ಹೆಸರುಕಾಳು ಹಳದಿ ಮೊಸಾಯಿಕ್ ವೈರಸ್

ರೋಗಲಕ್ಷಣಗಳು

ಎಳೆಯ ಎಲೆಗಳು ಸಂಪೂರ್ಣವಾಗಿ ಹಸಿರು ಬಣ್ಣ ಕಳೆದುಕೊಳ್ಳುತ್ತವೆ (ಕ್ಲೋರೋಟಿಕ್), ಕೆಳಕ್ಕೆ ಸುರುಳಿಯಾಗಬಹುದು ಅಥವಾ ಕಾಗದದ ಬಿಳಿ ಬಣ್ಣಕ್ಕೆ ತಿರುಗುತ್ತವೆ. ಹಳೆಯ ಎಲೆಗಳಲ್ಲಿ ಕಾಣಿಸಿಕೊಳ್ಳುವ ಚದುರಿದ ಹಳದಿ ಕಲೆಗಳು ಬಳಿಕ ಅನಿಯಮಿತ ಆಕಾರದ ಹಸಿರು ಮತ್ತು ಹಳದಿ ಗುರುತುಗಳಾಗಿ ಬೆಳೆಯುತ್ತವೆ. ಹಸಿರು ಪ್ರದೇಶಗಳು ಸ್ವಲ್ಪಮಟ್ಟಿಗೆ ಎಲೆಯ ಮೇಲ್ಮೈಗಿಂತ ಮೇಲಕ್ಕೆದ್ದು ಎಲೆಯು ಸುಕ್ಕುಗಟ್ಟಿದಂತೆ ಕಾಣುತ್ತದೆ. ಗಾಯಗಳು ದೊಡ್ಡದಾಗಿ ಒಂದಕ್ಕೊಂದು ಸೇರಿಕೊಂಡು ಕೊಳೆಯಲು ಪ್ರಾರಂಭಿಸುತ್ತವೆ (ನೆಕ್ರೋಸಿಸ್). ಪೀಡಿತ ಸಸ್ಯಗಳ ಬೆಳವಣಿಗೆ ಕುಂಠಿತವಾಗುತ್ತದೆ. ಅವು ಕಡಿಮೆ ಹೂವುಗಳನ್ನು ಮತ್ತು ಬೀಜಕೋಶಗಳನ್ನ ಉತ್ಪಾದಿಸುತ್ತವೆ. ಪೀಡಿತ ಗಿಡಗಳಲ್ಲಿ ಬೆಳೆದ ಬೀಜಕೋಶಗಳು ಸಣ್ಣಗೆ, ತೆಳ್ಳಕ್ಕಿದ್ದು ಅಲ್ಲಲ್ಲಿ ಕಲೆಗಳಿರುತ್ತವೆ. ಅಲ್ಲದೆ ಕೆಲವೊಮ್ಮೆ ಮೇಲ್ಮುಖವಾಗಿ ಸುರುಳಿಯಾಗಿರುತ್ತವೆ. ಅವುಗಳಲ್ಲಿ ಕಡಿಮೆ ಕಾಳುಗಳಿದ್ದು ಕಾಳುಗಳು ಸಣ್ಣಗಿರುತ್ತವೆ.