ಹತ್ತಿ
ಕಳೆನಾಶಕದಿಂದ ಹಾನಿ
Herbicides Growth Regulators
ಇತರೆ
ಸಂಕ್ಷಿಪ್ತವಾಗಿ
- ಎಲೆಗಳ ವಿರೂಪತೆ.
- ಕಾಂಡಗಳು ಮತ್ತು ತೊಟ್ಟುಗಳು ಮತ್ತು ನಾಳಗಳು ಉದ್ದವಾಗುವುದು.
- ಎಲೆಯು ಹಸಿರು ಬಣ್ಣ ಕಳೆದುಕೊಳ್ಳುವುದು.
ಹತ್ತಿ
ರೋಗಲಕ್ಷಣಗಳು
ರೋಗ ಲಕ್ಷಣಗಳು ಮುಖ್ಯವಾಗಿ ಎಳೆಯ, ಬೆಳೆಯುತ್ತಿರುವ ಎಲೆಗಳಲ್ಲಿ ಕಂಡುಬರುತ್ತವೆ ಮತ್ತು ಎಲೆಗಳು ಮಡಚಿಕೊಳ್ಳುವುದು, ಬಾಗುವುದು ಅಥವಾ ತಿರುಚಿಕೊಳ್ಳುವುದು, ಕಾಂಡಗಳು ಮತ್ತು ತೊಟ್ಟುಗಳು ಉದ್ದವಾಗುವುದು ಮತ್ತು ಮೇಲ್ಮೈಯಲ್ಲಿ ಗುಳ್ಳೆಗಳ ಬೆಳವಣಿಗೆಯು ಅವುಗಳಿಗೆ ಸ್ಟ್ರಾಪಿಂಗ್ ಅಥವಾ ವಿಚಸ್ ಹ್ಯಾಂಡ್ ರೂಪವನ್ನು ನೀಡುತ್ತವೆ. ಎಲೆಯ ನಾಳಗಳು ಬಲೆಗಳಂತೆ ರೂಪುಗೊಳ್ಳುವ ಬದಲು ಪರಸ್ಪರ ಸಮಾನಾಂತರವಾಗಿ ಸಾಗುತ್ತವೆ ಮತ್ತು ಎಲೆಯು ಬಹಳ ಬೇಗ ಬಣ್ಣ ಕಳೆದುಕೊಳ್ಳುತ್ತದೆ. ಇದು ಸಾಮಾನ್ಯವಾಗಿ ಹಳದಿಯಿಂದ ಬಿಳಿ ಬಳಿಕ ಕಂದು ಬಣ್ಣಕ್ಕೆ ತಿರುಗುತ್ತದೆ. ಹಳೆಯ ಎಲೆಗಳು ಅಥವಾ ಬೆಳೆದ ಬೀಜಕೋಶಗಳಂತಹ ಬೆಳೆದ ಸಸ್ಯ ಭಾಗಗಳಿಗೆ ಯಾವುದೇ ಹಾನಿ ಸಂಭವಿಸುವುದಿಲ್ಲ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಈ ಸ್ಥಿತಿಗೆ ಯಾವುದೇ ಜೈವಿಕ ಚಿಕಿತ್ಸೆಯು ಲಭ್ಯವಿಲ್ಲ. ಹಾನಿಯಾಗದಂತೆ ತಪ್ಪಿಸಲು ತಡೆಗಟ್ಟುವಿಕೆ ಮತ್ತು ಉತ್ತಮ ಕೃಷಿ ಪದ್ಧತಿಗಳು ಪ್ರಮುಖವಾಗಿವೆ. ಪ್ರಮಾಣ ಹೆಚ್ಚಾದ ಶಂಕೆ ಇದ್ದರೆ, ಸಸ್ಯಗಳನ್ನು ಪೂರ್ತಿಯಾಗಿ ತೊಳೆಯುವುದು ಸಹಾಯ ಮಾಡುತ್ತದೆ.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದರೆ , ತಡೆಗಟ್ಟುವ ಕ್ರಮಗಳು ಮತ್ತು ಜೈವಿಕ ಚಿಕಿತ್ಸೆಗಳು ಇರುವ ಸಮಗ್ರ ವಿಧಾನವನ್ನು ಪರಿಗಣಿಸಿ. ಕಳೆನಾಶಕ ಸಿಂಪಡಿಸುವ ಮೊದಲು, ನೀವು ವ್ಯವಹರಿಸಲಿರುವ (ಅಗಲ ಎಳೆಗಳು ಅಥವಾ ಹುಲ್ಲುಗಳು) ಕಳೆಗಳ ಬಗ್ಗೆ ತಿಳಿದಿರಲಿ ಮತ್ತು ಇದಕ್ಕಿಂತ ಇತರ ಯಾವುದೇ ವಿಧಾನವು ಹೆಚ್ಚು ಸೂಕ್ತವಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಕಳೆನಾಶಕವನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡಿ. ಲೇಬಲ್ ಅನ್ನು ಎಚ್ಚರಿಕೆಯಿಂದ ಓದಿ ಮತ್ತು ಸೂಚನೆಗಳನ್ನು ಮತ್ತು ಸೂಚಿಸಿದ ಪ್ರಮಾಣವನ್ನು ಅನುಸರಿಸಿ.
