസ്ഥ ഈ രോഗസംക്രമണത്തിന് ഭംഗം വരുത്തും.
പ്രതിരോധ നടപടികൾ
- വിശ്വാസയോഗ്യരായ ചില്ലറ വ്യാപാരികളില്‍ നിന്നു ആരോഗ്യമുള്ള വിത്തുകള്‍ വാങ്ങുക.
- കൂടുതല്‍ സഹിഷ്ണുതാശേഷിയുള്ള ഇനങ്ങള്‍ കൃഷിചെയ്യുക.
- തക്കാളിയും കിഴങ്ങും അടുത്തടുത്ത കൃഷി ചെയ്യരുത്.
- മികച്ച നീര്‍വാര്‍ച്ചയിലൂടെയും വായൂ സഞ്ചാരത്തിലൂടെയും ചെടികളില്‍ ഈർപ്പമില്ലാതെ സൂക്ഷിക്കാന്‍ ശ്രമിക്കുക.
- ടാര്‍പോളിനും തടിക്കുറ്റികളും ഉപയോഗിച്ച് സുതാര്യമായ മഴ സംരക്ഷിണി സ്ഥാപിക്കുക.
- ചെടികളെ പൊതുവായി ശക്തിപ്പെടുത്തുന്നതിനുള്ള പുഷ്ടിദായനികള്‍ നല്‍കുക.
- രോഗകാരികൾക്ക് ആതിഥ്യമേകാത്ത വിളകള്‍ ഉപയോഗിച്ച് രണ്ടു മൂന്നു വര്‍ഷം വിളപരിക്രമം ശുപാര്‍ശ ചെയ്യുന്നു.
- സിലിക്കേറ്റ് അടങ്ങിയിരിക്കുന്ന വളങ്ങള്‍ കുമിളിനെതിരെയുള്ള പ്രതിരോധ ശക്തി വര്‍ധിപ്പിക്കും, പ്രത്യേകിച്ചും തൈച്ചെടികളുടെ ഘട്ടത്തില്‍.
- പകല്‍ വൈകിയുള്ള ജലസേചനം ഒഴിവാക്കുക മാത്രമല്ല ചെടികള്‍ക്ക് തറ നിരപ്പില്‍ വെള്ളം നല്‍കുക.
- കൃഷിയിടത്തിലെ ഉപകരണങ്ങളും പണിയായുധങ്ങളും അണുവിമുക്തമാക്കുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
