ಥ್ರಿಪ್ಸ್ ನುಸಿ

ಜೈವಿಕ ನಿಯಂತ್ರಣ

ನಿರ್ದಿಷ್ಟ ನುಸಿಗಳಿಗೆ ಕೆಲವು ಸಾವಯವ ನಿಯಂತ್ರಣ ಕ್ರಮಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಸಾಮಾನ್ಯವಾಗಿ ಸ್ಪಿನೊಸಾಡ್ ಯಾವುದೇ ರಾಸಾಯನಿಕ ಅಥವಾ ಇನ್ಯಾವುದೇ ಜೈವಿಕ ಸಂಯೋಜಕಗಳಿಗಿಂತ ಹೆಚ್ಚು ಪರಿಣಾಮಕಾರಿಯಾಗಿದೆ. ಇದು 1 ವಾರ ಅಥವಾ ಹೆಚ್ಚು ಸಮಯ ಉಳಿಯುತ್ತದೆ ಹಾಗೂ ಸಿಂಪಡಿಸಿದ ಭಾಗದ ಅಂಗಾಂಶದೊಳಗೆ ಹೆಚ್ಚು ದೂರ ಹೋಗುವುದಿಲ್ಲ. ಆದರೆ ಇದು ಕೆಲವು ನೈಸರ್ಗಿಕ ಶತ್ರುಗಳಿಗೆ (ಉದಾಹರಣೆಗೆ, ಪರಭಕ್ಷಕ ಹುಳಗಳು, ಸಿರ್ಫಿಡ್ ಫ್ಲೈ ಲಾರ್ವಾಗಳು) ಮತ್ತು ಜೇನುನೊಣಗಳಿಗೆ ವಿಷಕಾರಿಯಾಗಿದೆ. ಹೀಗಾಗಿ, ಹೂಬಿಡುವ ಗಿಡಗಳಿಗೆ ಸ್ಪಿನೊಸಾಡ್ ಬಳಸಬೇಡಿ. ಹೂಬಿಡುವ ಗಿಡಗಳಿಗೆ ನುಸಿ ಮುತ್ತುವುದನ್ನು ತಡೆಯಲು ಕೆಲವು ಪರಭಕ್ಷಕ ಹುಳಗಳು ಅಥವಾ ಹಸಿರು ಲೇಸ್-ವಿಂಗ್ ಲಾರ್ವಾಗಳನ್ನು ಬಳಸಬಹುದಾಗಿದೆ. ಕೆಲವು ಕೀಟನಾಶಕಗಳೊಂದಿಗೆ ಬೆಳ್ಳುಳ್ಳಿ ಸಾರಗಳ ಸಂಯೋಜನೆಯು ಚೆನ್ನಾಗಿ ಕೆಲಸ ಮಾಡುತ್ತದೆ ಎಂದು ಕಂಡುಬಂದಿದೆ. ಎಲೆಗಳು ಮತ್ತು ಹೂವಿನ ಮೇಲೆ ದಾಳಿಮಾಡುವ ಕೀಟ ಪ್ರಭೇದಕ್ಕೆ ಎದುರಾಗಿ ಬೇವಿನೆಣ್ಣೆಯನ್ನು ಬಳಸಿ; ಅದರಲ್ಲೂ ಎಲೆಗಳ ಕೆಳಭಾಗಕ್ಕೆ ಸಿಂಪಡಿಸಿ ನೋಡಿ. ಹೆಚ್ಚು ಪ್ರತಿಫಲಿಸುವ ಅಲ್ಟ್ರಾವಯಲೆಟ್ ಹೊದಿಕೆಯನ್ನು (ಮೆಟಲೈಜ್ಡ್ ರಿಫ್ಲೆಕ್ಟೀವ್ ಮಲ್ಚ್) ಬಳಸಬಹುದು.