ಎಲೆ ಭಕ್ಷಕ ಜೀರುಂಡೆ

ಅದಕ್ಕೆ ಏನು ಕಾರಣ

ಪ್ರೌಢ ಕೀಟಗಳು ತೆಳು ಕಿತ್ತಳೆ ಬಣ್ಣದಲ್ಲಿದ್ದು ಅಂಡಾಕಾರವಾಗಿರುತ್ತವೆ ಮತ್ತು 28 ಕಪ್ಪು ಮಚ್ಚೆಗಳಿರುತ್ತವೆ. ಹಿಂಭಾಗದಲ್ಲಿ ಸಣ್ಣ ಮೃದು ಕೂದಲುಗಳಿರುತ್ತವೆ. ಹೆಣ್ಣು ಜೀರುಂಡೆಗಳು ಅಂಡಾಕಾರದ, ಹಳದಿ ಮೊಟ್ಟೆಗಳನ್ನು (0.4-1 ಮಿಮೀ) ಸಣ್ಣ ಗುಂಪುಗಳಲ್ಲಿ ಸಾಮಾನ್ಯವಾಗಿ ಎಲೆಗಳ ಕೆಳಭಾಗದಲ್ಲಿ ಇಡುತ್ತವೆ. ಸುಮಾರು 4 ದಿನಗಳ ನಂತರ ಹಿಂಭಾಗದಲ್ಲಿ ಉದ್ದವಾದ, ಕಪ್ಪಾದ, ತುದಿಯಲ್ಲಿ ಒಡೆದಿರುವ ಮೂಳೆ ಇರುವ ಹಳದಿಮಿಶ್ರಿತ ಬಿಳಿ ಬಣ್ಣದ ಮರಿಹುಳುಗಳು ಮೊಟ್ಟೆಯೊಡೆದು ಹೊರಬರುತ್ತವೆ. ಉಷ್ಣಾಂಶವನ್ನು ಅವಲಂಬಿಸಿ, ಮರಿಗಳು ಸುಮಾರು 18 ದಿನಗಳಲ್ಲಿ ಸುಮಾರು 6 ಮಿಮೀ ಬೆಳೆಯುತ್ತವೆ. ನಂತರ ಅವು ಎಲೆಗಳ ಹಿಂಭಾಗದಲ್ಲಿ ಕೋಶವಾಸ್ಥೆಗೆ ತೆರಳುತ್ತವೆ. ಸುಮಾರು 4 ದಿನಗಳ ನಂತರ, ಹೊಸ ಪೀಳಿಗೆಯ ಪ್ರೌಢ ಜೀರುಂಡೆಗಳು ಕೋಶ ಒಡೆದು ಹೊರಹೊಮ್ಮುತ್ತವೆ. ಸಂತಾನೋತ್ಪತ್ತಿ ಅವಧಿಯಲ್ಲಿ (ಮಾರ್ಚ್-ಅಕ್ಟೋಬರ್), ತಂಪಾದ ಹವಾಮಾನ ಇವುಗಳ ಜೀವನಚಕ್ರ ಮತ್ತು ಸಂಖ್ಯಾ ಬೆಳವಣಿಗೆಗೆ ಅನುಕೂಲಕರವಾಗಿರುತ್ತದೆ. ಜೀರುಂಡೆಗಳು ಮಣ್ಣಿನಲ್ಲಿ ಮತ್ತು ಒಣ ಎಲೆಗಳ ರಾಶಿಗಳಲ್ಲಿ ಚಳಿಗಾಲವನ್ನು ಕಳೆಯುತ್ತವೆ.