ತಂಬಾಕು
ಟೊಸ್ಪೊವೈರಸ್
TSWV, GRSV and TCSV
ವೈರಸ್
ಸಂಕ್ಷಿಪ್ತವಾಗಿ
- ಸಸ್ಯದ ಮೇಲೆ ಕ್ಲೋರೋಟಿಕ್ ಅಥವಾ ನೆಕ್ರೋಟಿಕ್ ಗಾಯಗಳು.
- ಎಲೆಗಳ ಮೇಲೆ ಉಂಗುರ ಮಾದರಿಗಳು ಮತ್ತು ಗೆರೆ ಮಾದರಿಗಳು.
- ಹಣ್ಣುಗಳ ಮೇಲೆ ನೆಕ್ರೋಟಿಕ್ ಗಾಯಗಳ ಸಂಭವ.
ಇವುಗಳಲ್ಲಿ ಸಹ ಕಾಣಬಹುದು
ತಂಬಾಕು
ರೋಗಲಕ್ಷಣಗಳು
ಕ್ಲೋರೋಟಿಕ್ ಅಥವಾ ನೆಕ್ರೋಟಿಕ್ ಗಾಯಗಳು, ಕೇಂದ್ರೀಕೃತ ಉಂಗುರ ಮಾದರಿಗಳು, ಗೆರೆ ಮಾದರಿಗಳು ಮತ್ತು ಗ್ರೀನ್ ಐಲೆಂಡ್ ಮೊಸಾಯಿಕ್ ಸಸ್ಯದ ಎಲೆಗಳ ಮೇಲೆ ಸಂಭವಿಸುತ್ತವೆ. ಕಾಂಡ ಬಣ್ಣಗೆಡುವುದು ನಂತರ, ಬಾಡುವುದು, ಕುಂಠಿತವಾಗುವುದು, ಮಚ್ಚೆ ಹುಟ್ಟುವುದು, ಸುಕ್ಕುಗಟ್ಟುವಿಕೆ, ಕಂಚಿನ ಬಣ್ಣಕ್ಕೆ ತಿರುಗುವುದು, ಸುರುಳಿಯಾಗುವುದು (ಕರ್ಲಿಂಗ್), ಕ್ಲೋರೋಸಿಸ್ ಮತ್ತು (ಮೇಲ್ಭಾಗದಲ್ಲಿ) ನೆಕ್ರೋಸಿಸ್ನಂತಹ ವ್ಯವಸ್ಥಿತ ರೋಗಲಕ್ಷಣಗಳು ಕಂಡುಬರುತ್ತವೆ. ಇದು ಒಂದೇ ಆಶ್ರಯದಾತ ಜಾತಿಗಳಲ್ಲೂ ಬದಲಾಗಬಹುದು. ಆಗಾಗ ನೆಕ್ರೋಟಿಕ್ ಉಂಗುರಗಳೊಂದಿಗೆ ಹಳದಿ ಅಥವಾ ಕಿತ್ತಳೆ ಬಣ್ಣದ ಚುಕ್ಕೆಗಳಂತಹ ಅನಿಯಮಿತ ಬಣ್ಣಗೆಟ್ಟ ಹಣ್ಣುಗಳು ಕಾಣಿಸಿಕೊಳ್ಳುತ್ತವೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಥ್ರೈಪ್ ಪರಭಕ್ಷಕಗಳಾದ ಆಂಬ್ಲೈಸಿಯಸ್ ಕುಕ್ಯುಮೆರಿಸ್, ಹೈಪೋಸ್ಪಿಸ್ ಮೈಲ್ಸ್ ಮತ್ತು ಓರಿಯಸ್ ಇನ್ಸಿಡಿಯೊಸಸ್ ಅನ್ನು ಪರಿಚಯಿಸಿ. ರೋಗವಾಹಕಗಳ ಸಂಖ್ಯೆಯನ್ನು ಕಡಿಮೆ ಮಾಡಲು ಬೆಳೆ ಪ್ರತ್ಯೇಕತೆ, ಪ್ರತಿಫಲಿತ ಮಲ್ಚ್‌ಗಳು, ಬಲೆಗಳು ಅಥವಾ ಇತರ ವಿಧಾನಗಳಂತಹ ಕೃಷಿ ನಿಯಂತ್ರಣ ಮಾರ್ಗಗಳನ್ನು ಬಳಸಿಕೊಳ್ಳಬಹುದು.
