ಕಂಬಳಿಹುಳು

ರೋಗಲಕ್ಷಣಗಳು

ಮಾವಿಗೆ ದಾಳಿಯಿಡುವ ಕಂಬಳಿಹುಳಗಳ ಆರಂಭಿಕ ಹಂತದ ಲಾರ್ವಾಗಳ ದೇಹದ ಪಾರ್ಶ್ವದಿಂದ ಉದ್ದನೆಯ ಬಿಳಿಯ ಕೂದಲಿರುತ್ತವೆ. ಅವು ಗುಂಪಾಗಿ ಮಾವಿನ ಮತ್ತು ಇತರ ಅನೇಕ ಜಾತಿಯ ಮರಗಳ ಎಲೆಯನ್ನು ತಿನ್ನುತ್ತವೆ. ಇದರಿಂದ ಕೊನೆಗೆ ಮರದ ಎಲೆಯೆಲ್ಲವೂ ಉದುರಿ ಹೋಗುತ್ತದೆ. ಪ್ರಬುದ್ಧ ಲಾರ್ವಾದ ದೇಹವು ಕೆಂಪುಮಿಶ್ರಿತ ಕಂದು ಬಣ್ಣದಲ್ಲಿರುತ್ತದೆ. ತಲೆಯು ಕೆಂಪು ಬಣ್ಣದಲ್ಲಿದ್ದು, ಸುತ್ತಲೂ ಬಿಳಿ ಕೂದಲಿರುತ್ತದೆ. ತಲೆಯಲ್ಲಿ ಮತ್ತು ಹಿಂಬದಿಯಲ್ಲಿ ಜುಟ್ಟಿನಂತೆ ಕೂದಲಿರುತ್ತದೆ. ಎಲೆಗಳು ಅಥವಾ ಕೊಂಬೆಗಳ ಮೇಲೆ ಕೂದಲುಗಳ ಗೂಡಿನಲ್ಲಿ ಲಾರ್ವಾವು ಪ್ಯೂಪಾ ಹಂತಕ್ಕೆ ಬೆಳೆಯುತ್ತದೆ. ಪತಂಗವು ಹಳದಿ ಬಣ್ಣದಲ್ಲಿದ್ದು, ಮುಂದಿನ ರೆಕ್ಕೆಗಳಲ್ಲಿ ಅಡ್ಡಕ್ಕೆ ಮತ್ತು ಉದ್ದಕ್ಕೆ ಗಾಢವಾದ ಗೆರೆಗಳೂ, ರೆಕ್ಕೆಯ ಅಂಚಿಗೆ ಕಪ್ಪು ಚುಕ್ಕೆಗಳೂ ಇರುತ್ತವೆ.