ಭತ್ತದಲ್ಲಿ ಹಿಂಡಾದ ಕ೦ಬಳಿಹುಳು

ಅದಕ್ಕೆ ಏನು ಕಾರಣ

ಸ್ಪೊಡೋಪೆಟೆರಾ ಮೌರಿಶಿಯಾ ಎಂದು ಕರೆಯಲ್ಪಡುವ ಭತ್ತದ ಹಿಂಡಾದ ಕಂಬಳಿಹುಳುಗಳಿಂದ ಈ ಹಾನಿ ಉಂಟಾಗುತ್ತದೆ. ಈ ಪಾಲಿಫಾಗಸ್ (ವಿವಿಧ ರೀತಿಯ ಆಹಾರವನ್ನು ತಿನ್ನುವ ಜೀವಿಗಳು) ಪ್ರಭೇದಗಳು ಭತ್ತದ ಬೆಳೆಗೆ ಗಂಭೀರವಾದ ನಷ್ಟವನ್ನು ಉಂಟುಮಾಡಬಹುದು. ಹುಳುಗಳು ಬೂದುಬಣ್ಣದ್ದಾಗಿದ್ದು ಅವುಗಳ ರೆಕ್ಕೆಗಳ ಅಗಲ ಸುಮಾರು 40 ಮಿಮೀ ಗಳಿರುತ್ತವೆ. ಹೆಣ್ಣು ಹುಳುಗಳು ರಾತ್ರಿಯ ಸಮಯದಲ್ಲಿ ಓಡಾಡುತ್ತವೆ ಮತ್ತು ಅವು ಹುಟ್ಟಿದ ಕೇವಲ 24 ಗಂಟೆಗಳ ನಂತರ ಸಂಯೋಗ ಮಾಡುತ್ತವೆ. ಅವು ಸಂಯೋಗ ಮಾಡಿದ ಒಂದು ದಿನದ ನಂತರ, ವಿವಿಧ ರೀತಿಯ ಹುಲ್ಲು, ಕಳೆ ಮತ್ತು ಭತ್ತದ ಎಲೆಗಳ ಮೇಲೆ ಸುಮಾರು 200-300 ಸಂಖ್ಯೆಗಳ ಸಮೂಹದಲ್ಲಿ ಮೊಟ್ಟೆಗಳನ್ನು ಇಡಲು ಪ್ರಾರಂಭಿಸುತ್ತವೆ. ಲಾರ್ವಾಗಳು ಎಲೆಯ ಅಂಗಾಂಶಗಳನ್ನು ತಿನ್ನುತ್ತವೆ ಮತ್ತು ಅವು ಆರು ಲಾರ್ವಾ ಹಂತಗಳನ್ನು ಹೊಂದಿರುತ್ತವೆ ಮತ್ತು ಅಂತಿಮವಾಗಿ 3.8 ಸೆಂ.ಮೀ ಉದ್ದ ಬೆಳೆಯುತ್ತವೆ. ಸಂಪೂರ್ಣವಾಗಿ ಬೆಳೆದ ಲಾರ್ವಾಗಳು ಮೃದುವಾಗಿದ್ದು, ಸಿಲಿಂಡರಾಕಾರದಲ್ಲಿರುತ್ತವೆ ಮತ್ತು ಹಿಂಬದಿಯಲ್ಲಿ ಪಟ್ಟಿಯೊಂದಿಗೆ ಬಿಳಿಚಿಕೊಂಡ ದೇಹವನ್ನು ಹೊಂದಿರುತ್ತವೆ. C- ಆಕಾರದ ಕಪ್ಪು ಚುಕ್ಕೆಗಳ ಎರಡು ಸಾಲುಗಳು ಅವುಗಳ ಹಿಂಭಾಗದಲ್ಲಿ ಕಾಣುತ್ತವೆ. ಅವು ರಾತ್ರಿಯ ಸಮಯದಲ್ಲಿ ಆಹಾರ ತಿನ್ನುತ್ತವೆ ಮತ್ತು ದಿನದಲ್ಲಿ ಮಣ್ಣಿನಲ್ಲಿ ಅಡಗಿಕೊಳ್ಳುತ್ತವೆ. ಮಣ್ಣಿನಲ್ಲಿ ಹೂತಿರುವ ಕೋಶದಲ್ಲಿ ಕೋಶಾವಸ್ಥೆ ಪ್ರಕ್ರಿಯೆ ನಡೆಯುತ್ತದೆ.