ಅದಕ್ಕೆ ಏನು ಕಾರಣ
ಹತ್ತಿ ಗಿಡಗಳು ವಿಶೇಷವಾಗಿ 2,4-ಡಿ ಅಥವಾ ಡಿಕ್ಯಾಂಬಾಗೆ ಸೂಕ್ಷ್ಮತೆ ಹೊಂದಿರುತ್ತವೆ. ವಿಶೇಷವಾಗಿ ಅಪ್ಲ್ಯಾಂಡ್ ಕಾಟನ್ ಗೋಸಿಪಿಯಮ್ ಹಿರ್ಸುಟಮ್ ಮತ್ತು ಪಿಮಾ ಕಾಟನ್ ಜಿ. ಬಾರ್ಬಡೆನ್ಸ್. ಈ ಕಳೆನಾಶಕಗಳು ಫಿನಾಕ್ಸಿ ಅಸಿಟಿಕ್ ಆಮ್ಲಗಳ ಅಥವಾ ಸಂಶ್ಲೇಷಿತ ಆಕ್ಸಿನ್ ಗಳ (ಗುಂಪು I) ಗುಂಪಿಗೆ ಸೇರಿವೆ ಮತ್ತು ಅಗಲ ಎಲೆಗಳ ಪ್ರಭೇದಗಳನ್ನು ನಿಯಂತ್ರಿಸಲು ಬಳಸಲಾಗುತ್ತದೆ. ಕೆಟ್ಟ ಸಮಯ, ತಪ್ಪಾದ ಫಾರ್ಮುಲೇಶನ್ ಅಥವಾ ಪ್ರತಿಕೂಲ ಹವಾಮಾನದ ಪರಿಸ್ಥಿತಿಗಳು ಹರಡುವಿಕೆಗೆ ಕಾರಣವಾಗಿ ಹತ್ತಿ ಸಸ್ಯಗಳ ಮೇಲೆ ಪರಿಣಾಮ ಬೀರಲು ಕಾರಣವಾಗಬಹುದು. ಮಾಲಿನ್ಯವು ನೆರೆಹೊರೆಯ ಹೊಲದಿಂದ ಕೂಡ ಉಂಟಾಗುತ್ತದೆ. ಕೆಟ್ಟ ಪದ್ಧತಿಗಳಿಂದಾಗಿ ಸಸ್ಯಗಳ ಮೇಲೆ ಆದ ಹಿಂದಿನ ಒತ್ತಡವು ರೋಗಲಕ್ಷಣಗಳನ್ನು ಉಲ್ಬಣಗೊಳಿಸಬಹುದು. ರೋಗಲಕ್ಷಣಗಳು ಎಷ್ಟು ಸಮಯದಿಂದ ಇವೆ ಎಂಬುದು ಪ್ರಮಾಣವನ್ನು ಅವಲಂಬಿಸಿರುತ್ತದೆ ಮತ್ತು ದರಗಳು ಅಧಿಕವಾಗಿದ್ದರೆ ಕೆಲವು ಗೆಣ್ಣುಗಳಿಂದ ಹಿಡಿದು ಇಡೀ ಸಸ್ಯದವರೆಗೂ ಇರಬಹುದು. ಸಣ್ಣ ಪ್ರಮಾಣದಲ್ಲಿ ಬಳಸಿದಾಗಲೂ ಕಳೆನಾಶಕಗಳು ಬೆಳೆಗಳಿಗೆ ಹಾನಿಮಾಡಬಹುದೆಂಬುದನ್ನು ತಿಳಿಯುವುದು ಮುಖ್ಯ.
