ಕಾಫಿ ಎಲೆ ಕೊರಕ

ಅದಕ್ಕೆ ಏನು ಕಾರಣ

ಈ ತೊಂದರೆಗೆ ಕಾರಣ ಕಾಫಿ ಎಲೆಕೊರಕದ ಮರಿ ಹುಳ (ಲಾರ್ವಾ). ಇದು ಕಾಫಿ ಎಲೆಯನ್ನ ಮಾತ್ರ ತಿನ್ನುವಂತದ್ದು. ವಯಸ್ಕ ಹುಳಗಳು ರಾತ್ರಿ ಹೊತ್ತು ಕೂಡಿ ಹೆಣ್ಣು ಹುಳು ಕಾಫಿ ಎಲೆಯ ಮೇಲ್ಬಾಗದಲ್ಲಿ ಮೊಟ್ಟೆ ಇಡುತ್ತವೆ. ಮೊಟ್ಟೆ ಇಡುವ ಅವಧಿ 20° ತಾಪಮಾನದಲ್ಲಿ 3.6 ದಿನಗಳು. ಒಂದೊಂದು ಮೊಟ್ಟೆಯೂ ಸರಾಸರಿ 0.3 ಮಿಲಿಮೀಟರ್ ಇದ್ದು ಬರಿಗಣ್ಣಿಗೆ ಕಾಣಿಸುವುದು ಕಷ್ಟ. ಮೊಟ್ಟೆಯೊಡೆದ ಮೇಲೆ ಮರಿಹುಳ ಎಲೆಗಳ ಮೇಲ್ಭಾಗದಲ್ಲಿ ಅಂಟಿಕೊಂಡಿರುವ ಮೊಟ್ಟೆಯ ಕೆಳಗಿನಿಂದ ಹೊರಬಂದು ಎಲೆಯೊಳಗೆ ಸೇರಿಕೊಳ್ಳುತ್ತದೆ. ಮರಿಹುಳಗಳು ಪಾರದರ್ಶಕವಾಗಿದ್ದು 3.5 ಮಿಲಿಮೀಟರ್ ಉದ್ದದ ತನಕ ಬೆಳೆಯುತ್ತವೆ. ಮರಿಹುಳಗಳು ಎಲೆಯೊಳಗಿನ ಮೆಸೊಫಿಲ್ ಅನ್ನು ಸೇವಿಸುತ್ತವೆ ಮತ್ತು ಎಲೆಗಳ ಮೇಲೆ ಕೊರೆಯುತ್ತವೆ. ಕೊರೆತದಿಂದಾಗಿ ಎಲೆಯ ಆ ಭಾಗ ಸತ್ತು ದ್ಯುತಿಸಂಶ್ಲೇಷಣೆಗೆ ಬೇಕಾದ ಜಾಗ ಕಡಿಮೆಯಾಗುತ್ತದೆ. ಇದರಿಂದಾಗಿ ದ್ಯುತಿಸಂಶ್ಲೇಷಣೆಯ ದರ ಕಡಿಮಯಾಗಿ ನಂತರ ಆ ಗಿಡದ ಸವಕಳಿಯಾಗುತ್ತದೆ. ಮರಿಹುಳುವಿನ ಹಂತದಲ್ಲಿ ನಾಲ್ಕು ಹಂತ ಇರುತ್ತದೆ. ಮರಿಹುಳ ಕೊರೆತದಿಂದ ಹೊರಬಂದು 'X' ಆಕಾರದಲ್ಲಿ ನೂಲಿನ ಗೂಡನ್ನ ಹೆಣೆದು ಪ್ಯೂಪೆ ರಚಿಸುತ್ತದೆ. ಸಾಧಾರಣವಾಗಿ ಇದು ಎಲೆಯ ನಡುವಿನಲ್ಲಿರುತ್ತದೆ. ಸಾಮಾನ್ಯವಾಗಿ ತರಗೆಲೆಗಳು ರಾಶಿಯಾಗುವಂತ ಗಿಡದ ಕೆಳಭಾಗದಲ್ಲಿ ಪ್ಯೂಪೆಗಳು ಹೆಚ್ಚಾಗಿ ಕಾಣಸಿಗುತ್ತವೆ. ಪ್ಯೂಪೆಯೊಳಗಿಂದ ಸರಾಸರಿ 2 ಮಿಲಿಮೀಟರ್ ಉದ್ದದ ಮತ್ತು 6.5 ಮಿಲಿಮೀಟರ್ ಅಗಲ ರೆಕ್ಕೆಯ ವಯಸ್ಕ ಹುಳಗಳು ಹೊರಬರುತ್ತವೆ. ಗರಿಗರಿ ರೆಕ್ಕೆಯ ಜೊತೆ ಬಿಳಿ ಕೂದಲಿನ ಹುರುಪೆಗಳಿದ್ದು ಹೊಟ್ಟೆಯ ಕೊನೆಯವರೆಗೂ ಚಾಚುವ ಆಂಟೆನಾ ಕಂದು-ಬಿಳಿ ಬಣ್ಣದಲ್ಲಿರುತ್ತದೆ. ವಯಸ್ಕ ಹುಳಗಳು ಪ್ಯೂಪೆಯಿಂದ ಹೊರಬಂದ ಮೇಲೆ ಕೂಡಿ ಮೊಟ್ಟೆ ಇಡುವ ಮೂಲಕ ಈ ಚಕ್ರ ಮುಂದುವರೆಯುತ್ತದೆ. ಬೇಸಿಗೆ ಕಾಲದಲ್ಲಿ ಮತ್ತು ತಾಪಮಾನ ಜಾಸ್ತಿ ಇರುವ ಸಮಯದಲ್ಲಿ ಈ ಕೀಟಬಾಧೆ ಹೆಚ್ಚು.