ಸೌತೆಕಾಯಿಯ ಹಸಿರು ಚುಕ್ಕೆ ವೈರಸ್

ಅದಕ್ಕೆ ಏನು ಕಾರಣ

ಸೌತೆಕಾಯಿ, ಕಲ್ಲಂಗಡಿ ಮತ್ತು ಕ್ಯಾಂಟಲುಪ್ ಸೇರಿದಂತೆ ಕುಕುರ್ಬಿಟ್ ಪ್ರಭೇದದ ಸಸ್ಯಗಳಲ್ಲಿ ಸೋಂಕು ಉಂಟು ಮಾಡುವ ಕುಕುಂಬರ್ ಗ್ರೀನ್ ಮೋಟೆಲ್ ಮೊಸಾಯಿಕ್ ವೈರಸ್ (ಸಿಜಿಎಮ್ಎಂವಿ) ನಿಂದಾಗಿ ಈ ರೋಗ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಮಣ್ಣಿನಲ್ಲಿರುವ ಸತ್ತ ಸಸ್ಯ ವಸ್ತುಗಳಲ್ಲಿ ದೀರ್ಘಕಾಲದವರೆಗೆ ಈ ವೈರಸ್ ಸಕ್ರಿಯವಾಗಿ ಉಳಿಯಬಹುದು. ಸೋಂಕಿನ ಹರಡುವಿಕೆಯು ಸಾಮಾನ್ಯವಾಗಿ ಬೀಜಗಳು, ಕತ್ತರಿಸುವ ಸಲಕರಣೆಗಳು, ಕೃಷಿ ಸಲಕರಣೆಗಳಿಂದಾದ ಯಾಂತ್ರಿಕ ಗಾಯಗಳು ಮತ್ತು ಗಿಡಗಳನ್ನು ತಿನ್ನುವ ಜೀರುಂಡೆಗಳಂತಹ ಕೀಟಗಳ ಮೂಲಕ ಆಗುತ್ತದೆ. ಕಸಿ ಮಾಡುವ ಮೂಲಕ ಅಥವಾ ಸಸ್ಯಗಳಿಗೆ ಗಾಯ ಮಾಡುವ ಇತರ ಕ್ರಿಯೆಗಳ ಮೂಲಕ ಕೂಡ ಬೇರೆ ಸಸ್ಯಗಳಿಗೆ ಇದು ಹರಡಬಹುದು. ಹೀರುವ ಕೀಟಗಳಿಂದ (ಉದಾ: ಗಿಡಹೇನುಗಳು, ಹುಳಗಳು, ಬಿಳಿನೊಣ) ಈ ವೈರಸ್ ಹರಡುವುದಿಲ್ಲ. ಒಮ್ಮೆ ಸಸ್ಯಕ್ಕೆ ಸೋಂಕು ತಗುಲಿದರೆ, ಈ ವೈರಸ್ ವಿರುದ್ಧ ಯಾವುದೇ ಚಿಕಿತ್ಸೆ ಇಲ್ಲ. ಹಸಿರುಮನೆಗಳಲ್ಲಿ ವಿಶೇಷವಾಗಿ, ಈ ವೈರಸ್ ನಿಂದ ಉಂಟಾಗುವ ಸೋಂಕಿನ ಸಂಖ್ಯೆಯಲ್ಲಿ ಏರಿಕೆಯಾಗುತ್ತದೆ.