ಪೊಕ್ಕಾ ಬೊಯೆಂಗ್

ಅದಕ್ಕೆ ಏನು ಕಾರಣ

ಈ ತೊಂದರೆಗೆ ಕಾರಣ ಹಲವು ಬಗೆಯ ಫ್ಯುಸಾರಿಯಮ್ ಪ್ರಭೇದಗಳು: ಫ್ಯುಸಾರಿಯಮ್ ಸಬ್‌ಗ್ಲುಟಿನಾನ್ಸ್ (fusarium subglutinans), ಫ್ಯುಸಾರಿಯಮ್ ಸಚ್ಚಾರಿ (fusarium sacchari), ಫ್ಯುಸಾರಿಯಮ್ ಮೊನಿಲಿಫೋರ್ಮೆ ಶೆಲ್ಡನ್ (fusarium moniliforme Sheldon). ರೋಗಕಾರಕಗಳು ಪ್ರಮುಖವಾಗಿ ಗಾಳಿಯ ಮೂಲಕ ಹರಡುತ್ತವೆ ಮತ್ತು ಗಾಳಿಯಲ್ಲಿನ ಬೀಜಕಗಳು ಕೀಟ ಕಚ್ಚಿದ ಗಾಯ, ಕೊರಕ ಅಥವಾ ಇನ್ಯಾವುದೇ ಸ್ವಾಭಾವಿಕ ಬಿರುಕುಗಳಿಂದ ಎಲೆ, ಹೂವು, ಕಾಂಡಗಳನ್ನ ಮನೆ ಮಾಡಿಕೊಳ್ಳುತ್ತವೆ. ಎರಡನೇ ಹಂತದ ಹರಡುವಿಕೆ ರೋಗಪೀಡಿತ ಗಿಡ, ನೀರಾವರಿ ನೀರು, ಮಳೆಯ ಎರಚಲು, ನೀರು ಮತ್ತು ಮಣ್ಣಿನ ಮೂಲಕ ಆಗುತ್ತದೆ. ಸಾಮಾನ್ಯವಾಗಿ ರೋಗ ಕದಿರಿನ ಮೂಲಕ ಅರೆ ಚಾಚಿರುವ ಎಲೆಯಗುಂಟ ಸಂಭವಿಸುತ್ತದೆ‌. ಕದಿರಿನ ಒಳ ಸೇರುವ ಬೀಜಕಗಳು ಮರಿಯಾಗಿ ಕದಿರನ ಎಲೆಯ ಒಳಕ್ಕೆ ಬೆಳೆಯುತ್ತವೆ. ಇದರಿಂದಾಗಿ ಎಲೆಗಳು ವಿರೂಪವಾಗಿ ಕುಗ್ಗುತ್ತವೆ. ಬೀಜಕಗಳ ಹರಡುವಿಕೆ ವಾತಾವರಣದ ಹಲವಾರು ಅಂಶಗಳ ಮೇಲೆ ಅವಲಂಬಿಸಿದೆ ಮತ್ತು ಬೇಸಿಗೆಯಿಂದ ಆರ್ದ್ರತೆಯ ಕಾಲದಲ್ಲಿ ಇದರ ಹಾವಳಿ ಹೆಚ್ಚು. ಇಂತಹ ಪರಿಸ್ಥಿತಿಯಲ್ಲಿ ಎಲೆಗಳ ನಂಜು ವೇಗವಾಗಿ ವೃದ್ಧಿಸುತ್ತದೆ ಮತ್ತು ಪ್ರತಿರೋಧಕ ಪ್ರಭೇದಗಳಲ್ಲೂ ಕೂಡ ಒಂದೊಂದು ಸಲ ರೋಗ ಲಕ್ಷಣ ಕಂಡುಬರುತ್ತದೆ. ಸ್ವಾಭಾವಿಕ ಸ್ಥಿತಿಗಳಲ್ಲಿ ರೋಗಕಾರಕಗಳು 12 ತಿಂಗಳುಗಳ ಕಾಲ ಜೀವಂತವಾಗಿರಬಲ್ಲವು.