ಇತರೆ
ಸೋಯಾಬೀನ್ ನ ಕಾಂಡ ವೀವಿಲ್ (ಸೊಂಡಿಲು ಕೀಟ)
Sternechus subsignatus
ಕೀಟ
ಸಂಕ್ಷಿಪ್ತವಾಗಿ
- ಆರಂಭಿಕ ಸಸ್ಯಕ ಹಂತಗಳಲ್ಲಿ ಕೋಮಲ ಚಿಗುರುಗಳ ಮೇಲೆ ಕೀಟ ತಿಂದಿರುವುದರಿಂದ ಹಾನಿ ಉಂಟಾಗುತ್ತದೆ.
- ಹೆಣ್ಣು ಕೀಟಗಳು ಮೊಟ್ಟೆಗಳನ್ನು ಇಡಲು ತೊಟ್ಟುಗಳನ್ನು ಕತ್ತರಿಸುತ್ತವೆ ಮತ್ತು ಕಾಂಡಗಳನ್ನು ಸುತ್ತಿ ಹಿಡಿಯುತ್ತವೆ.
- ಈ ಸುತ್ತುಪಟ್ಟಿಯ ಭಾಗದಲ್ಲಿ ಗಂಟುಗಳು ಬೆಳೆಯುತ್ತವೆ.
ಇತರೆ
ರೋಗಲಕ್ಷಣಗಳು
ಸ್ಟೆರ್ನೆಚಸ್ ಸಬ್ಸಿಗ್ನಾಟಸ್ ನ ಲಾರ್ವಾಗಳು ಮತ್ತು ವಯಸ್ಕ ಕೀಟಗಳು, ಹೆಚ್ಚಾಗಿ ಆರಂಭಿಕ ಸಸ್ಯಕ ಹಂತಗಳಲ್ಲಿ ಕೋಮಲ ಕಾಂಡದ ಅಂಗಾಂಶಗಳನ್ನು ತಿನ್ನುತ್ತವೆ. ಹಾನಿಗೊಳಗಾದ ಅಂಗಾಂಶದ ಸಮೀಪದಲ್ಲಿ ಮೊಟ್ಟೆಗಳನ್ನು ಇಡಲು ಹೆಣ್ಣು ಕೀಟಗಳು ಎಲೆ ತೊಟ್ಟುಗಳನ್ನು ಕತ್ತರಿಸುತ್ತವೆ ಮತ್ತು ಕಾಂಡಗಳನ್ನು ಸುತ್ತಿ ಹಿಡಿಯುತ್ತವೆ. ಮತ್ತು ಅವುಗಳನ್ನು ತುಂಡಾದ ನಾರು ಮತ್ತು ಅಂಗಾಶದ ಚೂರುಗಳಿಂದ ಮುಚ್ಚುತ್ತದೆ. ಬೇಗನೆ ಮೊಟ್ಟೆಯೊಡೆದು ಲಾರ್ವಾಗಳು ಹೊರಬರುತ್ತವೆ ಮತ್ತು ಅವು ಹೆಚ್ಚಾಗಿ ಇರುವ ಸ್ಥಳದಲ್ಲೇ ಕಾಂಡವನ್ನು ಭೇದಿಸಿಕೊಂಡು ಆಂತರಿಕ ಅಂಗಾಂಶಗಳನ್ನು ತಿನ್ನುತ್ತವೆ. ಅವು ಬೆಳೆದು ಕಾಂಡದ ಒಳಭಾಗಕ್ಕೆ ಹಾನಿಯಾದಂತೆ, ಕಾಂಡದಲ್ಲಿ ಸುತ್ತುಪಟ್ಟಿಯ ಭಾಗದಲ್ಲಿ ಗಂಟುಗಳು ರೂಪುಗೊಳ್ಳುತ್ತವೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಕೀಟದ ವಿರುದ್ಧ ಯಾವುದೇ ಜೈವಿಕ ನಿಯಂತ್ರಣವು ಇಲ್ಲಿಯವರೆಗೆ ತಿಳಿದುಬಂದಿಲ್ಲ.