വെർട്ടിസില്ലിയം വാട്ടം

ലക്ഷണങ്ങൾ

വിവിധ വിളകൾക്കനുസരിച്ച്, രോഗ ലക്ഷണങ്ങൾ വ്യത്യാസപ്പെട്ടിരിക്കുന്നു. സാധാരണയായി ആദ്യം മുതിർന്ന ഇലകളുടെ അരികുകളിൽ മഞ്ഞപ്പ് പ്രത്യക്ഷപ്പെടുന്നു. മഞ്ഞപ്പ് ബാക്കിയുള്ള കലകളിലേക്കും വ്യാപിക്കുമ്പോൾ, പലപ്പോഴും ഇലകളുടെ ഒരുവശം മാത്രം വാടിയതുപോലെ ദൃശ്യമാകുന്നു. ഈ പ്രത്യേക സവിശേഷത സെക്ടോറിയൽ ക്ലോറോസിസ് അല്ലെങ്കിൽ "വൺ സൈഡഡ് വിൽറ്റ്" എന്നറിയപ്പെടുന്നു. തണ്ടുകളിൽ കറുത്ത വരകൾ വികസിക്കുകയും, അവ ചുവട്ടിൽ നിന്നും മുകളിലേക്ക് വ്യാപിച്ച് തണ്ടുകൾ വാടുന്നതിന് കാരണമാകുന്നു. മരങ്ങളിൽ മോശമായ വളർച്ച, അകാലത്തിലെ ഇലപൊഴിയൽ, മുരടിപ്പ്, ശിഖരങ്ങളുടെ പൂർണമായ നാശം എന്നിവയാണ് പ്രധാന ലക്ഷണങ്ങൾ. തടിയിലെ കലകളിൽ വൃത്താകൃതിയിലുള്ള വളയങ്ങളുടെയോ അല്ലെങ്കിൽ വരകളുടെയോ രൂപത്തിൽ കറ പുരളുന്നത് മറ്റ് ലക്ഷണങ്ങളാണ്. ചിലപ്പോൾ, ഒരു ലെൻസ് ഉപയോഗിച്ച് സൂക്ഷ്മമായി പരിശോധിച്ചാൽ, നശിച്ചുകൊണ്ടിരിക്കുന്ന കലകളിലോ അല്ലെങ്കിൽ സജീവമായ കലകളിലോ ചെറിയ കറുത്ത പുള്ളികൾ കാണാം.