ಇತರೆ
ಮೆಡಿಟರೇನಿಯನ್ ಬ್ರೊಕೇಡ್ ಪತಂಗ
Spodoptera littoralis
ಕೀಟ
ಸಂಕ್ಷಿಪ್ತವಾಗಿ
- ಮರಿಹುಳುಗಳು ಸಸ್ಯದ ಎಲ್ಲಾ ಭಾಗಗಳನ್ನು ತಿನ್ನುತ್ತವೆ.
- ಇವು ಬಹು ಸಸ್ಯ ತಿನ್ನುವ ಕೀಟವಾಗಿದ್ದು ಅನೇಕ ಬೆಳೆಗಳ ಮೇಲೆ ದಾಳಿ ಮಾಡುತ್ತವೆ.
- ಸಸ್ಯದ ಬೆಳವಣಿಗೆ ಕುಂಠಿತವಾಗುತ್ತದೆ.
- ಹಣ್ಣುಗಳು ಸಣ್ಣದಾಗಿರುತ್ತವೆ ಅಥವಾ ಹಣ್ಣುಗಳು ಉತ್ಪಾದನೆಯಾಗುವುದೇ ಇಲ್ಲ.
ಇತರೆ
ರೋಗಲಕ್ಷಣಗಳು
ಲಾರ್ವಾಗಳು ಜಾಸ್ತಿ ತಿಂದು ಗಮನಾರ್ಹ ಹಾನಿಯನ್ನುಂಟುಮಾಡುತ್ತವೆ. ಹೆಚ್ಚಾಗಿ ಸಸ್ಯಗಳನ್ನು ಸಂಪೂರ್ಣವಾಗಿ ತರಿದು ಹಾಕುತ್ತವೆ. ಅವು ಎಳೆಯ, ನವಿರಾದ ಎಲೆಗಳಿಗೆ ಆದ್ಯತೆ ನೀಡುತ್ತವಾದರೂ, ಬೆಳೆಯುವ ಭಾಗಗಳು, ಎಳೆಯ ಚಿಗುರುಗಳು, ಕಾಂಡಗಳು, ಮೊಗ್ಗುಗಳು, ಹಣ್ಣುಗಳು ಮತ್ತು ಎಲ್ಲಾ ಸಸ್ಯ ಭಾಗಗಳನ್ನು ತಿನ್ನುತ್ತವೆ. ಲಾರ್ವಾಗಳು ಕಾಂಡಗಳೊಳಗೆ ಅಗಿಯುತ್ತವೆ ಮತ್ತು ತೂತುಗಳನ್ನು ಮಾಡಿ ಇತರ ರೋಗಗಳನ್ನು ಒಳಗೆ ಬಿಡುತ್ತವೆ. ಲಾರ್ವಾಗಳು ಎಳೆಯ ಸಸ್ಯವನ್ನು ಹೆಚ್ಚು ತಿನ್ನುತ್ತಿದ್ದರೆ, ಸಸ್ಯದ ಬೆಳವಣಿಗೆಯು ಕುಂಠಿತವಾಗುತ್ತದೆ ಮತ್ತು ಅದು ಸಣ್ಣ ಹಣ್ಣುಗಳನ್ನು ಅಥವಾ ತಡವಾಗಿ ಹಣ್ಣುಗಳನ್ನು ನೀಡುತ್ತವೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ತಡೆಗಟ್ಟುವಿಕೆಯಿಂದ ಪ್ರಾರಂಭವಾಗುವಂತಹ ಸರಿಯಾದ ಸಮಗ್ರ ಕೀಟ ನಿರ್ವಹಣೆ ಬಹಳ ಮುಖ್ಯ. ಪತ್ತೆಹಚ್ಚುವಿಕೆಗಾಗಿ ಫೆರೋಮೋನ್ ಬಲೆಗಳ ಬಳಕೆ ಮತ್ತು ಸಾಮೂಹಿಕವಾಗಿ ಹಿಡಿಯುವುದು ಮತ್ತು ಸಂಯೋಗಕ್ಕೆ ಅಡ್ಡಿ ಪಡಿಸುವುದು ಬಹಳ ಮುಖ್ಯ.
ರಾಸಾಯನಿಕ ನಿಯಂತ್ರಣ
ಈ ಕೀಟವು ಅನೇಕ ರಾಸಾಯನಿಕ ಸಂಯುಕ್ತಗಳಿಗೆ ನಿರೋಧಕವಾಗಿದೆ. ಲಭ್ಯವಿದ್ದಲ್ಲಿ ಜೈವಿಕ ಚಿಕಿತ್ಸೆಗಳ ಜೊತೆಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ.
