പീച്ച്
പ്ലം റസ്റ്റ്
Tranzschelia pruni spinosae
കുമിൾ
ചുരുക്കത്തിൽ
- ചെറിയ, തിളക്കമുള്ള മഞ്ഞ പാടുകൾ മുകളിലെ ഇലയുടെ ഉപരിതലത്തിൽ മൊസൈക് മാതൃകകൾ രൂപപ്പെടുത്തുന്നു.
- ഇലയുടെ താഴത്തെ പ്രതലത്തിൽ ഈ പാടുകൾക്ക് താഴെ തുരുമ്പ് മുതൽ ഇളം തവിട്ട് വരെ നിറത്തിലുള്ള കുരുക്കൾ പ്രത്യക്ഷപ്പെടും.
- ഗുരുതരമായി ബാധിക്കപ്പെട്ട ഇലകൾ ഉണങ്ങി, തവിട്ടുനിറമാവുകയും പെട്ടെന്ന് പൊഴിയുകയും ചെയ്യുന്നു.
കണ്ടെത്താൻ കഴിയുന്ന മറ്റ് വിളകൾ
പീച്ച്
ലക്ഷണങ്ങൾ
ഈ രോഗം പ്ലം മരങ്ങളെയും ഇടയ്ക്കിടെ മറ്റ് കട്ടിക്കുരുവുള്ള ഫലങ്ങള്‍ ഉണ്ടാകുന്ന മരങ്ങളെയും ബാധിക്കുന്നു. ഇലകളിൽ വസന്തകാലത്തിൻ്റെ അവസാനത്തോടെ രോഗലക്ഷണങ്ങൾ പ്രത്യക്ഷപ്പെടുന്നു, മരങ്ങളുടെ ഇനത്തെ ആശ്രയിച്ച് രോഗലക്ഷണങ്ങൾ അല്പം വ്യത്യാസപ്പെടാം. തുടക്കത്തിൽ, ചെറിയ, കോണീയ, തിളക്കമുള്ള മഞ്ഞ നിറത്തിലുള്ള പാടുകൾ മുകളിലെ ഇലയുടെ ഉപരിതലത്തിൽ മൊസൈക്ക് പാറ്റേൺ ഉണ്ടാക്കുന്നു. രോഗം വികസിക്കുമ്പോൾ, ഇലയുടെ താഴത്തെ പ്രതലത്തിൽ ഈ പാടുകൾക്ക് താഴെ തുരുമ്പ് മുതൽ ഇളം തവിട്ട് വരെ നിറമുള്ള കുരുക്കൾ പ്രത്യക്ഷപ്പെടുന്നു. പിന്നീട് സീസണിൽ, അവ ഇരുണ്ട തവിട്ടുനിറമോ കറുപ്പോ ആയി മാറുന്നു. ഗുരുതരമായി ബാധിക്കപ്പെട്ട ഇലകൾ ഉണങ്ങി, തവിട്ടുനിറമാവുകയും പെട്ടെന്ന് പൊഴിയുകയും ചെയ്യുന്നു. അകാലത്തിൽ ഇലകൾ പൊഴിയുന്നത് അടുത്ത സീസണുകളിൽ പൂക്കളുടെ വളർച്ചയെയും കായ്കളുടെ ഗുണനിലവാരത്തെയും പ്രതികൂലമായി ബാധിക്കും. മാത്രമല്ല, വർഷാവർഷം ഒരേ മരത്തിൽ തുടരുകയാണെങ്കിൽ, അത് മരത്തിന്റെ ഓജസിനെ ദുർബലപ്പെടുത്തും. കായ്കളിൽ പാടുകളുണ്ടാകാം, അതിനാൽ വിപണനം സാധ്യമല്ല.
ശുപാർശകൾ
ജൈവ നിയന്ത്രണം
ഇത് കായ്കളെ നേരിട്ട് ബാധിക്കാത്തതിനാൽ, മിക്ക സാഹചര്യങ്ങളിലും, രോഗകാരി ക്രമരഹിതമായി പ്രത്യക്ഷപ്പെടുന്നതിനാൽ പരിചരണം ആവശ്യമില്ല.
രാസ നിയന്ത്രണം
ലഭ്യമാണെങ്കിൽ, ജൈവ പരിചരണരീതികൾക്കൊപ്പം പ്രതിരോധ നടപടികളോടും കൂടിയ ഒരു സംയോജിത സമീപനം എപ്പോഴും പരിഗണിക്കുക. ബാധിപ്പിൻ്റെ ആദ്യ ലക്ഷണങ്ങൾ പ്രത്യക്ഷപ്പെട്ട ഉടൻ തന്നെ കുമിൾനാശിനി പ്രയോഗങ്ങൾ ആരംഭിക്കണം. മൈക്ലോബ്യുട്ടണിൽ, പൈറക്ലോസ്റ്റോബിൻ, ബോസ്‌കാലിഡ്, മാങ്കോസെബ്, ട്രൈഫ്ലോക്‌സിസ്ട്രോബിൻ അല്ലെങ്കിൽ ഡൈഫെനോകോണസോൾ എന്നിവ അടിസ്ഥാനമാക്കിയുള്ള ഉൽപ്പന്നങ്ങളുടെ പ്രയോഗം രോഗം നിയന്ത്രിക്കാൻ സഹായിക്കും. രോഗബാധ വൈകിയുണ്ടായാൽ, സാധ്യമെങ്കിൽ വിളവെടുപ്പിനുശേഷം പരിചരണം നേരിട്ട് പ്രയോഗിക്കണം.