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದರೆ, ಜೈವಿಕ ಚಿಕಿತ್ಸೆಗಳು ಮತ್ತು ತಡೆಗಟ್ಟುವ ಕ್ರಮಗಳಿರುವ ಸಮಗ್ರವಾದ ಮಾರ್ಗವನ್ನು ಯಾವಾಗಲೂ ಪರಿಗಣಿಸಿ. ಲಾರ್ವಾಗಳು ಕಾಂಡಗಳ ಒಳಗೆ ( ಸುಮಾರು 30 ದಿನಗಳು) ಮತ್ತು ಮಣ್ಣಿನಲ್ಲಿ ಕಳೆಯುವ ಅವಧಿಯಲ್ಲಿ ಕೀಟಸಂಖ್ಯೆಯ ರಾಸಾಯನಿಕ ನಿಯಂತ್ರಣ ಸಾಧ್ಯ. ಬೀಜ ಮತ್ತು ಎಲೆಗಳ ಕೀಟನಾಶಕಗಳು ಕೂಡಾ ಬೆಳೆಗಳನ್ನು ರಕ್ಷಿಸುತ್ತವೆ. ಆದರೆ ಅವು ಅಲ್ಪಾವಧಿಯ ರಕ್ಷಣೆಯನ್ನು ಮಾತ್ರ ನೀಡುತ್ತವೆ. ಏಕೆಂದರೆ ನಿರಂತರವಾದ ವಯಸ್ಕ ಕೀಟಗಳ ಹುಟ್ಟುವಿಕೆ ತ್ವರಿತವಾಗಿ ಬೆಳೆಗಳ ಮರು ಮತ್ತುವಿಕೆಗೆ ಕಾರಣವಾಗುತ್ತದೆ.
ಅದಕ್ಕೆ ಏನು ಕಾರಣ
ಸ್ಟೆರ್ನೆಚಸ್ ಸಬ್ಸಿಗ್ನಾಟಸ್ ಸಸ್ಯ ಬೆಳವಣಿಗೆಯ ಆರಂಭಿಕ ಹಂತಗಳಿಂದ ಕೊಯ್ಲಿನವರೆಗೂ ಸಕ್ರಿಯವಾಗಿರುತ್ತವೆ. ಕೀಟವು ಮಣ್ಣಿನಲ್ಲಿ ಸುಪ್ತಾವಸ್ಥೆಯ ಹಂತವನ್ನು (ಸೋಯಾಬೀನ್ ಸಸ್ಯಗಳು ಲಭ್ಯವಿಲ್ಲದಿದ್ದಾಗ) ಕಳೆಯುತ್ತವೆ. ಸುಗ್ಗಿಯ ಅವಧಿಯ ಮೊದಲು, ಲಾರ್ವಾಗಳು ನೆಲಕ್ಕೆ ಜಿಗಿದು, ಹೈಬರ್ನೇಶನ್ ಹಂತವನ್ನು ಪ್ರವೇಶಿಸಿ, ಮಣ್ಣಿನ ಕಣಗಳೊಂದಿಗೆ ರೂಪುಗೊಂಡ ಕೋಣೆಗಳೊಳಗೆ ಸುರಕ್ಷಿತವಾಗಿರುತ್ತವೆ. ಕ್ರಮೇಣವಾಗಿ, ದೀರ್ಘಕಾಲದವರೆಗೆ ಮಣ್ಣಿನಿಂದ ವಯಸ್ಕ ಕೀಟಗಳು ಹೊರಹೊಮ್ಮುತ್ತವೆ. ಆಯಾ ಜೀವಿತ ಹಂತಗಳ ಸುದೀರ್ಘತೆಯಿಂದಾಗಿ, ವಯಸ್ಕ ಕೀಟ, ಲಾರ್ವಾ ಮತ್ತು ಮೊಟ್ಟೆಗಳ ಹಂತಗಳು ಸಾಮಾನ್ಯವಾಗಿ ಒಂದೇ ಸಸ್ಯ ಅಥವಾ ಹೊಲದಲ್ಲಿ ಒಂದೇ ಸಮಯದಲ್ಲಿ ವ್ಯಾಪಿಸಿರುತ್ತವೆ.
ಮುಂಜಾಗ್ರತಾ ಕ್ರಮಗಳು
- ಕೀಟ ಸಂಖ್ಯೆಯನ್ನು ಕಡಿಮೆ ಮಾಡಲು ಹುಲ್ಲು ಜಾತಿಗಳೊಂದಿಗೆ ಬೆಳೆ ಸರದಿ ಮಾಡಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
