ಶುಂಠಿ
ರೈಜೋಮ್ ಕೊಳೆತ
Pythium aphanidermatum
ಶಿಲೀಂಧ್ರ
ಸಂಕ್ಷಿಪ್ತವಾಗಿ
- ಹಳದಿ ಎಲೆಗಳು.
- ಕೊಳೆತ ಬೇರುಗಳು.
- ರೈಜೋಮ್ ಅಂಗಾಂಶಗಳು ಕಂದು ಬಣ್ಣಕ್ಕೆ ತಿರುಗುವುದು.
ಇವುಗಳಲ್ಲಿ ಸಹ ಕಾಣಬಹುದು
ಶುಂಠಿ
ರೋಗಲಕ್ಷಣಗಳು
ಸೋಂಕು ಸೂಡೋ ಸ್ಚೆಮ್ ಗಳ ಕಾಲರ್ ಪ್ರದೇಶದಲ್ಲಿ ಪ್ರಾರಂಭವಾಗುತ್ತದೆ ಮತ್ತು ಮೇಲಕ್ಕೆ ಮತ್ತು ಕೆಳಕ್ಕೆ ಹರಡುತ್ತದೆ. ಪೀಡಿತ ಸೂಡೊಸ್ಟೆಮ್‌ಗಳ ಕಾಲರ್ ಪ್ರದೇಶವು ನೀರಿನಲ್ಲಿ ನೆನೆಸಲ್ಪಟ್ಟಂತೆ ಕಾಣುತ್ತದೆ ಮತ್ತು ಕೊಳೆಯುವಿಕೆಯು ರೈಜೋಮ್‌ಗೆ ಹರಡುತ್ತದೆ. ನಂತರದ ಹಂತದಲ್ಲಿ, ಬೇರಿನ ಸೋಂಕು ಸಹ ಗಮನಕ್ಕೆ ಬರುತ್ತದೆ. ಕೆಳಗಿನ ಎಲೆಗಳ ಸುಳಿಗಳು ತಿಳಿ ಹಳದಿ ಬಣ್ಣಕ್ಕೆ ತಿರುಗುವ ಮೂಲಕ ಎಲೆಗಳಲ್ಲಿ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಇದು ಕ್ರಮೇಣ ಎಲೆಯ ಗರಿಗೂ ಹರಡುತ್ತದೆ. ಸೋಂಕಿನ ಆರಂಭಿಕ ಹಂತಗಳಲ್ಲಿ, ಎಲೆಗಳ ಮಧ್ಯ ಭಾಗವು ಹಸಿರಾಗಿರುತ್ತದೆ ಮತ್ತು ಅಂಚುಗಳು ಹಳದಿ ಆಗುತ್ತವೆ. ಹಳದಿ ಬಣ್ಣದ ನಂತರ ಸೂಡೋ ಸ್ಟೆಮ್ ಗಳು ಜೋಲು ಬೀಳುತ್ತವೆ, ಒಣಗುತ್ತವೆ ಮತ್ತು ಬಾಡುತ್ತವೆ.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಜೈವಿಕ ನಿಯಂತ್ರಣ ಸೂಕ್ಷ್ಮಜೀವಿಗಳ ಚಟುವಟಿಕೆ ಮತ್ತು ಪೋಷಕಾಂಶಗಳ ಲಭ್ಯತೆಯನ್ನು ಹೆಚ್ಚಿಸಲು ಪ್ರತಿ ಹಸಿಗೊಬ್ಬರದ ಹಾಕಿದ ನಂತರ ಹಸುವಿನ ಸೆಗಣಿ ಅಥವಾ ದ್ರವ ಗೊಬ್ಬರವನ್ನು ಹಾಕಿ ಆ ಮೂಲಕ ಸೂಕ್ಷ್ಮಾಣು ಜೀವಿಗಳ ಚಟುವಟಿಕೆಗಳನ್ನು ಹೆಚ್ಚಿಸಿ. ನಾಟಿ ಮಾಡಲು ನಿರೋಧಕ ಅಥವಾ ಸಹಿಷ್ಣು ಪ್ರಭೇದಗಳನ್ನು ಬಳಸಿ. ಮೆಕ್ಕೆಜೋಳ, ಹತ್ತಿ ಅಥವಾ ಸೋಯಾಬೀನ್ ನೊಂದಿಗೆ ಬೆಳೆ ಸರದಿ ಅಭ್ಯಾಸ ಮಾಡಿ. ಟ್ರೈಕೊಡರ್ಮಾದ ವಿರೋಧಿ ಪ್ರಭೇದಗಳಾದ ಟಿ. ವೈರೈಡ್, ಟಿ. ಹರ್ಜಿಯಾನಮ್ ಮತ್ತು ಟಿ. ಹಮಟಮ್ ಗಳು (40 ಗ್ರಾಂ / ಚದರ ಮೀ) ರೋಗಕಾರಕ ಶಿಲೀಂಧ್ರಗಳ ಬೆಳವಣಿಗೆಯನ್ನು ತಡೆಯುತ್ತದೆ.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದರೆ ಜೈವಿಕ ಚಿಕಿತ್ಸೆಗಳೊಂದಿಗೆ ತಡೆಗಟ್ಟುವ ಕ್ರಮಗಳನ್ನು ಬಳಸುವ ಸಮಗ್ರ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಶೇಖರಣೆಗೆ ಮೊದಲು ಮತ್ತು ನೆಡುವ ಮೊದಲು ರೋಗದ ಪ್ರಮಾಣವನ್ನು ಕಡಿಮೆ ಮಾಡಲು ನೆಡಲು ಬಳಸುವ ಬೇರುಕಾಂಡಗಳಿಗೆ (ರೈಝೋಮ್) ಮಾಂಕೋಜೆಬ್ 0.3% ನೊಂದಿಗೆ 30 ನಿಮಿಷಗಳ ಕಾಲ ಚಿಕಿತ್ಸೆ ನೀಡಿ.
ಅದಕ್ಕೆ ಏನು ಕಾರಣ
ಈ ರೋಗವು ಪೈಥಿಯಂ ಅಫನಿಡರ್ಮಾಟಮ್ ಎಂಬ ಮಣ್ಣಿನಿಂದ ಹರಡುವ ಶಿಲೀಂಧ್ರದಿಂದ ಉಂಟಾಗುತ್ತದೆ. ಇವು ನೈಋತ್ಯ ಮಾನ್ಸೂನ್ ಪ್ರಾರಂಭದೊಂದಿಗೆ ಮಣ್ಣಿನ ತೇವಾಂಶ ಹೆಚ್ಚಾಗುವುದರೊಂದಿಗೆ ಸಂಖ್ಯೆ ಹೆಚ್ಚಿಸಿಕೊಳ್ಳುತ್ತವೆ. ಶಿಲೀಂಧ್ರವು ಎರಡು ರೀತಿಯಲ್ಲಿ ಬದುಕಬಲ್ಲದು. ಒಂದು, ಇದು ನೆಡಲು ಇರಿಸಲಾಗಿರುವ ರೋಗಪೀಡಿತ ರೈಜೋಮ್‌ಗಳಲ್ಲಿ ಉಳಿದುಕೊಳ್ಳುತ್ತದೆ. ಎರಡನೆಯದಾಗಿ, ಕ್ಲಮೈಡೋಸ್ಪೋರ್‌ಗಳು ಮತ್ತು ಓಸ್ಪೋರ್‌ಗಳಂತಹ ರಚನೆಗಳಲ್ಲಿ ಆಶ್ರಯ ಪಡೆಯುವ ಮೂಲಕ ಸೋಂಕಿತ ರೈಜೋಮ್‌ಗಳಿಂದ ಮಣ್ಣನ್ನು ತಲುಪುತ್ತದೆ. ಸಣ್ಣ ಮೊಗ್ಗುಗಳು ರೋಗಕಾರಕಕ್ಕೆ ಹೆಚ್ಚು ಒಳಗಾಗುತ್ತವೆ ಮತ್ತು ನೆಮಟೋಡ್ ಮುತ್ತಿಕೊಳ್ಳುವಿಕೆಯಿಂದ ರೋಗವು ಉಲ್ಬಣಗೊಳ್ಳುತ್ತದೆ. 30°C ಗಿಂತ ಹೆಚ್ಚಿನ ತಾಪಮಾನ ಮತ್ತು ಹೆಚ್ಚಿನ ಮಣ್ಣಿನ ತೇವಾಂಶವು ರೋಗಕ್ಕೆ ಅನುಕೂಲಕರವಾದ ಪ್ರಮುಖ ಅಂಶಗಳಾಗಿವೆ. ಕಳಪೆ ಒಳಚರಂಡಿ ಕಾರಣದಿಂದಾಗಿ ಹೊಲದಲ್ಲಿ ನೀರು ತುಂಬಿದ ಪರಿಸ್ಥಿತಿಗಳು ಸಹ ರೋಗದ ತೀವ್ರತೆಯನ್ನು ಹೆಚ್ಚಿಸುತ್ತವೆ.
ಮುಂಜಾಗ್ರತಾ ಕ್ರಮಗಳು
- ಸರಿಯಾದ ಒಳಚರಂಡಿ ವ್ಯವಸ್ಥೆಯನ್ನು ಖಚಿತಪಡಿಸಿಕೊಳ್ಳಿ.
- ನೆಡಲು ಚೆನ್ನಾಗಿ ನೀರು ಬಸಿಯುವ ಮಣ್ಣನ್ನು ಆರಿಸಿ.
- ಸೋಂಕಿತ ಸಸ್ಯಗಳನ್ನು ತೆಗೆದುಹಾಕುವ ಮತ್ತು ನಾಶಪಡಿಸುವಂತಹ ಫೈಟೊಸ್ಯಾನಿಟರಿ ಕ್ರಮಗಳನ್ನು ಅಳವಡಿಸಿ.
- ನೆಡುವ ಸಮಯದಲ್ಲಿ ಹಸಿರು ಎಲೆಗಳೊಂದಿಗೆ (ವಿಟೆಕ್ಸ್ ನೆಗುಂಡೋ) @ 4-4.8 t / ಎಕರೆ ಮಲ್ಚ್ ಮಾಡಿ.
- ನೆಟ್ಟ ನಂತರ 40 ರಿಂದ 90 ದಿನಗಳಲ್ಲಿ ಎಕರೆಗೆ 2 t ಯಂತೆ ಮತ್ತೆ ಹಸಿರುಗೊಬ್ಬರ ಹಾಕಿ.
- ಬೆಳೆ ಸರದಿಯನ್ನು ಕನಿಷ್ಠ 2-3 ವರ್ಷಗಳ ಕಾಲ ಅನುಸರಿಸಿ.
- ಬೇವಿನ ಕೇಕ್ ಅನ್ನು @ 250 ಗ್ರಾಂ / ಚದರ ಮತ್ತು ಸುಣ್ಣವನ್ನು ಮಣ್ಣಿಗೆ ಸೇರಿಸಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
