ಹತ್ತಿ ಜೀರುಂಡೆ (ಬೋಲ್ ವೀವೆಲ್)

ಅದಕ್ಕೆ ಏನು ಕಾರಣ

ಆಂತೊನಾಮಸ್ ಗ್ರಾಂಡಿಸ್ಸ್ ಎಂಬ ಬೋಲ್ ವೀವೆಲ್ ನ ಪ್ರೌಢ ಮತ್ತು ಮರಿ ಕೀಟಗಳೆರಡೂ ಹಾನಿ ಮಾಡುತ್ತವೆ. ಪ್ರೌಢ ಜೀರುಂಡೆಯು ಸುಮಾರು 6 ಮಿಮೀ ಉದ್ದ ಇರುತ್ತದೆ. ಅದು ಉದ್ದವಾದ ತೆಳ್ಳಗಿನ ಮೂಗಿನ ಭಾಗವನ್ನು ಹೊಂದಿದೆ. ಇದು ಬೇರೆ ಬೇರೆ ಬಣ್ಣದಲ್ಲಿರುತ್ತದೆ; ಗಾಢ ಕಂದು ಮಿಶ್ರಿತ ಕೆಂಪು ಬಣ್ಣ ಅಥವಾ ಸಂಪೂರ್ಣ ಕಂದು ಅಥವಾ ಕಪ್ಪು ಬಣ್ಣದ್ದಾಗಿರುತ್ತದೆ. ಹತ್ತಿಯ ತೋಟಗಳಲ್ಲಿ ಅಥವಾ ತೋಟದ ಸಮೀಪವಿರುವ ಬರಿದಾದ ಪ್ರದೇಶಗಳಲ್ಲಿ ಅವುಗಳು ಚಳಿಗಾಲವನ್ನು ಕಳೆಯುತ್ತವೆ. ಕುಂಠಿತ ಬೆಳವಣಿಗೆಯ ಈ ಅವಧಿಯ ನಂತರ, ವಸಂತಕಾಲದ ಆರಂಭದಿಂದ ನಡುಬೇಸಗೆಯ ಅವಧಿಯಲ್ಲಿ ಹೊರ ಬಂದು ಹತ್ತಿ ತೋಟವನ್ನು ಪ್ರವೇಶಿಸುತ್ತವೆ. ಹತ್ತಿ ಕಾಯಿ ಬೆಳೆಯುವ ವಸಂತ ಋತುವಿನ ಸಮಯದಲ್ಲಿ ಇವುಗಳ ಸಂಖ್ಯೆ ಅತಿ ಹೆಚ್ಚಿರುತ್ತದೆ. ಹೆಣ್ಣು ಕೀಟವು ಬೆಳೆಯುತ್ತಿರುವ ಕಾಯಿಗಳಲ್ಲಿ ಅದು ಮೊಟ್ಟೆಗಳನ್ನು ಇಡುತ್ತದೆ. ಸಾಮಾನ್ಯವಾಗಿ ಪ್ರತಿ ಹೂವಿನಲ್ಲೂ ಒಂದು ಮೊಟ್ಟೆಯನ್ನಿಡುತ್ತದೆ. ಕೆನೆ ಬಿಳಿ ಬಣ್ಣದ, C ಆಕಾರದ ಲಾರ್ವಾಗಳಿಗೆ ಕಾಲುಗಳಿರುವುದಿಲ್ಲ. ಇವು ಸುಮಾರು 10 ದಿನಗಳವರೆಗೆ ಹೂವು ಅಥವಾ ಕಾಯಿಯನ್ನು ತಿಂದುಕೊಂಡಿದ್ದು, ಬಳಿಕ ಪ್ಯೂಪಾ ಹಂತಕ್ಕೆ ಬೆಳೆಯುತ್ತವೆ. ಬೇಸಗೆಯಲ್ಲಿ ಮೊಟ್ಟೆಯಿಂದ ಪ್ರೌಢ ಕೀಟ ಹೊರ ಬರಲು ಮೂರು ವಾರ ಬೇಕು. ಈ ಕೀಟವು ಪ್ರತಿ ವರ್ಷ 8 ರಿಂದ 10 ಪೀಳಿಗೆಯವರೆಗೆ ತಲುಪಬಹುದು.