ಡೆಮೆರಾರಾ ಫ್ರಾಗ್ ಹಾಪರ್

ಅದಕ್ಕೆ ಏನು ಕಾರಣ

ಸ್ಪಿಟಲ್ ಬಗ್ (ಡಿಪೋಯಿಸ್ ಫ್ಲಾವೊಪಿಕ್ಟಾ) ಎಂದೂ ಕರೆಯಲ್ಪಡುವ ಡೆಮೆರಾರಾ ಫ್ರಾಗ್ ಹಾಪರ್, ಹಲವಾರು ಬೆಳೆಗಳಿಗೆ, ಸಾಮಾನ್ಯವಾಗಿ ಭತ್ತ ಮತ್ತು ಮೆಕ್ಕೆ ಜೋಳಗಳನ್ನು ಹಾನಿಮಾಡುವ ಒಂದು ಕೀಟವಾಗಿದೆ. ಹೆಣ್ಣು ಕೀಟಗಳು ಆಶ್ರಯದಾತ ಸಸ್ಯಗಳ ಹತ್ತಿರ ಮಣ್ಣಿನಲ್ಲಿ ಮೊಟ್ಟೆಗಳನ್ನು ಇಡುತ್ತವೆ. ಮೊಟ್ಟೆಗಳು ಒಡೆದ ನಂತರ, ಮರಿ ಹುಳುಗಳು ಮಣ್ಣಿನ ಮೇಲ್ಭಾಗಕ್ಕೆ ಹತ್ತಿರವಿರುವ ಬೇರು ಮತ್ತು ಕಾಂಡಗಳನ್ನು ಒಟ್ಟೊಟ್ಟಿಗೆ ತಿನ್ನಲು ಪ್ರಾರಂಭಿಸುತ್ತವೆ. ಅವುಗಳು "ಸ್ಪಿಟಲ್ ಮಾಸ್", ನೀರಿನಂತಹ ವಿಸರ್ಜನೆಗೆ ಗಾಳಿಯನ್ನು ಹಾಯಿಸಿದಾಗ ರೂಪುಗೊಳ್ಳುವ ನೊರೆಯಂತಹ ದ್ರವವನ್ನು ರೂಪಿಸುತ್ತವೆ. ಆ ಭಾಗದಲ್ಲಿ ಸಸ್ಯವನ್ನು ಮರಿಹುಳುಗಳು ತಿಂದಿರುವುದಕ್ಕೆ ಇದು ಒಂದು ಸಾಕ್ಷಿಯಾಗಿದೆ. ಹೊಲದ ಸುತ್ತ ಮುತ್ತ ರೋಗಕ್ಕೆ ತುತ್ತಾಗುವ ಹುಲ್ಲುಗಳಿದ್ದರೆ (ಬ್ರಚಿಯಾರಿಯಾ ಅಥವಾ ಆಕ್ಸೊನೊಪಸ್ ಪ್ರಭೇದಗಳು) ಅವು ಇದರ ಸಂಖ್ಯೆಯನ್ನು ಹೆಚ್ಚಿಸಬಹುದು. ಅವು ಈ ಸಸ್ಯಗಳಿಗೆ ಆಕರ್ಷಿತವಾಗುತ್ತವೆ ಮತ್ತು ತಮ್ಮ ಜೀವನ ಚಕ್ರಗಳನ್ನು ಮುಂದುವರೆಸಲು ಇವನ್ನು ಪರ್ಯಾಯ ಆಶ್ರಯದಾತ ಸಸ್ಯಗಳಾಗಿ ಬಳಸುತ್ತವೆ.