ಸಿಟ್ರಸ್ (ನಿಂಬೆ, ಕಿತ್ತಳೆ ಹಾಗು ಇತರ ನಿಂಬೆ ಜಾತಿ ಬೆಳೆಗಳು)
ಸಿಟ್ರಸ್ ಹಳದಿ ಮೊಸಾಯಿಕ್ ವೈರಸ್
CiYMV
ವೈರಸ್
ಸಂಕ್ಷಿಪ್ತವಾಗಿ
- ಎಲೆಗಳ ಮೇಲೆ ಹಳದಿ ಗುರುತುಗಳು.
- ಹಣ್ಣುಗಳ ಮೇಲೆ ಅಸಹಜವಾದ ಪದರ ಮತ್ತು ಬಣ್ಣ.
ಇವುಗಳಲ್ಲಿ ಸಹ ಕಾಣಬಹುದು
ಸಿಟ್ರಸ್ (ನಿಂಬೆ, ಕಿತ್ತಳೆ ಹಾಗು ಇತರ ನಿಂಬೆ ಜಾತಿ ಬೆಳೆಗಳು)
ರೋಗಲಕ್ಷಣಗಳು
ರೋಗಲಕ್ಷಣಗಳು ಚಿಗುರು ಎಲೆಗಳ ಮೇಲೆ ಸಣ್ಣ ಹಳದಿ ಚುಕ್ಕೆಗಳಾಗಿ ಪ್ರಾರಂಭವಾಗುತ್ತವೆ, ನಂತರ ಅವು ದೊಡ್ಡದಾಗುತ್ತವೆ ಮತ್ತು ಸಿರೆಗಳ ಉದ್ದಕ್ಕೂ ಪ್ರಕಾಶಮಾನವಾದ ಹಳದಿ ಗುರುತುಗಳನ್ನು ರೂಪಿಸುತ್ತವೆ. ಬೆಳೆದ ಎಲೆಗಳು ಚರ್ಮದ ರೂಪವನ್ನು ಹೊಂದಿರುತ್ತವೆ ಮತ್ತು ಚಿಗುರು ಎಲೆಗಳು ಚಿಕ್ಕದಾಗಿರುತ್ತವೆ. ಹಣ್ಣುಗಳ ಮೇಲೆ ಹಳದಿ ಮಚ್ಚೆಗಳು ಮತ್ತು ಉಬ್ಬಿದ ಹಸಿರು ಗುಳ್ಳೆಗಳಿರುತ್ತವೆ. ಮರಗಳ ಬೆಳವಣಿಗೆ ಮತ್ತು ಹಣ್ಣಿನ ಉತ್ಪಾದನೆಯ ಮೇಲೆ ಪರಿಣಾಮ ಬೀರುತ್ತವೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಈ ಸಮಸ್ಯೆಗೆ ಸಾವಯವ ನಿಯಂತ್ರಣ ಸಾಧ್ಯವಿಲ್ಲ.
ರಾಸಾಯನಿಕ ನಿಯಂತ್ರಣ
ವೈರಸ್ ಅನ್ನು ನಿಯಂತ್ರಿಸಲು ವೆಕ್ಟರ್‌ಗೆ ರಾಸಾಯನಿಕ ನಿಯಂತ್ರಣವು ಸಾಕಾಗುವುದಿಲ್ಲ. ಯಾವಾಗಲೂ ವೈರಸ್-ಇಲ್ಲದ ಬಡ್ವುಡ್ ಅನ್ನು ಬಳಸಿ.
ಅದಕ್ಕೆ ಏನು ಕಾರಣ
ಸಿಟ್ರಸ್ ಹಳದಿ ಮೊಸಾಯಿಕ್ ವೈರಸ್ (CYMV) ಭಾರತದಲ್ಲಿ ಮೊದಲು ಕಂಡುಬಂದಿತು ಮತ್ತು ಈಗ ಭಾರತದ ಆಂಧ್ರಪ್ರದೇಶದಲ್ಲಿ ಸಾಮಾನ್ಯವಾಗಿದೆ, ಅಲ್ಲಿ ಸಿಟ್ರಸ್ ಅನ್ನು ದೊಡ್ಡ ಪ್ರಮಾಣದಲ್ಲಿ ಬೆಳೆಯಲಾಗುತ್ತದೆ. ಈ ರೋಗವು ಬಾಧಿತ ಬಡ್ವುಡ್ ಮೂಲಕ ಹರಡಬಹುದು ಮತ್ತು ಅನೇಕ ವಾಣಿಜ್ಯ ನರ್ಸರಿಗಳು ಈ ರೋಗದ ಪ್ರಕರಣಗಳನ್ನು ವರದಿ ಮಾಡಿವೆ. ಸಿಟ್ರಸ್ ಮೀಲಿಬಗ್ ಮತ್ತು ಕಲುಷಿತ ಉಪಕರಣಗಳ ಮೂಲಕವೂ ವೈರಸ್ ಹರಡಬಹುದು. ವೈರಸ್ ಒಂದು ಮರದಿಂದ ಇನ್ನೊಂದು ಮರಕ್ಕೆ ಸಾಮಾನ್ಯ ಕಳೆಯಾದ ಡಾಡರ್‌ನಿಂದ ಹರಡಬಹುದು .
ಮುಂಜಾಗ್ರತಾ ಕ್ರಮಗಳು
- ಪ್ರಸರಣಕ್ಕಾಗಿ ವೈರಸ್-ಮುಕ್ತ, ಪ್ರಮಾಣೀಕೃತ ಬಡ್ವುಡ್ ಅನ್ನು ಮಾತ್ರ ಬಳಸಿ.
- ಸಿಟ್ರಸ್ ಮೀಲಿಬಗ್ (ಪ್ಲಾನೋಕೊಕಸ್ ಸಿಟ್ರಿ) ಅನ್ನು ವೈರಸ್‌ನ ವಾಹಕ ಎಂದು ಗುರುತಿಸಲಾಗಿದೆ.
- ಆದ್ದರಿಂದ ಈ ಕೀಟದ ನಿಯಂತ್ರಣವು ಸಹ ರೋಗ ನಿಯಂತ್ರಣಕ್ಕೆ ಸಹಾಯಕವಾಗಿದೆ.
- ಕಳೆಗಳು, ವಿಶೇಷವಾಗಿ ಡಾಡರ್ ಇರದಂತೆ ಹೊಲವನ್ನು ಸ್ವಚ್ಛಗೊಳಿಸಿ.
- ಯಾವಾಗಲೂ ವಿವಿಧ ಮರಗಳಲ್ಲಿ ನಿಮ್ಮ ಉಪಕರಣಗಳನ್ನು ಬಳಸುವಾಗ ಪ್ರತೀ ಬಾರಿ ಸ್ವಚ್ಛಗೊಳಿಸಿ ಬಳಸಿ.
- ಪ್ರತಿರೋಧಕ್ಕಾಗಿ ಸಂತಾನೋತ್ಪತ್ತಿ ಇನ್ನೂ ಲಭ್ಯವಿಲ್ಲ ಮತ್ತು ಆರಂಭಿಕ ಪತ್ತೆಗಾಗಿ ಇನ್ನೂ ಸೂಕ್ಷ್ಮ ರೋಗನಿರ್ಣಯದ ಸಾಧನವನ್ನು ಅಭಿವೃದ್ಧಿಪಡಿಸುವ ಅಗತ್ಯವಿದೆ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
