ಆಲಿವ್
ಆಲಿವ್ ಹಣ್ಣಿನ ನೊಣ
Bactrocera oleae
ಕೀಟ
ಸಂಕ್ಷಿಪ್ತವಾಗಿ
- ತ್ರಿಕೋನ ಆಕಾರವನ್ನು ಹೊಂದಿರುವ ರಂಧ್ರಗಳು ಮಾಗಿದ ಹಣ್ಣುಗಳ ಮೇಲೆ ಸ್ಪಷ್ಟವಾಗಿ ಗೋಚರಿಸುತ್ತವೆ.
- ಅವು ಮೊದಲು ಕಡು ಹಸಿರು, ನಂತರ ಹಳದಿ-ಕಂದು ಬಣ್ಣಕ್ಕೆ ತಿರುಗುತ್ತವೆ.
- ಲಾರ್ವಾಗಳು ತಿನ್ನುವುದರಿಂದ ಹಾನಿಗೊಳಗಾದ ಹಣ್ಣಿನ ತಿರುಳು.
- ಆಲಿವ್ ಹಣ್ಣುಗಳು ಒಣಗಬಹುದು ಮತ್ತು ಅಕಾಲಿಕವಾಗಿ ಉದುರಬಹುದು.
ಇವುಗಳಲ್ಲಿ ಸಹ ಕಾಣಬಹುದು
ಆಲಿವ್
ರೋಗಲಕ್ಷಣಗಳು
ಮಾಗಿದ ಹಣ್ಣುಗಳ ಮೇಲೆ ಹೆಣ್ಣುಗಳ ಮೊಟ್ಟೆ ಇಟ್ಟ ಕಾರಣ ಉಂಟಾದ ರಂಧ್ರಗಳು ಸ್ಪಷ್ಟವಾಗಿ ಗೋಚರಿಸುತ್ತವೆ. ಅವು ವಿಶಿಷ್ಟವಾದ ತ್ರಿಕೋನ ಆಕಾರ ಮತ್ತು ಗಾಢ ಹಸಿರು ಬಣ್ಣವನ್ನು ಹೊಂದಿರುತ್ತವೆ. ಅವು ನಂತರ ಹಳದಿ-ಕಂದು ಬಣ್ಣಕ್ಕೆ ತಿರುಗುತ್ತದೆ. ಹಣ್ಣುಗಳೊಳಗೆ ಲಾರ್ವಾಗಳ ಆಹಾರ ಚಟುವಟಿಕೆಯಿಂದಾಗಿ ಅತೀ ದೊಡ್ಡ ಹಾನಿ ಉಂಟಾಗುತ್ತದೆ. ಆಲಿವ್ ಹಣ್ಣುಗಳು ಒಣಗಬಹುದು ಮತ್ತು ಅಕಾಲಿಕವಾಗಿ ಬೀಳಬಹುದು. ಗಾಯಗಳು ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರ ರೋಗಕಾರಕಗಳಿಗೆ ಪ್ರವೇಶ ಬಿಂದುಗಳಾಗಿಯೂ ಕಾರ್ಯನಿರ್ವಹಿಸುತ್ತವೆ. ಹಣ್ಣುಗಳು ಮತ್ತು ಎಣ್ಣೆಯ ಇಳುವರಿ ಮತ್ತು ಗುಣಮಟ್ಟವು ಕಡಿಮೆಯಾಗುತ್ತದೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಆಲಿವ್ ಹಣ್ಣಿನ ನೊಣದ ಸಂಖ್ಯೆಯನ್ನು ನಿಯಂತ್ರಣಕ್ಕೆ ತರಲು ಸೋಂಕಿತ ತೋಟಗಳಲ್ಲಿ ಹಲವಾರು ಪರಾವಲಂಬಿ ಕಣಜಗಳನ್ನು ಪರಿಚಯಿಸಬಹುದು. ಓಪಿಯಸ್ ಕಾಂಕಲರ್, ಪ್ನಿಗಾಲಿಯೊ ಮೆಡಿಟರೇನಿಯಸ್, ಫೋಪಿಯಸ್ ಅರಿಸಾನಸ್, ಡಯಾಕಾಸ್ಮಿಮೊರ್ಫಾ ಕ್ರಾಸ್ಸಿ ಅಥವಾ ಯೂರಿಟೋಮಾ ಮಾರ್ಟೆಲ್ಲಿ ಇವುಗಳಲ್ಲಿ ಕೆಲವು. ಪರಭಕ್ಷಕಗಳಲ್ಲಿ ಲ್ಯಾಸಿಯೋಪ್ಟೆರಾ ಬರ್ಲೆಸಿಯಾನ ಸೇರಿದೆ. ಬೇವಿನ ಮರದ ಸಾರಗಳು ಅಥವಾ ರೊಟೆನೋನ್ ಅನ್ನು ನೈಸರ್ಗಿಕ ನಿವಾರಕಗಳಾಗಿ ಬಳಸಬಹುದು. ಹಣ್ಣುಗಳ ಮೇಲೆ ಹೆಣ್ಣು ಮೊಟ್ಟೆಗಳನ್ನು ಇಡುವುದನ್ನು ತಡೆಯಲು ಕಾಯೋಲಿನ್ ಪುಡಿಯನ್ನು ಯಶಸ್ವಿಯಾಗಿ ಬಳಸಲಾಗುತ್ತದೆ. ತಾಮ್ರ-ಆಧಾರಿತ ನಿವಾರಕಗಳೊಂದಿಗೆ (ಬೋರ್ಡೆಕ್ಸ್ ಮಿಶ್ರಣ, ತಾಮ್ರದ ಹೈಡ್ರಾಕ್ಸೈಡ್, ತಾಮ್ರದ ಆಕ್ಸಿಕ್ಲೋರೈಡ್) ತಡೆಗಟ್ಟುವ ಚಿಕಿತ್ಸೆಗಳು ಸಹ ಕಾರ್ಯನಿರ್ವಹಿಸುತ್ತವೆ.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದರೆ ಜೈವಿಕ ಕ್ರಮಗಳ ಜೊತೆಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಡೈಮಿಥೋಯೇಟ್, ಡೆಲ್ಟಾಮೆಥ್ರಿನ್, ಫಾಸ್ಮೆಟ್ ಅಥವಾ ಇಮಿಡಾಕ್ಲೋರಿಡ್ ಎಂಬ ಸಕ್ರಿಯ ತತ್ವಗಳನ್ನು ಆಧರಿಸಿದ ಕೀಟನಾಶಕಗಳನ್ನು ಸಂಖ್ಯೆಯ ಮಿತಿಮೀರಿದಾಗ ಬಳಸಬಹುದು. ವಿಷಪೂರಿತ ಪ್ರೊಟೀನ್ ಬೈಟ್ ಅಥವಾ ಸಾಮೂಹಿಕ ಬಲೆಗೆ ಬೀಳಿಸುವ ಮೂಲಕ ಕೀಟ ಹಾನಿ ತಡೆಗಟ್ಟುವ ಚಿಕಿತ್ಸೆಗಳು ಸಹ ಸಾಧ್ಯವಿದೆ.
