ಝಿಂಕ್ ಕೊರತೆ (ಸತುವಿನ ಕೊರತೆ)

ರೋಗಲಕ್ಷಣಗಳು

ಸತುವಿನ ಕೊರತೆಯ ರೋಗಲಕ್ಷಣಗಳು ಸಸ್ಯಗಳ ಜಾತಿಯಿಂದ ಜಾತಿಗೆ ಬದಲಾಗುತ್ತವೆ ಆದರೆ ಹಲವಾರು ಲಕ್ಷಣಗಳು ಸಾಮಾನ್ಯವಾಗಿವೆ. ಹಲವು ಜಾತಿಗಳಲ್ಲಿ ಎಲೆಗಳು ಹಳದಿಯಾಗುತ್ತವೆ. ಹೆಚ್ಚಾಗಿ ಅಂತರ್ ನಾಳ ಕ್ಲೊರೋಸಿಸ್ ಕಾಣಿಸಿಕೊಳ್ಳುತ್ತದೆ. ( ಎಲೆಯ ಮುಖ್ಯ ನಾಳಗಳು ಹಸಿರು ಬಣ್ಣದಲ್ಲಿಯೇ ಇರುತ್ತವೆ). ಕೆಲವು ಜಾತಿಗಳಲ್ಲಿ, ಚಿಗುರು ಎಲೆಗಳು ಹೆಚ್ಚು ತೊಂದರೆಗೆ ಒಳಗಾಗುತ್ತವೆ. ಆದರೆ, ಇನ್ನೂ ಕೆಲವು ಜಾತಿಗಳಲ್ಲಿ ಹಳೆಯ ಮತ್ತು ಹೊಸ ಎಲೆಗಳೆರಡರಲ್ಲೂ ರೋಗಲಕ್ಷಣಗಳು ಕಾಣುತ್ತವೆ. ಹೊಸ ಎಲೆಗಳು ಸಾಮಾನ್ಯವಾಗಿ ಚಿಕ್ಕದಾಗಿ ಮತ್ತು ಕಿರಿದಾಗಿರುತ್ತವೆ ಮತ್ತು ಎಲೆಗಳ ಅಂಚು ವಕ್ರವಾಗಿರುತ್ತದೆ. ಕಾಲಾನಂತರದಲ್ಲಿ, ಕ್ಲೋರೊಟಿಕ್ ಚುಕ್ಕೆಗಳು ಕಂಚಿನ ಬಣ್ಣ ತಾಳುತ್ತವೆ ಮತ್ತು ಕೊಳೆತಂತೆ ಕಾಣುವ ಜಾಗಗಳು ಅಂಚಿನಿಂದ ಹರಡಲು ಪ್ರಾರಂಭಿಸಬಹುದು. ಇನ್ನೂ ಕೆಲವು ಬೆಳೆಗಳಲ್ಲಿ, ಸತು ಕೊರತೆಯಿರುವ ಎಲೆಗಳಲ್ಲಿ ತೊಟ್ಟುಗಳ ನಡುವಣ ಅಂತರ ಕಡಿಮೆಯಾಗುತ್ತದೆ. ಆದ್ದರಿಂದ ಎಲೆಗಳು ಕಾಂಡದ (ರೋಸೆಟಿಂಗ್) ಮೇಲೆ ಗುಂಪು ಗುಂಪಾಗಿರುತ್ತವೆ. ಹೊಸ ಎಲೆಗಳ ನಿರ್ಬಂಧಿತ ಬೆಳವಣಿಗೆಯಿಂದಾಗಿ ( ಕಿರು ಎಲೆಗಳು) ಎಲೆಯ ವಿರೂಪತೆ ಮತ್ತು ಕುಂಠಿತ ಬೆಳವಣಿಗೆ ಉಂಟಾಗಬಹುದು ಮತ್ತು ತೊಟ್ಟುಗಳ ನಡುವೆ ಆಂತರ ಕಡಿಮೆಯಾಗಬಹುದು.