ಕ್ಯಾಲ್ಸಿಯಂ ಕೊರತೆ

ಅದಕ್ಕೆ ಏನು ಕಾರಣ

ರೋಗಲಕ್ಷಣಗಳು ಸಾಮಾನ್ಯವಾಗಿ, ಮಣ್ಣಿನಲ್ಲಿನ ಪೋಷಕಾಂಶದ ಕೊರತೆಗಿಂತಲೂ ಹೆಚ್ಚಾಗಿ, ಪೋಷಕಾಂಶ ಸಸ್ಯಗಳಿಗೆ ಲಭಿಸುವ ವಿಷಯಕ್ಕೆ ಸಂಬಂಧಿಸಿದೆ. ಕ್ಯಾಲ್ಸಿಯಂ ಗಿಡಗಳಲ್ಲಿ ಸಂಚರಿಸುವುದಿಲ್ಲ ಮತ್ತು ಅದರ ಹೀರುವಿಕೆಯು ಸಸ್ಯದಲ್ಲಿನ ನೀರಿನ ಸಂಗ್ರಹ ಮತ್ತು ಸಾಗಣಿಕೆಯ ಜೊತೆಗೆ ಬಲವಾದ ಸಂಬಂಧ ಹೊಂದಿದೆ. ಹೊಸ ಎಲೆಗಳಲ್ಲೇ ಮೊದಲು ಕೊರತೆಯ ರೋಗಲಕ್ಷಣಗಳು ಏಕೆ ಕಾಣಿಸಿಕೊಳ್ಳುತ್ತವೆ ಎಂಬುದನ್ನು ಇದು ವಿವರಿಸುತ್ತದೆ. ಒದ್ದೆ ಮಣ್ಣುಗಳು ಮತ್ತು ನೀರಾವರಿ ಮಾಡಿದ ಮಣ್ಣುಗಳು ಕ್ಯಾಲ್ಸಿಯಂ ಕರಗಿಸುವುದರಲ್ಲಿ ಮತ್ತು ಅದನ್ನು ಸಸ್ಯಗಳಿಗೆ ತಲುಪಿಸುವುದರಲ್ಲಿ ಉತ್ತಮವಾಗಿವೆ. ಆದರೆ, ಮರಳು ಮಣ್ಣು ತನ್ನ ಕಡಿಮೆ ಜಲ ಧಾರಣ ಸಾಮರ್ಥ್ಯದಿಂದಾಗಿ ಬರಕ್ಕೆ ಒಳಪಡಬಹುದು ಮತ್ತು ಇದರಿಂದಾಗಿ ಅದರ ಹೀರುವಿಕೆ ಸೀಮಿತಗೊಳ್ಳಬಹುದು. ಮಣ್ಣಿಗೆ ನೀರುಣಿಸುವ ನಡುವಿನ ಅವಧಿಯಲ್ಲಿ ಮಣ್ಣನ್ನು ತುಂಬಾ ಒಣಗಲು ಬಿಡುವುದರಿಂದಲೂ ಈ ಲಕ್ಷಣಗಳು ಉಂಟಾಗಬಹುದು. ಕಡಿಮೆ pH ಹೊಂದಿರುವ, ಹೆಚ್ಚು ಉಪ್ಪಿನಂಶ ಅಥವಾ ಅಮೋನಿಯಮ್ ಇರುವ ಮಣ್ಣುಗಳು ಕೂಡ ಸಮಸ್ಯೆ ಒಡ್ಡಬಹುದು. ಗಾಳಿಯಲ್ಲಿ ಅಧಿಕ ಆರ್ದ್ರತೆ ಅಥವಾ ಮಣ್ಣಲ್ಲಿ ನೀರು ನಿಲ್ಲುವುದು ಸಹ ಅಂಗಾಂಶಗಳಿಗೆ ನೀರಿನ ಸಾಗಾಣಿಕೆಯನ್ನು ನಿಧಾನಗೊಳಿಸಬಹುದು ಮತ್ತು ಆದರಿಂದ ಕ್ಯಾಲ್ಸಿಯಂ ಕಡಿಮೆ ಹೀರಲ್ಪಡುತ್ತದೆ.