ಮೆಡಿಟರೇನಿಯನ್ ಹಣ್ಣಿನ ನೊಣ

ಅದಕ್ಕೆ ಏನು ಕಾರಣ

ಮೆಡಿಟರೇನಿಯನ್ ಫ್ಲೈ ಸೆರಾಟಿಟಿಸ್ ಕ್ಯಾಪಿಟಾಟಾದ ಲಾರ್ವಾಗಳ ಆಹಾರ ಚಟುವಟಿಕೆಗಳಿಂದಾಗಿ ಈ ರೋಗಲಕ್ಷಣಗಳು ಉಂಟಾಗುತ್ತವೆ. ಅದರ ಹೆಸರಿನ ಹೊರತಾಗಿಯೂ, ಇದು ಉಪ-ಸಹಾರಾ ಆಫ್ರಿಕಾದಲ್ಲಿ ಸಾಂಕ್ರಾಮಿಕವಾಗಿದೆ. ಮತ್ತು ಮೆಡಿಟರೇನಿಯನ್ ಪ್ರದೇಶದ ಜೊತೆಗೆ, ಇದು ಮಧ್ಯಪ್ರಾಚ್ಯ, ದಕ್ಷಿಣ ಮತ್ತು ಮಧ್ಯ ಅಮೇರಿಕ ಮತ್ತು ಆಸ್ಟ್ರೇಲಿಯಾಗಳಲ್ಲಿ ಕೂಡಾ ಕಂಡುಬರುತ್ತದೆ. ಹೆಣ್ಣು ಕೀಟಗಳು ಹಣ್ಣಾಗುತ್ತಿರುವ ಹಣ್ಣು ಅಥವಾ ಬೆರಿಗಳ ಮೃದುವಾದ ಸಿಪ್ಪೆಯನ್ನು ಚುಚ್ಚಿ ಆ ತೂತಾದ ರಂಧ್ರದಲ್ಲಿ, ಸಿಪ್ಪೆಯ ಕೆಳಗೆ ಮೊಟ್ಟೆಗಳನ್ನು ಇಡುತ್ತವೆ. ಮೊಟ್ಟೆಯೊಡೆದ ನಂತರ, ಮರಿಹುಳುಗಳು ಹಣ್ಣಿನ ತಿರುಳನ್ನು ತಿನ್ನುತ್ತವೆ ಮತ್ತು ಸಾಮಾನ್ಯವಾಗಿ ಆ ಹಣ್ಣನ್ನು ಸೇವಿಸಲು ಸಧ್ಯವೇ ಆಗದಷ್ಟು ತೀವ್ರ ಹಾನಿ ಉಂಟುಮಾಡುತ್ತದೆ. ಇದೊಂದು ಪಾಲಿಫಾಗಸ್ ಕೀಟವಾಗಿದೆ, ಅಂದರೆ ಇದು ಹಲವಾರು ಆಶ್ರಯದಾತ ಗಿಡಗಳನ್ನು ತಿನ್ನುತ್ತದೆ. ಇದರ ಅಚ್ಚುಮೆಚ್ಚಿನ ಸಸ್ಯಗಳು ಹತ್ತಿರದಲ್ಲಿಲ್ಲದಿದ್ದರೆ ಇದು ಹೊಸ ಆಶ್ರಯದಾತ ಗಿಡಗಳಿಗೂ ಸಹ ಸುಲಭವಾಗಿ ಸೋಂಕು ತಗುಲಿಸುತ್ತದೆ. ಸೋಂಕಿತ ಹಣ್ಣುಗಳ ಮೇಲೆ ಬೆಳೆಯುವ ಅವಕಾಶವಾದಿ ಶಿಲೀಂಧ್ರಗಳನ್ನು ಸಹ ಇದು ಸಾಗಿಸಬಹುದೆಂಬ ಸಾಕ್ಷ್ಯ ಇದೆ. ಇದು ಅತ್ಯಂತ ಆಕ್ರಮಣಕಾರಿ ಜಾತಿಯಾಗಿದ್ದು, ಹಲವಾರು ವೈವಿಧ್ಯಮಯ ವಾತಾವರಣಗಳಲ್ಲಿ ಬದುಕುತ್ತದೆ ಮತ್ತು ತುಲನಾತ್ಮಕವಾಗಿ ಇವು ವಿಶಾಲ ವ್ಯಾಪ್ತಿಯ ತಾಪಮಾನದಲ್ಲಿ ಬೆಳೆಯುತ್ತವೆ. 10 ರಿಂದ 30 ಡಿಗ್ರಿ ಸೆಲ್ಸಿಯಸ್ ನಡುವಿನ ತಾಪಮಾನ ಅನುಕೂಲಕರ ವ್ಯಾಪ್ತಿಯಾಗಿದೆ.