ಪೊಟ್ಯಾಸಿಯಮ್ ಕೊರತೆ

ರೋಗಲಕ್ಷಣಗಳು

ರೋಗಲಕ್ಷಣಗಳು ಮುಖ್ಯವಾಗಿ ಹಳೆಯ ಎಲೆಗಳಲ್ಲಿ ಗೋಚರಿಸುತ್ತವೆ ಮತ್ತು ತೀವ್ರವಾದ ಕೊರತೆಗಳ ಸಂದರ್ಭದಲ್ಲಿ ಮಾತ್ರ ಹೊಸ ಎಲೆಗಳ ಮೇಲೆ ಕಾಣಲು ಪ್ರಾರಂಭಿಸುತ್ತವೆ. ಅಲ್ಪ ಪೊಟ್ಯಾಸಿಯಮ್ ಕೊರತೆಯ ಲಕ್ಷಣವೆಂದರೆ ಎಲೆಗಳ ಅಂಚು ಮತ್ತು ಕುಡಿಗಳು ಸ್ವಲ್ಪ ಹಳದಿಯಾಗುವುದು. ನಂತರ ಎಲೆಯ ತುದಿ ಸುಟ್ಟಂತಾಗುತ್ತದೆ. ಎಲೆ ಸ್ವಲ್ಪ ಬಿಳುಚಿದಂತಾಗುತ್ತದೆ ಆದರೆ ಮುಖ್ಯ ನಾಳಗಳು ಗಾಢ ಹಸಿರು (ಅಂತರ್ನಾಳ ಕ್ಲೋರೋಸಿಸ್) ಬಣ್ಣದಲ್ಲೇ ಇರುತ್ತವೆ. ಇದನ್ನು ತಡೆಯದೇ ಇದ್ದರೆ, ಈ ಕ್ಲೋರೋಟಿಕ್ ತೇಪೆಗಳು ಒಣಗಿ, ಚರ್ಮದ ಕಂದು ಬಣ್ಣಕ್ಕೆ ಅಥವಾ ಸುಟ್ಟಂತಹ ಗಾಢ ಕಂದು ಬಣ್ಣಕ್ಕೆ (ನೆಕ್ರೋಸಿಸ್) ತಿರುಗುತ್ತವೆ. ಇದು ಸಾಮಾನ್ಯವಾಗಿ ಎಲೆಯ ಅಂಚಿನಿಂದ ಮಧ್ಯಭಾಗಕ್ಕೆ ಮುಂದುವರಿಯುತ್ತದೆ. ಹಾಗಿದ್ದೂ, ಮುಖ್ಯ ನಾಳಗಳು ಹಸಿರಾಗಿ ಉಳಿಯುತ್ತವೆ. ಎಲೆಗಳು ಸುರುಳಿ ಸುತ್ತಿ, ಮುರುಟಿ ಅಕಾಲಿಕವಾಗಿ ಉದುರುತ್ತವೆ. ಹೊಸ ಎಲೆಗಳು ಸಣ್ಣದಾಗಿ ಮತ್ತು ಮಂಕಾಗಿರುತ್ತವೆ ಹಾಗು ಬಟ್ಟಲಿನ ಆಕಾರ ಪಡೆಯುತ್ತವೆ. ಪೊಟ್ಯಾಸಿಯಮ್-ಕೊರತೆಯಿರುವ ಸಸ್ಯಗಳ ಬೆಳವಣಿಗೆ ಕುಂಠಿತವಾಗುತ್ತದೆ ಹಾಗು ರೋಗಗಳು ಮತ್ತು ಬರ, ಹಿಮದಂತಹ ಹವಾಮಾನ ವೈಪರೀತ್ಯಗಳಿಗೆ ಹೆಚ್ಚು ಸೂಕ್ಷ್ಮವಾಗಿರುತ್ತವೆ. ಕೆಲವು ಸಂದರ್ಭಗಳಲ್ಲಿ, ಹಣ್ಣುಗಳು ತೀವ್ರವಾಗಿ ವಿರೂಪಗೊಳ್ಳಬಹುದು.