ರಾಸಾಯನಿಕ ನಿಯಂತ್ರಣ
ಲಭ್ಯವಿರುವ ಜೈವಿಕ ಚಿಕಿತ್ಸೆಗಳ ಜೊತೆಗೆ ತಡೆಗಟ್ಟುವ ಕ್ರಮಗಳಿರುವ ಸಮಗ್ರ ವಿಧಾನವನ್ನು ಯಾವಾಗಲೂ ಪರಿಗಣಿಸಿ.
ಅದಕ್ಕೆ ಏನು ಕಾರಣ
ಟೊಸ್ಪೊವೈರಸ್‌ಗಳಿಂದ ಹಾನಿ ಉಂಟಾಗುತ್ತದೆ ಮತ್ತು ಇದು ಥ್ರೈಪ್ಸ್‌ನಿಂದ ನಿರಂತರವಾಗಿ ಮತ್ತು ಪ್ರಸರಣ ರೀತಿಯಲ್ಲಿ ಹರಡುತ್ತದೆ. ಲಾರ್ವಾ ಥ್ರೈಪ್‌ಗಳು ವೈರಸ್-ಸೋಂಕಿತ ಸಸ್ಯಗಳನ್ನು ತಿನ್ನುತ್ತವೆ ಮತ್ತು ಲಾರ್ವಾಗಳ ಮೂಲಕ ವೈರಸ್ ಅನ್ನು ಪಡೆದುಕೊಳ್ಳುವ ಥ್ರೈಪ್‌ಗಳು ಮಾತ್ರ ವೈರಸ್ ಅನ್ನು ಹರಡಲು ಸಾಧ್ಯವಾಗುತ್ತದೆ. ಸಸ್ಯ ಪ್ರಭೇದಗಳು ಮತ್ತು ತಳಿಗಳಂತಹ ಅಂಶಗಳು, ಇನಾಕ್ಯುಲೇಷನ್ ಸಮಯದಲ್ಲಿ ಬೆಳವಣಿಗೆಯ ಹಂತ ಹಾಗೂ ಪೌಷ್ಟಿಕಾಂಶ ಮತ್ತು ಪರಿಸರದ ಪರಿಸ್ಥಿತಿಗಳು ಸಸ್ಯದ ಮೇಲೆ ರೋಗಲಕ್ಷಣ ಯಾವ ರೀತಿ ಕಾಣಿಸಿಕೊಳ್ಳುತ್ತವೆ ಎಂಬುದರ ಮೇಲೆ ಪ್ರಭಾವ ಬೀರಬಹುದು.
ಮುಂಜಾಗ್ರತಾ ಕ್ರಮಗಳು
- ಥ್ರಿಪ್ ಸಂಖ್ಯೆಯನ್ನು ನಿಯಂತ್ರಿಸಿ.
- ವೈರಸ್ ಅನ್ನು ಹೆಚ್ಚು ನೇರವಾಗಿ ನಿರ್ವಹಿಸಲು, ಸಾಧ್ಯವಾದಾಗವಂತೆ ರೋಗ-ಮುಕ್ತ ಸಸಿಗಳನ್ನು ನೆಡುವುದು, ಕಳೆಗಳ ಉಪಸ್ಥಿತಿಯನ್ನು ಕಡಿಮೆ ಮಾಡುವುದು ಮತ್ತು ಹೊಲಗಳಲ್ಲಿ ತಾವಾಗೇ ಬೆಳೆದ ಬೆಳೆ ಸಸ್ಯಗಳು ಮತ್ತು ಅನಪೇಕ್ಷಿತ ಗುಣಲಕ್ಷಣಗಳನ್ನು ಹೊಂದಿರುವ ಸಸ್ಯಗಳನ್ನು ತೆಗೆದುಹಾಕುವುದನ್ನು ಅನೇಕ ಸಂದರ್ಭಗಳಲ್ಲಿ ಶಿಫಾರಸು ಮಾಡಲಾಗುತ್ತದೆ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
