ಸೇಬು
ಆಪಲ್ ಮೊಸಾಯಿಕ್ ವೈರಸ್
APMV
ವೈರಸ್
ಸಂಕ್ಷಿಪ್ತವಾಗಿ
- ಎಲೆಗಳ ಮೇಲೆ ಪ್ರಕಾಶಮಾನವಾದ ಹಳದಿ ಕಲೆಗಳು ಅಥವಾ ಪಟ್ಟಿಗಳು.
- ಮೊದಲು ರೋಗಲಕ್ಷಣಗಳು ಒಂದೇ ಚಿಗುರಿನಲ್ಲಿ ಕಾಣಿಸಿಕೊಳ್ಳುತ್ತವೆ.
- ಮರದ ಬೆಳವಣಿಗೆಯು ಕುಂಠಿತವಾಗಿರುತ್ತದೆ.
ಇವುಗಳಲ್ಲಿ ಸಹ ಕಾಣಬಹುದು
ಸೇಬು
ರೋಗಲಕ್ಷಣಗಳು
ಆರಂಭದಲ್ಲಿ, ಒಂದೇ ಚಿಗುರಿನ ಹೊಸ ಎಲೆಗಳ ಮೇಲಿನ ಪ್ರಮುಖ ನಾಳಗಳ ಉದ್ದಕ್ಕೂ ಪ್ರಕಾಶಮಾನವಾದ ಹಳದಿ ಕಲೆಗಳು ಅಥವಾ ಪಟ್ಟಿಗಳು ಕಾಣಲು ಪ್ರಾರಂಭಿಸುತ್ತವೆ. ರೋಗವು ಹರಡುತ್ತಿದ್ದಂತೆ, ಈ ರೋಗಲಕ್ಷಣಗಳು ಎಲ್ಲಾ ಚಿಗುರುಗಳ ಎಲೆಗಳ ಮೇಲೂ ಕಾಣಿಸಿಕೊಳ್ಳುತ್ತವೆ. ಬಾಧಿತ ಎಲೆಗಳು ಅಕಾಲಿಕವಾಗಿ ಉದುರಬಹುದು. ಮರಗಳ ಬೆಳವಣಿಗೆಯು ಕುಂಠಿತವಾಗುತ್ತದೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಈ ವೈರಸ್ ಅನ್ನು ಗುಣಪಡಿಸಲು ಸಾಧ್ಯವಿಲ್ಲ. ಇತರ ಮರಗಳಿಗೆ ಹರಡುವುದನ್ನು ತಡೆಯಲು ಸೋಂಕಿತ ಮರವನ್ನು ತೆಗೆದುಹಾಕಬೇಕು.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದಲ್ಲಿ ಜೈವಿಕ ಚಿಕಿತ್ಸೆಗಳ ಜೊತೆಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಈ ವೈರಲ್ ಕಾಯಿಲೆಗೆ ಯಾವುದೇ ರಾಸಾಯನಿಕ ಚಿಕಿತ್ಸೆ ಇಲ್ಲ.
ಅದಕ್ಕೆ ಏನು ಕಾರಣ
ರೋಗಲಕ್ಷಣಗಳು ಆಪಲ್ ಮೊಸಾಯಿಕ್ ವೈರಸ್‌ನಿಂದ ಉಂಟಾಗುತ್ತವೆ. ಇದು ಮರದಿಂದ ಹಿಡಿದು, ಮೂಲಿಕೆ ಸಸ್ಯಗಳವರೆಗೆ ವ್ಯಾಪಕವಾದ ಆಶ್ರಯದಾತ ಸಸ್ಯಗಳನ್ನು ಹೊಂದಿದೆ. ಈ ವೈರಸ್ ಗೆ ನೈಸರ್ಗಿಕ ವಾಹಕ ಇಲ್ಲ. ಸೋಂಕಿತ ಕೊಂಬೆಗಳನ್ನು ಕಸಿ ಮಾಡಲು ಸ್ಲಿಪ್‌ಗಳಂತೆ ಬಳಸಿದಾಗ ವೈರಸ್ ಹರಡುತ್ತವೆ. ವೈರಸ್ ಬೇರುಗಳ ಮೂಲಕವೂ ಹರಡಬಹುದು. ಮಿತವಾದ ವಸಂತಕಾಲದ ತಾಪಮಾನದ ವರ್ಷಗಳಲ್ಲಿ ರೋಗಲಕ್ಷಣಗಳು ಹೆಚ್ಚು ಸ್ಪಷ್ಟವಾಗಿ ಕಂಡುಬರುತ್ತವೆ.
ಮುಂಜಾಗ್ರತಾ ಕ್ರಮಗಳು
- ಪ್ರಮಾಣೀಕೃತ ವೈರಸ್-ಮುಕ್ತ ವಸ್ತುಗಳನ್ನು ಬಳಸಿ.
- ಕಸಿ ಮಾಡಲು ಸೋಂಕಿತ ಮರಗಳ ಸ್ಲಿಪ್‌ಗಳನ್ನು ಬಳಸಬೇಡಿ.
- ವೈರಸ್ ಹರಡುವಿಕೆಯನ್ನು ಮಿತಿಗೊಳಿಸಲು 24 ರಿಂದ 32 ದಿನಗಳವರೆಗೆ 38 °C ನಲ್ಲಿ ಥರ್ಮೋಥೆರಪಿ ಬಳಸಿ.
- ನಿಮ್ಮ ಜಮೀನಿನಲ್ಲಿ ಸೋಂಕಿತ ಸಸ್ಯ ಭಾಗಗಳು ಮತ್ತು ಕಳೆಗಳನ್ನು ತೆಗೆದುಹಾಕಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