ಮುಂಜಾಗ್ರತಾ ಕ್ರಮಗಳು
- ನೀವು ವ್ಯವಹರಿಸುತ್ತಿರುವ ಕಳೆ ಗಿಡಗಳ ಬಗ್ಗೆ ತಿಳಿದಿರಲಿ (ಮೂಲತಃ ಅಗಲ ಎಲೆಗಳ ಕಳೆಗಳು ಮತ್ತು ಹುಲ್ಲುಗಳು).
- ನಿಮ್ಮ ಉದ್ದೇಶಕ್ಕಾಗಿ ಸೂಕ್ತವಾದ ಕಳೆನಾಶಕವನ್ನು ಎಚ್ಚರಿಕೆಯಿಂದ ಆಯ್ಕೆಮಾಡಿ.
- ಲೇಬಲ್ ಅನ್ನು ಎಚ್ಚರಿಕೆಯಿಂದ ಓದಿ ಮತ್ತು ಸೂಚನೆಗಳನ್ನು ಮತ್ತು ಸೂಚಿಸಿದ ಪ್ರಮಾಣಗಳನ್ನು ಅನುಸರಿಸಿ.
- ಬೇರೆ ಕಳೆನಾಶಕದೊಂದಿಗಿನ ಮಾಲಿನ್ಯವನ್ನು ತಪ್ಪಿಸಲು ಯಾವಾಗಲೂ ಸಿಂಪಡಣೆಯ ಧಾರಕವನ್ನು ಸ್ವಚ್ಛಗೊಳಿಸಿ.
- ಇತರ ಸ್ಥಳಗಳಿಗೆ ಹರಡುವುದನ್ನು ತಡೆಯಲು ಬಿರುಗಾಳಿಯ ಪರಿಸ್ಥಿತಿಗಳಲ್ಲಿ ಸಿಂಪಡಣೆ ಮಾಡದಿರಿ.
- ಹರಡುವಿಕೆ ಕಡಿಮೆಗೊಳಿಸುವ ಸಿಂಪಡಣಾ ಮೂತಿಗಳನ್ನು ಬಳಸಿ.
- ಅದು ನಿಮ್ಮ ಗುರಿಯನ್ನು ಉತ್ತಮಗೊಳಿಸುತ್ತದೆ.
- ಫಲಿತಾಂಶಗಳನ್ನು ನೋಡಲು ಹುಲ್ಲುಗಾವಲುಗಳು ಮತ್ತು ಒಣಹುಲ್ಲಿನ ಪ್ರದೇಶಗಳಲ್ಲಿ ಕಳೆನಾಶಕವನ್ನು ಪ್ರಯತ್ನಿಸಿ ಮತ್ತು ಪರೀಕ್ಷಿಸಿ.
- ಹವಾಮಾನ ಮುನ್ಸೂಚನೆಯನ್ನು ಎಚ್ಚರಿಕೆಯಿಂದ ಪರಿಶೀಲಿಸಿ ಮತ್ತು ಅತೀ ಹೆಚ್ಚು ಗಾಳಿಯ ಒತ್ತಡ ಮತ್ತು/ಅಥವಾ ಆರ್ಧ್ರತೆ ಇದ್ದಾಗ ಸಿಂಪಡಿಸಬೇಡಿ.
- ಬಳಕೆ ದಿನಾಂಕಗಳು, ಉತ್ಪನ್ನಗಳು, ಹೊಲದ ಸ್ಥಳಗಳು ಮತ್ತು ಹವಾಮಾನ ಸ್ಥಿತಿಗಳಿರುವ ಚಟುವಟಿಕೆಗಳ ಪಟ್ಟೆಯನ್ನು ಇರಿಸಿಕೊಳ್ಳಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