അതിന് എന്താണ് കാരണം
ഒരു പരാന്നഭോജിയായ ട്രാൻഷെലിയ പ്രൂണി-സ്പൈനോസ എന്ന കുമിൾ ആണ് ലക്ഷണങ്ങൾക്ക് കാരണം, അതായത് അതിൻ്റെ ജീവിതചക്രം പൂർത്തിയാക്കാൻ സജീവമായ കലകൾ ആവശ്യമാണ്. ശാഖകളുടെ പുറംതൊലിയിലെ വിള്ളലുകളിലോ മുകുളങ്ങളുടെ സ്കെയിലുകളിലോ ബീജങ്ങളുടെ രൂപത്തിൽ കുമിൾ സുഷുപ്തകാലം അതിജീവിച്ചേക്കാം. പകരമായി, വേനൽക്കാലത്തിൻ്റെ അവസാനത്തിൽ ഇവ ആതിഥേയ സസ്യങ്ങളെ മാറ്റുകയും പ്ലം മരങ്ങൾ പ്രവർത്തനരഹിതമാകുമ്പോൾ അനിമോൺ ജനുസ്സിലെ ഇനങ്ങളിൽ അതിജീവിക്കുകയും ചെയ്യുന്നു. ഇലകളുടെ അടിഭാഗത്തുള്ള പാടുകളിൽ ബീജം ഉത്പാദിപ്പിക്കുന്ന ഘടനകൾ അടങ്ങിയിരിക്കുന്നു, അത് രണ്ട് തരം ബീജങ്ങൾ ഉത്പാദിപ്പിക്കുന്നു: ഒന്ന് വസന്തകാലത്തിൻ്റെ അവസാനത്തിലും വേനൽക്കാലത്തും കട്ടിക്കുരുവുള്ള ഫലങ്ങളെ ബാധിക്കുന്നതും അല്ലെങ്കിൽ സീസണിൻ്റെ അവസാനത്തിൽ ഇതര ആതിഥേയ സസ്യങ്ങളെ മാത്രം ബാധിക്കുന്ന മറ്റൊന്നും. രണ്ടിടത്തും, ഇലകളിലെ ഈർപ്പത്തിൻ്റെ സാന്നിധ്യത്തിൽ (മഞ്ഞ് അല്ലെങ്കിൽ മഴ) ബീജകോശങ്ങൾ പെട്ടെന്ന് മുളക്കും. താഴ്ന്ന പ്രദേശങ്ങൾ, ഈർപ്പമുള്ള സ്ഥലങ്ങൾ, രോഗസാധ്യതയുള്ള ഇനങ്ങൾ എന്നിവ കുമിൾബാധ ഉണ്ടാകാൻ സഹായിക്കുന്നു. ലോകത്തിൻ്റെ മിക്ക ഭാഗങ്ങളിലും രോഗം നിരീക്ഷിക്കപ്പെട്ടിട്ടുണ്ട്. ഇത് അതിവേഗം വ്യാപിക്കുന്നു, മാത്രമല്ല കാലാവസ്ഥ അതിൻ്റെ വളർച്ചയ്ക്ക് അനുകൂലമാണെങ്കിൽ പകർച്ചവ്യാധിയുടെ അനുപാതവും അനുമാനിക്കാം.
പ്രതിരോധ നടപടികൾ
- ലഭ്യമാണെങ്കിൽ പ്രതിരോധശേഷിയുള്ള ഇനങ്ങൾ തിരഞ്ഞെടുക്കുക.
- ഇലവിതാനങ്ങളിലൂടെ നല്ല വായുസഞ്ചാരം അനുവദിക്കുന്നതിന് പ്രൂണിങ് നടത്തുക.
- നൈട്രജൻ വളങ്ങളുടെ അമിത പ്രയോഗം ഒഴിവാക്കുക.
- കൃഷിയിടങ്ങളിലും പരിസരങ്ങളിലും ഇതര ആതിഥേയ വിളകൾ ഇല്ലെന്ന് ഉറപ്പുവരുത്തുക.
- കൃഷിയിടങ്ങളിൽ നിന്ന് രോഗബാധിതമായ ഇലകൾ നീക്കം ചെയ്ത് കത്തിക്കുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
