ತಂಬಾಕು ಸ್ಟ್ರೀಕ್ ವೈರಸ್

ರೋಗಲಕ್ಷಣಗಳು

ಸೋಂಕಿತ ಗಿಡಗಳಲ್ಲಿ ಶುರುವಿಗೆ ಸಣ್ಣನೆಯ, ಅನಿಯಮಿತ ಆಕಾರದ ಕ್ಲೋರೊಟಿಕ್ ಪ್ರದೇಶಗಳು (ಕ್ಲೋರೋಫಿಲ್ ಉತ್ಪಾದನೆ ಕಡಿಮೆಯಾಗಿ ಎಲೆಗಳು ಹಸಿರು ಬಣ್ಣ ಕಳೆದುಕೊಂಡು ಮಂಕಾಗುವುದು) ಅಥವಾ ಎಲೆಗಳ ಮೇಲೆ ಬಣ್ಣಗೆಟ್ಟ ಚುಕ್ಕೆಗಳು ಕಾಣಿಸಿಕೊಳ್ಳುತ್ತವೆ. ಇದು ವ್ಯಾಸದಲ್ಲಿ 2-5 ಮಿ.ಮೀ ವ್ಯಾಪ್ತಿಯಲ್ಲಿರುತ್ತದೆ. ಕಾಲಾನಂತರದಲ್ಲಿ, ಇದು ವಕ್ರ ಅಂಚುಗಳಿರುವ ದೊಡ್ಡದಾದ ಕ್ಲೋರೋಟಿಕ್ ಪ್ರದೇಶಗಳಾಗಿ ಬದಲಾಗುತ್ತವೆ.( ಹಳದಿಯಿಂದ ಕಂದು). 5-15 ಮಿಮೀ ವ್ಯಾಸದ ಕೊಳೆತ ಪಟ್ಟೆಗಳಾಗಿ ಇದು ಎಲೆಗಳ ಮೇಲೆ ಅನಿಯಮಿತ ಆಕಾರದ ಮೊಸಾಯಿಕ್ ಮಾದರಿಯಾಗಿ ಕಂಡುಬರುತ್ತದೆ. ಎಲೆಗಳು ಕೊಳೆತು ಅಕಾಲಿಕವಾಗಿ ಉದುರುತ್ತವೆ, ಇದರಿಂದ ಗಿಡಗಳ ಮೇಲಾವರಣ ಕಡಿಮೆಯಿರುತ್ತದೆ ಹಾಗೂ ಗಿಡದ ಬೆಳವಣಿಗೆ ಕುಂಠಿತವಾಗುತ್ತದೆ. ಹೂವುಗಳು ಕಡಿಮೆಯಿರುತ್ತದೆ ಹಾಗೂ ಬೀಜಕೋಶಗಳು ಅಕಾಲಿಕವಾಗಿ ಬಿದ್ದು ಹೋಗುತ್ತವೆ. ಇದರಿಂದಾಗಿ ಇಳುವರಿ ಗಣನೀಯವಾಗಿ ಕಡಿಮೆಯಾಗುತ್ತದೆ. ಸೋಂಕಿತ ಎಲೆಗಳ ನಾಳಗಳು ಹಳದಿ ಬಣ್ಣಕ್ಕೆ ತಿರುಗಿ, ದಪ್ಪಗಾಗಿ ವಿರೂಪಗೊಳ್ಳುತ್ತವೆ. ಎಳೆಯ ಎಲೆಗಳಲ್ಲಿ ರೋಗಲಕ್ಷಣಗಳು ಹೆಚ್ಚಾಗಿ ಕಂಡುಬಂದು ಆರೋಗ್ಯಕರ ಎಲೆಗಳಿಗಿಂತ ಮಂಕಾಗಿ ಕಾಣುತ್ತವೆ. ಎಲೆಯ ತುದಿ ಮುರುಟಿರುತ್ತದೆ. ತೋಟದಲ್ಲಿನ ಸೋಂಕಿತ ಪ್ರದೇಶಗಳು ಸಾಮಾನ್ಯವಾಗಿ ಮಂಕಾಗಿ ಕಾಣುತ್ತವೆ.