ಗುಲಾಬಿ ಕಾಯಿಕೊರಕ (ಪಿಂಕ್ ಬಾಲ್‌ವರ್ಮ್)

ಅದಕ್ಕೆ ಏನು ಕಾರಣ

ಪೆಕ್ಟಿನೊಫೊರಾ ಗೊಸಿಪಿಲ್ಲೆಯಾದ ಗುಲಾಬಿ ಕಾಯಿಕೊರಕದ ಲಾರ್ವಾ ಹತ್ತಿ ಸ್ಕ್ವಯರ್ಗಳು ಮತ್ತು ಬೀಜಕೋಶಗಳಿಗೆ ಹಾನಿಯುಂಟುಮಾಡುತ್ತದೆ. ಪ್ರೌಢ ಕೀಟದ ಬಣ್ಣ ಮತ್ತು ಗಾತ್ರದಲ್ಲಿ ವ್ಯತ್ಯಾಸ ಕಂಡು ಬಂದರೂ ಕೂಡ, ಸಾಮಾನ್ಯವಾಗಿ ನಡುವೆ ಬೇರೆ ಬಣ್ಣಗಳ ಚುಕ್ಕೆಗಳಿರುವ ಬೂದುಬಣ್ಣ ಅಥವಾ ಬೂದು ಮಿಶ್ರಿತ ಕಂದು ಬಣ್ಣದಲ್ಲಿರುತ್ತವೆ. ಅವುಗಳು ಉದ್ದಕ್ಕೆ ತೆಳುವಾಗಿದ್ದು ಕಂದು ಬಣ್ಣದ, ಅಂಚಿನಲ್ಲಿ ರೋಮಗಳಿರುವ ಅಂಡಾಕಾರದ ರೆಕ್ಕೆಗಳನ್ನು ಹೊಂದಿರುತ್ತವೆ. ಹೆಣ್ಣು ಕೀಟಗಳು ಸ್ಕ್ವಯರ್ಗಳ ಎಲೆಗಳಲ್ಲಿ ಅಥವಾ ಹಸಿರು ಬೀಜಕೋಶಗಳ ತಳದಲ್ಲಿ ಬೀಜಕೋಶಗಳನ್ನು ಸುತ್ತಿಕೊಂಡಿರುವ ಕ್ಯಾಲಿಕ್ಸ್ ಎಂದು ಕರೆಯಲ್ಪಡುವ ಭಾಗದಲ್ಲಿ ಮೊಟ್ಟೆಗಳನ್ನು ಇಡುತ್ತವೆ. ಮೊಟ್ಟೆಗಳು ಸಾಮಾನ್ಯವಾಗಿ 4 ರಿಂದ 5 ದಿನಗಳಲ್ಲಿ ಮೊಟ್ಟೆ ಒಡೆದು ಮರಿ ಹೊರಬರುತ್ತವೆ ಮತ್ತು ಅದರ ನಂತರ ಶೀಘ್ರದಲ್ಲೇ ಸ್ಕ್ವಯರ್ಗಳನ್ನು ಅಥವಾ ಬೀಜಕೋಶಗಳನ್ನು ಪ್ರವೇಶಿಸುತ್ತವೆ. ಎಳೆಯ ಲಾರ್ವಾಗಳು ಗಾಢ ಕಂದು ಬಣ್ಣದ ತಲೆ ಮತ್ತು ಹಿಂಭಾಗದಲ್ಲಿ ಅಗಲವಾದ ಅಡ್ಡ ಗುಲಾಬಿ ಪಟ್ಟೆಗಳಿರುವ ಬಿಳಿ ದೇಹವನ್ನು ಹೊಂದಿರುತ್ತವೆ. ಅವುಗಳು ಬೆಳೆದಂತೆ ಕ್ರಮೇಣ ಗುಲಾಬಿ ಛಾಯೆಗಳನ್ನು ಪಡೆದುಕೊಳ್ಳುತ್ತವೆ. ಬೀಜಕೋಶವನ್ನು ಒಡೆದು ನೋಡಿದರೆ ಲಾರ್ವಾಗಳು ಬೀಜಕೋಶಗಳ ಒಳಗಿನ ಭಾಗವನ್ನು ತಿನ್ನುತ್ತಿರುವುದು ಕಂಡುಬರುತ್ತದೆ. ಲಾರ್ವಾಗಳು 10 ರಿಂದ 14 ದಿನಗಳ ಕಾಲ ಆಹಾರ ತಿಂದು ಸಾಮಾನ್ಯವಾಗಿ ಮಣ್ಣಿನಲ್ಲಿ( ಬೀಜಕೋಶದಲ್ಲಿ ಅಲ್ಲ; ಗಮನಿಸಿ) ಪ್ಯೂಪಾ ಹಂತಕ್ಕೆ ಬೆಳೆಯುತ್ತವೆ. ಗುಲಾಬಿ ಬೋಲ್ವರ್ಮಿನ ಬೆಳವಣಿಗೆಗೆ ಮಧ್ಯಮದಿಂದ ಅಧಿಕ ತಾಪಮಾನ ಅನುಕೂಲಕರವಾಗಿರುತ್ತದೆ. ಆದಾಗ್ಯೂ, 37.5 °C ಗಿಂತ ಹೆಚ್ಚು ಇದ್ದಲ್ಲಿ ಕೀಟದ ಸಾವಿನ ಮಟ್ಟ ಹೆಚ್ಚಾಗುತ್ತದೆ.