ಅದಕ್ಕೆ ಏನು ಕಾರಣ
ಆಲಿವ್ ಹಣ್ಣಿನ ನೊಣ, ಬ್ಯಾಕ್ಟ್ರೋಸೆರಾ ಒಲಿಯ ಲಾರ್ವಾಗಳಿಂದ ರೋಗಲಕ್ಷಣಗಳು ಉಂಟಾಗುತ್ತವೆ. ಅದರ ಏಕೈಕ ಆಶ್ರಯದಾತ ಸಸ್ಯ ಆಲಿವ್ ಮರವಾಗಿದೆ. ವಯಸ್ಕ ಹುಳಗಳ ಉದ್ದವು ಸುಮಾರು 4-5 ಮಿಮೀ ಇದ್ದು, ಕಪ್ಪು ಕಂದು ದೇಹ, ಕಿತ್ತಳೆ ತಲೆ ಮತ್ತು ಎದೆಯ ಎರಡೂ ಬದಿಗಳಲ್ಲಿ ಬಿಳಿ ಅಥವಾ ಹಳದಿ ಚುಕ್ಕೆಗಳು ಇರುತ್ತವೆ. ಅವು ಅರೆಪಾರದರ್ಶಕ ರೆಕ್ಕೆಗಳನ್ನು ಹೊಂದಿದ್ದು, ತುದಿಯಲ್ಲಿ ಕಪ್ಪು ಚುಕ್ಕೆ ಇರುತ್ತದೆ. ಗಾಢವಾದ ಬಣ್ಣದ ನಾಳಗಳಿರುತ್ತವೆ. ಬಳಿ ಆಲಿವ್ ಹಣ್ಣಿನ ನೊಣ ವಯಸ್ಕ ಕೀಟಗಳಾಗಿ ಹಲವಾರು ತಿಂಗಳು ಬದುಕಬಲ್ಲದು. ಹೆಣ್ಣುಗಳು ಜೀವಿತಾವಧಿಯಲ್ಲಿ 400 ಮೊಟ್ಟೆಗಳನ್ನು ಇಡಬಹುದು. ಹೊಟ್ಟೆಯ ಕೆಳಭಾಗದಲ್ಲಿರುವ ಸ್ಟಿಂಗರ್ ಬಳಸಿ ಹಣ್ಣಾಗುವ ಹಣ್ಣುಗಳ ಸಿಪ್ಪೆಯನ್ನು ಚುಚ್ಚಿ, ಒಳಗೆ ಒಂದೊಂದೇ ಮೊಟ್ಟೆಯನ್ನು ಇಡುತ್ತವೆ. ಲಾರ್ವಾಗಳು ಕೆನೆ ಬಿಳಿ ಬಣ್ಣದಲ್ಲಿರುತ್ತವೆ ಮತ್ತು ಹಣ್ಣಿನ ತಿರುಳನ್ನು ತಿನ್ನುತ್ತವೆ. ಇದು ಗಣನೀಯ ಹಾನಿ ಮತ್ತು ಅಕಾಲಿಕ ಉದುರುವಿಕೆಗೆ ಕಾರಣವಾಗುತ್ತದೆ. ತಾಪಮಾನವನ್ನು ಅವಲಂಬಿಸಿ ವರ್ಷಕ್ಕೆ 2 ರಿಂದ 5 ತಲೆಮಾರುಗಳ ಆಲಿವ್ ನೊಣಗಳು ಇರಬಹುದು (ಸೂಕ್ತ 20-30 °C).
ಮುಂಜಾಗ್ರತಾ ಕ್ರಮಗಳು
- ಲಭ್ಯವಿದ್ದರೆ ನಿರೋಧಕ ಪ್ರಭೇದಗಳನ್ನು ಆಯ್ಕೆಮಾಡಿ.
- ನೊಣಗಳನ್ನು ಹಿಡಿಯಲು ಮತ್ತು ಅವುಗಳ ಸಂಖ್ಯೆಯನ್ನು ಮೇಲ್ವಿಚಾರಣೆ ಮಾಡಲು ಜಿಗುಟಾದ ಅಥವಾ ಫೆರೋಮೋನ್ ಬಲೆಗಳನ್ನು ಬಳಸಿ.
- ದೊಡ್ಡ ಹಾನಿಯನ್ನು ತಪ್ಪಿಸಲು ಬೇಗ ಕೊಯ್ಲು ಮಾಡಿ.
- ಇಳುವರಿಯಲ್ಲಿನ ನಷ್ಟವನ್ನು ಗುಣಮಟ್ಟದ ಲಾಭದಿಂದ ಸರಿದೂಗಿಸಬಹುದು.
- ಕೀಟಸಂಖ್ಯೆಯ ಹೆಚ್ಚಳವನ್ನು ತಪ್ಪಿಸಲು ತೋಟದ ನೈರ್ಮಲ್ಯವು ಮುಖ್ಯವಾಗಿದೆ.
- ಮರ ಅಥವಾ ನೆಲದಿಂದ ಸೋಂಕಿತ ಹಣ್ಣುಗಳನ್ನು ತೆರವುಗೊಳಿಸಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
