ಎಲೆಯ ಬ್ಯಾಕ್ಟೀರಿಯಲ್ ಬ್ಲೈಟ್ (ಎಲೆಯ ದುಂಡಾಣು ರೋಗ)

ರೋಗಲಕ್ಷಣಗಳು

ಬೆಳವಣಿಗೆಯ ಯಾವುದೇ ಹಂತದಲ್ಲಿ ಸೋಂಕು ತಗುಲಬಹುದು. ಗಿಡದ ವಯಸ್ಸಿನ ಆಧಾರದ ಮೇಲೆ ರೋಗಲಕ್ಷಣಗಳು ಸ್ವಲ್ಪ ಭಿನ್ನವಾಗಿರುತ್ತವೆ. ಸೋಂಕಿತ ಬೀಜದಿಂದಾಗಿ ಮೊಳಕೆಯಲ್ಲಿ ಗಾಯಗೊಂಡ ತುದಿ ಹಾಗೂ ಪ್ರಾಥಮಿಕ ಎಲೆಗಳಲ್ಲಿ ಮತ್ತು ಕಾಂಡದಲ್ಲಿ ವಕ್ರವಾದ ನೀರು-ನೆನೆಸಿದಂತಹ ಚುಕ್ಕೆಗಳು ಕಾಣಿಸುತ್ತವೆ. ದಿನದ ಸಮಯದಲ್ಲಿ ಗಿಡಗಳು ಬಾಡಿದಂತಿರುತ್ತವೆ. ಇದು ಈ ರೋಗದ ವಿಶಿಷ್ಟ ಲಕ್ಷಣ. ಬೆಳವಣಿಗೆಯ ಮುಂದಿನ ಹಂತಗಳಲ್ಲಿ ಸೋಂಕು ತಗುಲಿದಲ್ಲಿ, ಎಲೆಗಳಲ್ಲಿ ನಿಂಬೆ-ಹಳದಿ ಬಣ್ಣದ ಸಣ್ಣ, ನೀರು-ನೆನೆಸಿದಂತಹ ಚುಕ್ಕೆಗಳು ಮೂಡುತ್ತವೆ. ಕಾಲಾನಂತರದಲ್ಲಿ, ಅವು ಕಂದು ಬಣ್ಣದ ಸತ್ತ ಗಾಯಗಳಾಗಿ ಬದಲಾಗುತ್ತವೆ. ಈ ಗಾಯಗಳಿಂದಾಗಿ ಗಿಡವು ಸುಟ್ಟಂತೆ ಕಾಣುತ್ತದೆ. ಇದರಿಂದ ಎಲೆ ಉದುರಿ ಹೋಗಬಹುದು. ಸೋಂಕಿತ ಗಿಡಗಳು ಕುಬ್ಜವಾಗಿರುತ್ತವೆ ಮತ್ತು ಕೆಂಪು ಮಿಶ್ರಿತ ಕಂದು ಅಥವಾ ಇಟ್ಟಿಗೆ-ಕೆಂಪು ಬಣ್ಣದ ಗಾಯಗಳಿರುವ ಕೆಲವು ಕಾಯಿಗಳನ್ನು (ಬೀಜಕೋಶ) ಉತ್ಪಾದಿಸುತ್ತವೆ. ಕಾಂಡದಲ್ಲಿ ಕೆಂಪು ಪಟ್ಟೆಗಳು ಮೂಡುತ್ತವೆ. ಸಾಮಾನ್ಯವಾಗಿ ಈ ಪಟ್ಟೆಗಳು ಒಡೆದು ಹಳದಿ ಬಣ್ಣವನ್ನು ಹೊರಹಾಕುತ್ತವೆ. ಕಾಯಿ ಬೆಳೆಯುತ್ತಿರುವ ಸಮಯದಲ್ಲಿ ಸೋಂಕು ತಗುಲಿದರೆ ಬೀಜಗಳು ಸುಕ್ಕುಸುಕ್ಕಾಗಿರಬಹುದು, ಸೊರಗಿರಬಹುದು, ಕೊಳೆತಿರಬಹುದು ಅಥವಾ ಬಣ್ಣಗೆಟ್ಟಿರಬಹುದು.