ಬಾಳೆಯ ಸ್ಟ್ರೀಕ್ ವೈರಸ್

ರೋಗಲಕ್ಷಣಗಳು

ಸೋಂಕು ಉಂಟುಮಾಡಿರುವ ವೈರಸ್ ನ ವಿಧ ಮತ್ತು ಪ್ರಮಾಣ, ಸಸ್ಯದ ಪ್ರಭೇದ, ಪರಿಸರ ಸ್ಥಿತಿಗಳ ಆಧಾರದ ಮೇಲೆ ರೋಗಲಕ್ಷಣಗಳು ವ್ಯಾಪಕವಾಗಿ ಬದಲಾಗಬಹುದು. ಅತ್ಯಂತ ಸಾಮಾನ್ಯ ರೋಗಲಕ್ಷಣವೆಂದರೆ ಎಲೆಯ ಮಧ್ಯಭಾಗದಿಂದ ಆರಂಭಿಸಿ ಅಂಚಿನ ಕಡೆ ಸಾಗುವ ಉದ್ದನೆಯ ಅಥವಾ ತುಂಡು ತುಂಡಾದ ಹಳದಿ ಪಟ್ಟೆಗಳು. ಈ ಗೆರೆಗಳು ನಂತರ ಕಂದು ಅಥವಾ ಕಪ್ಪು ಬಣ್ಣಕ್ಕೆ ತಿರುಗುತ್ತವೆ ಮತ್ತು ಹಳದಿ ಕಲೆ ಅಥವಾ ಕಣ್ಣಿನ ಆಕಾರದ ಮಾದರಿಗಳು ಈ ಗೆರೆಗಳ ನಡುವೆ ಕಾಣಿಸಿಕೊಳ್ಳುತ್ತದೆ. ಎಲೆಗಳ ಮೇಲೆ ನೆಕ್ರೋಸಿಸ್ ಕಾಣಲಾರಂಭಿಸುತ್ತದೆ. ಅಂಚುಗಳಲ್ಲಿ ಕೊಳೆತ ಆರಂಭವಾಗಿ, ಕೆಲವೊಮ್ಮೆ ಮಧ್ಯನಾಳ ಮತ್ತು ತೊಟ್ಟನ್ನೂ ಕೂಡ ಬಾಧಿಸುತ್ತದೆ. ಕೆಲವೊಮ್ಮೆ, ಕಾಂಡದ ಆಂತರಿಕ ಅಂಗಾಂಶಗಳು ಕೂಡ ಕೊಳೆಯುವಿಕೆಯಿಂದ ಪರಿಣಾಮಕ್ಕೊಳಗಾಗುತ್ತದೆ. ನಂತರದಲ್ಲಿ, ರೋಗಲಕ್ಷಣಗಳು ಕಡಿಮೆ ತಾಪಮಾನ ಮತ್ತು ಹಗಲು ಕಡಿಮೆ ಇರುವ ಪರಿಸ್ಥಿತಿಗಳಲ್ಲಿ ವಿಶೇಷವಾಗಿ ಕಂಡುಬರುತ್ತವೆ. ಎಲ್ಲ ಎಲೆಗಳೂ ಬಾಧಿತವಾಗುವುದಿಲ್ಲ. ಆದರೆ ಸಸ್ಯದ ಬೆಳವಣಿಗೆ ಸಾಮಾನ್ಯವಾಗಿ ಕುಂಠಿತವಾಗುತ್ತದೆ. ಗೊನೆ ಮತ್ತು ಹಣ್ಣುಗಳ ಗಾತ್ರ ಸಣ್ಣದಾಗುತ್ತದೆ.