Olpidium brassicae
കുമിൾ
5 mins to read
ഇലകളിലെ സിരകൾ വളരെയധികം വലുതാവുകയും, വ്യക്തമാവുകയും, മഞ്ഞ നിറമാറ്റം വരുകയും ചെയ്യുന്നതിന് വലിയ-സിര രോഗം കാരണമാകുന്നു. പുറംഭാഗത്തെ ഇലകള് കുത്തനെ നില്ക്കും. ഇത്തരം രൂപമാറ്റങ്ങള് ഇലകള് ഒരു വെളിച്ചത്തിന്റെ മുന്പില് വെച്ച് പരിശോധിക്കുമ്പോൾ അനായാസം ദൃശ്യമാകും. വലിയ സിരകൾ ഇലകൾ മൊത്തത്തിൽ ചുരുങ്ങുന്നതിനും വികൃതമാകുന്നതിനും കാരണമാകുന്നു. സാരമായി ബാധിക്കപ്പെട്ട ചെടികൾ രൂപവൈരൂപ്യം സംഭവിച്ചവ ആയതിനാൽ വിപണനയോഗ്യമല്ല, ഹെഡ് ലെറ്റ്യൂസ് ഇനങ്ങളിൽ ഹെഡ് ശരിയായി രൂപപ്പെടുന്നില്ല. എന്നിരുന്നാലും, സാരമായ ലക്ഷണങ്ങൾ കാണിക്കാത്ത ബാധിക്കപ്പെട്ട ചെടികൾ വിളവെടുക്കാം.
കുമിളുകൾ നേരിട്ട് പരിചരിക്കാൻ ബുദ്ധിമുട്ടാണ്. ബാധിക്കപ്പെട്ട ചെടിയുടെ അവശിഷ്ടങ്ങൾ നീക്കം ചെയ്യുക. ചെടിയുടെ ആദ്യകാലത്ത് രോഗത്തെ പ്രതിരോധിക്കാന് നടത്തുന്ന എല്ലാ നടപടികളും ഫലപ്രദമാണ്.
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. ബ്രോമോമീതേൻ അല്ലെങ്കില് ഡാസോമെറ്റ് ലായനി അടിസ്ഥാനമാക്കിയ കുമിള്നാശിനികള് പ്രയോഗിക്കുക.
ലെറ്റ്യൂസിന്റെ വേരുകളില് കൂടിച്ചേർന്നിരിക്കുന്ന ഒ. ബ്രാസിക്ക എന്ന കുമിൾ വഴി ലെറ്റ്യൂസ് ചെടികളിൽ കടക്കുന്ന, മണ്ണിലൂടെ പകരുന്ന വൈറസാണ് വലിയ-സിര രോഗത്തിന് കാരണം. മറ്റു പല കുമിളുകളും പോലെ മണ്ണിലെ ഉയര്ന്ന ഈര്പ്പവും കുറഞ്ഞ താപനിലയും രോഗവ്യാപനത്തിന് സഹായകമാവുന്നു. ഒരിക്കല് ബാധിക്കപ്പെട്ടാൽ, കുമിൾ മണ്ണില് ഒരുപാട് വര്ഷങ്ങള് നിലനിൽക്കും. സീസണ് മാറുന്നതിനനുസരിച്ച് രോഗത്തിന്റെ തീവ്രതയിലും മാറ്റം വരും. തണുത്ത കാലാവസ്ഥയിലാണ് വലിയ-സിര രോഗം കൂടുതല് ശക്തമാകുന്നതും വ്യാപിക്കുന്നതും.