ಬೋರಾನ್ ಕೊರತೆ

ರೋಗಲಕ್ಷಣಗಳು

ಬೆಳೆಗಳು ಮತ್ತು ಬೆಳವಣಿಗೆಯ ಪರಿಸ್ಥಿತಿಗಳ ಆಧಾರದ ಮೇಲೆ ರೋಗಲಕ್ಷಣಗಳು ಬದಲಾಗುತ್ತವೆ. ಆದರೆ ಸಾಮಾನ್ಯವಾಗಿ ಅವುಗಳು ಹೊಸ ಬೆಳವಣಿಗೆಯಲ್ಲಿ ಮೊದಲು ಗೋಚರಿಸುತ್ತವೆ. ಮೊದಲ ಚಿಹ್ನೆಯೆಂದರೆ ಸಾಮಾನ್ಯವಾಗಿ ಎಳೆಯ ಎಲೆಗಳು ಬಣ್ಣಗೆಡುವುದು ಮತ್ತು ಅವು ದಪ್ಪವಾಗುವುದು. ಎಲೆಗಳ ಹಳದಿಯಾಗುವಿಕೆ ಏಕರೂಪವಾಗಿರಬಹುದು, ಅಥವಾ ಅಂತರ ನಾಳಗಳಲ್ಲಿ ವೈವಿಧ್ಯಮಯವಾಗಿ ಬರಬಹುದು. ಅದು ಮುಖ್ಯ ನಾಳಗಳಿಂದ ನಿಧಾನವಾಗಿ ಬಣ್ಣಗುಂದುತ್ತಾ ಹೋಗುತ್ತದೆ. ಚಿಗುರಿನ ತುದಿಯಲ್ಲಿರುವ ಎಲೆಗಳು ಮತ್ತು ಕಾಂಡಗಳು ಗಡಸಾಗುತ್ತವೆ ಮತ್ತು ಅವುಗಳನ್ನು ಬಾಗಿಸಿದರೆ ಸುಲಭವಾಗಿ ಮುರಿಯುತ್ತವೆ. ಎಲೆಗಳು ಸುಕ್ಕಾಗಬಹುದು (ನಾಳಗಳ ಮಧ್ಯದ ಭಾಗಗಳಲ್ಲಿ ಸ್ವಲ್ಪ ಊದಿರುತ್ತದೆ) ಮತ್ತು ಅವುಗಳ ತುದಿ ಮತ್ತು ಪಾರ್ಶ್ವದ ಹಾಲೆಗಳು ಕೆಳಕ್ಕೆ ಸುರುಳಿಯಾಗಿರುತ್ತವೆ. ಕೆಲವು ಸಂದರ್ಭಗಳಲ್ಲಿ, ಎಲೆ ನಾಳಗಳು ದಪ್ಪವಾಗುತ್ತವೆ ಮತ್ತು ಉಬ್ಬಿರುತ್ತವೆ ಮತ್ತು ತೊಟ್ಟುಗಳು ತಿರುಚಿಕೊಂಡಂತಿರುತ್ತವೆ. ಗೆಣ್ಣುಗಳ ನಡುವಣ ಅಂತರ ಚಿಕ್ಕದಾಗುತ್ತವೆ, ತುದಿಯ ಹತ್ತಿರ ಹೆಚ್ಚಿನ ಎಲೆಗಳು ಬೆಳೆಯುತ್ತವೆ. ತೀವ್ರತೆ ಹೆಚ್ಚಾದಾಗ, ಕೊರತೆಯ ಕಾರಣದಿಂದ ಬೆಳೆಯುತ್ತಿರುವ ಬಿಂದುಗಳಲ್ಲಿ ನೆಕ್ರೋಸಿಸ್ ಉಂಟಾಗುತ್ತದೆ. ಶೇಖರಣಾ ಬೇರುಗಳು ಸಾಮಾನ್ಯವಾಗಿ ಚಿಕ್ಕದಾಗಿರುತ್ತವೆ ಮತ್ತು ಅವುಗಳ ತುದಿ ಮೊಂಡಾಗಿರುತ್ತದೆ ಮತ್ತು ಕೊರತೆ ಹೆಚ್ಚಾದಂತೆ ಅವು ಸೀಳಬಹುದು.