ವೆಲ್ವೆಟ್ ಬೀನ್ ಕಂಬಳಿ ಹುಳು

ಅದಕ್ಕೆ ಏನು ಕಾರಣ

ಅಂಟಿಕಾರ್ಸಿಯಾ ಜೆಮ್ಮಾಟಲಿಸ್ ನ ಬೆಳೆದ ಪತಂಗಗಳು 30 ರಿಂದ 40 ಮಿಮೀ ಉದ್ದದ ರೆಕ್ಕೆಗಳನ್ನು ಹೊಂದಿರುತ್ತವೆ. ಮುಂದಿನ ರೆಕ್ಕೆಗಳು ಬೂದಿ ಬಣ್ಣದಿಂದ ಹಳದಿ ಮಿಶ್ರಿತ ಕಂದು ಅಥವಾ ಗಾಢ ಕೆಂಪು ಕಂದು ಬಣ್ಣಕ್ಕೆ ಬದಲಾಗುತ್ತವೆ. ಹಿಂಭಾಗದ ರೆಕ್ಕೆಗಳು ಅಂಚಿನ ಬಳಿ ತೆಳು ಬಣ್ಣದ ಚುಕ್ಕೆಗಳನ್ನು ಹೊಂದಿದ್ದು, ಕಂದು ಬಣ್ಣದಲ್ಲಿರುತ್ತವೆ. ರೆಕ್ಕೆಗಳನ್ನು ಸಂಪೂರ್ಣವಾಗಿ ಬಿಚ್ಚಿದಾಗ ಒಂದು ಗಾಢ ಬಣ್ಣದ ರೇಖೆಯು ಒಂದು ಬದಿಯಿಂದ ವಿರುದ್ದ ತುದಿಗೆ ಎರಡೂ ರೆಕ್ಕಗಳ ಮೇಲೂ ಹರಡುತ್ತದೆ. ಮೊಟ್ಟೆಗಳು ಸ್ವಲ್ಪ ಅಂಡಾಕಾರವಾಗಿದ್ದು, ಅಡ್ಡಗೆರೆಗಳನ್ನು ಹೊಂದಿದ್ದು ಬಿಳಿ ಬಣ್ಣದ್ದಾಗಿರುತ್ತವೆ. ಅವು ಒಡೆಯುವ ಮೊದಲು ಗುಲಾಬಿ ಬಣ್ಣಕ್ಕೆ ತಿರುಗುತ್ತವೆ. ಎಲೆಗಳ ಕೆಳಭಾಗದಲ್ಲಿ ಒಂಟಿಯಾಗಿ ಮೊಟ್ಟೆಗಳು ಇರುತ್ತವೆ. ಮೂರುರಿಂದ ಏಳು ದಿನಗಳ ನಂತರ ಮೊಟ್ಟೆ ಒಡೆದು ಹೊರಬಂದ ಮರಿಹುಳುಗಳು ತಾವು ಹೊರಬಂದ ಮೊಟ್ಟೆಯ ಕವಚವನ್ನು ತಿನ್ನುತ್ತವೆ. ವೆಲ್ವೆಟ್ಬೀನ್ ಪತಂಗದ ಮರಿಹುಳುಗಳು ಅಂತರಾಕಾರದ ಹಂತಗಳಲ್ಲಿ ಬಣ್ಣ ಮತ್ತು ಗುರುತುಗಳಲ್ಲಿ ಬಹಳ ವಿಭಿನ್ನವಾಗಿರುತ್ತವೆ. ಎಳೆಯ ಅಂತರಾಕಾರ(ಇನ್ಸ್ಟಾರ್)ಗಳು ಕೆಲವೊಮ್ಮೆ ಸೋಯಾಬೀನ್ ಲೂಪರ್ಸ್ ಎಂದು ತಪ್ಪಾಗಿ ಗುರುತಿಸಲ್ಪಡುತ್ತವೆ (ಸೂಡೋಪ್ಲುಸಿಯ ಇನ್ಕ್ಲೂಡೆನ್ಸ್ ). ಕೋಶದ ಪ್ರಾಥಮಿಕ ಹಂತದಲ್ಲಿ ಲಾರ್ವಾವು 25 ಮಿ.ಮೀ ಗೆ ಕುಗ್ಗುತ್ತದೆ ಮತ್ತು ಮಹೋಗಾನಿ ಕಂದು ಬಣ್ಣಕ್ಕೆ ತಿರುಗುತ್ತದೆ. ಕೋಶವು ತಿಳಿ ಹಸಿರುನಿಂದ ಕಂದು ಬಣ್ಣಕ್ಕೆ ತಿರುಗುತ್ತದೆ ಮತ್ತು ಸುಮಾರು 20 ಮಿಮೀ ಉದ್ದವಿರುತ್ತದೆ. ಇದು ನೇರವಾಗಿ ಮಣ್ಣಿನ ಮೇಲ್ಮೈಯ ಕೆಳಗೆ ಇರುತ್ತದೆ. ಬೇಸಿಗೆಯಲ್ಲಿ ಜೀವನ ಚಕ್ರವು ಸುಮಾರು ನಾಲ್ಕು ವಾರಗಳಲ್ಲಿ ಪೂರ್ಣಗೊಳ್ಳುತ್ತದೆ. ತಾಪಮಾನವು ಕಡಿಮೆಯಾದಾಗ ಜೀವನ ಚಕ್ರವು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ವರ್ಷವೊಂದಕ್ಕೆ ಪೀಳಿಗೆಯ ಸಂಖ್ಯೆಯು ಪ್ರದೇಶಗಳನ್ನು ಆಧರಿಸಿ ಬದಲಾಗುತ್ತದೆ.