ಸರಿಗೆ ಹುಳು (ವೈರ್ ವರ್ಮ್)

ರೋಗಲಕ್ಷಣಗಳು

ನೆಲದಡಿಯಲ್ಲಿರುವ ಚಿಗುರುತ್ತಿರುವ ಬೀಜಗಳು, ಬೇರುಗಳು ಮತ್ತು ಎಳೆ ಸಸಿಗಳನ್ನು ಸರಿಗೆಹುಳುಗಳು ತಿನ್ನುತ್ತವೆ, ಸಸ್ಯಗಳನ್ನು ನೇರವಾಗಿ ಸಾಯಿಸುತ್ತವೆ ಅಥವಾ ಗಾಯಗೊಳಿಸುತ್ತವೆ. ಈ ಗಾಯಗಳು ಅವಕಾಶವಾದಿ ರೋಗಕಾರಕಗಳಿಗೆ ಒಂದು ಪರಿಪೂರ್ಣವಾದ ದ್ವಾರವಾಗಿದ್ದು, ಇದು ರೋಗಲಕ್ಷಣಗಳನ್ನು ಮತ್ತಷ್ಟು ಕೆಡಿಸುತ್ತವೆ. ನಾಟಿ ಮಾಡಿದ ಸ್ವಲ್ಪ ದಿನಗಳಲ್ಲೇ ಮೃತ ಸಸಿಗಳು ಮತ್ತು ಟೋಳ್ಳಾದ ಬೀಜಗಳು ಕಂಡುಬರುವುದು ಈ ಕೀಟದಿಂದ ಮಣ್ಣಿನಲ್ಲಾಗುವ ಸೋಂಕಿನ ಹೇಳಿಮಾಡಿಸಿದಂತಹ ಚಿಹ್ನೆಗಳು. ಸಸ್ಯದ ಬೆಳವಣಿಗೆಯ ನಂತರದ ಹಂತಗಳಲ್ಲಿ, ಎಳೆ ಸಸ್ಯಗಳು ಬಾಡಬಹುದು ಮತ್ತು ಬಣ್ಣಗೆಡುವ ಲಕ್ಷಣಗಳನ್ನು ತೋರಿಸಬಹುದು. ಮಧ್ಯಭಾಗದಲ್ಲಿನ ಎಲೆಗಳ ಮೇಲೆ ತಿಂದು ಬಿಟ್ಟಿರುವ ಹಾನಿ ಉಂಟಾಗುತ್ತದೆ ಅಥವಾ ಅವು ಹೊರ ಎಲೆಗಳು ಹಸಿರಾಗಿದ್ದಾಗಲೇ ಸಾಯುತ್ತವೆ. ಕಾಂಡವು ಚೂರುಚೂರಾಗಿ ಮುರಿಯುತ್ತದೆ ಅದರೆ ಇನ್ನೂ ಬೇರುಗಳಿಗೆ ಅಂಟಿಕೊಂಡಿರುತ್ತವೆ. ಗದ್ದೆಯಲ್ಲಿ, ಎಲ್ಲೋ ಕೆಲವು ಸಸ್ಯಗಳು ಬೆಳೆದು ನಿಂತಿರುವ ಅಥವಾ ಸಸ್ಯಗಳೇ ಇಲ್ಲದ ಭೂಪ್ರದೇಶಗಳು ಕಂಡುಬರುತ್ತವೆ. ವಸಂತಕಾಲದ ಆರಂಭದಲ್ಲಿ ಹೆಚ್ಚಿನ ಹಾನಿ ಉಂಟಾಗುತ್ತದೆ. ಆಲೂಗೆಡ್ಡೆಗಳಲ್ಲಿ, ಸರಿಗೆಹುಳುಗಳು ವಸಂತಕಾಲದಲ್ಲಿ ಆಲೂಗೆಡ್ಡೆ ಬೀಜದ ಚೂರುಗಳೊಳಗೆ ಕೊರೆದುಕೊಂಡು ಹೋಗುವುದು ಒಂದೆಡೆಯಾದರೆ, ಮತ್ತೊಂದೆಡೆ ಶರತ್ಕಾಲದಲ್ಲಿ ಬೆಳೆಯುವ ಗೆಡ್ಡೆಗಳೊಳಗೆ ಕೊರೆದುಕೊಂಡು ಹೋಗುತ್ತವೆ.