ಅದಕ್ಕೆ ಏನು ಕಾರಣ
ಚಳಿಗಾಲದಲ್ಲಿ ಕೆಲವು ಬಾರಿ ಮಂಜು ಬೀಳುವ ಪ್ರದೇಶಗಳಲ್ಲಿ ಇದು ಸಾಮಾನ್ಯವಾಗಿದೆ. ಮೊಟ್ಟೆ ಮತ್ತು ಲಾರ್ವಾ ಎರಡೂ ಕೂಡ ನೆಡು ವಸ್ತು ಅಥವಾ ಸಸಿಗಳ ಮೂಲಕ ಹೊಲದೊಳಗೆ ಸೇರಬಹುದು. ವಯಸ್ಕ ಕೀಟವು ಚಿಕ್ಕ ದ್ರಾಕ್ಷಿಯ ಗಾತ್ರವನ್ನು ಹೊಂದಿರುತ್ತದೆ. ಇದರ ರೆಕ್ಕೆಗಳು ಬೂದು-ಕಂದು ಬಣ್ಣದಲ್ಲಿದ್ದು ಬಿಳಿ ರೇಖೆಗಳಿರುತ್ತವೆ. ಹೆಣ್ಣು ಪತಂಗಗಳು ತಮ್ಮ ಮೊಟ್ಟೆಯ ರಾಶಿಯನ್ನು (20 ರಿಂದ 1,000 ಮೊಟ್ಟೆಗಳು) ಎಳೆಯ ಎಲೆಗಳ ಕೆಳಗಿನ ಮೇಲ್ಮೈಯಲ್ಲಿ ಅಥವಾ ಸಸ್ಯದ ಮೇಲಿನ ಭಾಗಗಳಲ್ಲಿ ಇಡುತ್ತವೆ: ಮೊಟ್ಟೆಗಳು ಬಿಳಿ-ಹಳದಿ ಬಣ್ಣದಲ್ಲಿದ್ದು, ಹೆಣ್ಣಿನ ಹೊಟ್ಟೆಯ ಕೂದಲಿನಂತಹ ಹೆಕ್ಕಳೆಗಳಿಂದ ಆವೃತವಾಗಿರುತ್ತವೆ. ಲಾರ್ವಾಗಳು ಸುಮಾರು ಹೆಬ್ಬೆರಳಿನ ಗಾತ್ರದವರೆಗೆ ಬೆಳೆಯುತ್ತವೆ, ಕೂದಲುರಹಿತವಾಗಿರುತ್ತವೆ ಮತ್ತು ಬಣ್ಣ ಬದಲಾಗುತ್ತಿರುತ್ತದೆ (ಕಡು ಬೂದು ಬಣ್ಣದಿಂದ ಕಡು ಹಸಿರು, ನಂತರದ ಹಂತಗಳಲ್ಲಿ ಕೆಂಪು-ಕಂದು ಅಥವಾ ತಿಳಿ ಹಳದಿ ಬಣ್ಣಕ್ಕೆ ತಿರುಗುತ್ತದೆ).
ಮುಂಜಾಗ್ರತಾ ಕ್ರಮಗಳು
- ಕೀಟದ ಚಟುವಟಿಕೆಯನ್ನು ಮೇಲ್ವಿಚಾರಣೆ ಮಾಡಲು, ಪ್ರತಿ ಎಕರೆಗೆ 1 ಫೆರೋಮೋನ್ ಬಲೆಯನ್ನು ನೆಲದಿಂದ 1 ರಿಂದ 2 ಮೀ.
- ಎತ್ತರದಲ್ಲಿ ಇರಿಸಿ.
- ಆಗಾಗ್ಗೆ ಅನಾವಶ್ಯಕ ಕೀಟನಾಶಕ ಸಿಂಪಡಿಸುವುದನ್ನು ಕಡಿಮೆ ಮಾಡುವ ಮೂಲಕ ಪ್ರಯೋಜನಕಾರಿ ಕೀಟಗಳಿಗೆ ಅನುಕೂಲವಾಗುವಂತೆ ಮಾಡಬಹುದು.
- ಇವು ಕೀಟಗಳನ್ನು ತಿಂದು ಮತ್ತು ಕೀಟ ಸಂಖ್ಯೆಯನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಬಹುದು.
- ಯಾವುದೇ ಮೊಟ್ಟೆಯ ರಾಶಿಗಳು ಅಥವಾ ಮರಿಹುಳುಗಳನ್ನು ತೊಡೆದುಹಾಕಲು ನಾಟಿ ಮಾಡುವ ಮೊದಲು ಸಸಿಯನ್ನು ಪರೀಕ್ಷಿಸಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
