ಮಾವಿನ ಹಕ್ಕಳೆ

ರೋಗಲಕ್ಷಣಗಳು

ಎಲ್ಸಿನೋ ಮ್ಯಾಂಜಿಫೆರೆ ಶಿಲೀಂಧ್ರದಿಂದ ರೋಗಲಕ್ಷಣಗಳು ಉಂಟಾಗುತ್ತವೆ. ಪ್ರಭೇದ, ಸಸ್ಯದ ಭಾಗ, ಸೋಂಕಿನ ಸಮಯದಲ್ಲಿ ಅಂಗಾಂಶಗಳ ವಯಸ್ಸು, ಸಸ್ಯದ ಚೈತನ್ಯ ಮತ್ತು ಎಷ್ಚು ಸೊಂಪಾಗಿವೆ ಎಂಬಂತಹ ವಿವಿಧ ಅಂಶಗಳನ್ನು ಅವಲಂಬಿಸಿ ರೋಗಲಕ್ಷಣಗಳು ಬದಲಾಗಬಹುದು. ಎಳೆಯ ಹಣ್ಣುಗಳ ಮೇಲೆ ಸಣ್ಣ ಕಪ್ಪು ಗಾಯಗಳು ಕಾಣಿಸಿಕೊಳ್ಳುತ್ತವೆ. ಸೋಂಕು ತೀವ್ರಗೊಳ್ಳುತ್ತಿದ್ದಂತೆ ಎಲೆಗಳ ಮೇಲೆ ದುಂಡಗಿನ ಅಥವಾ ಅನಿಯಮಿತ ಕಂದು ಬಣ್ಣದಿಂದ ಬೂದು ಬಣ್ಣದ ಗಾಯಗಳು ರೂಪುಗೊಳ್ಳುತ್ತವೆ. ಎಲೆಗಳು ಸುಕ್ಕುಗಟ್ಟುತ್ತವೆ, ವಿರೂಪಗೊಳ್ಳುತ್ತವೆ ಮತ್ತು ಉದುರುತ್ತವೆ. ಗಾಯಗಳು ತಿಳಿ-ಕಂದು ಬಣ್ಣದ ಹಕ್ಕಳೆ/ ಹುರುಪು ಅಥವಾ ಗಾಯದ ಅಂಗಾಂಶಗಳಾಗಿ ಬೆಳೆಯುತ್ತವೆ. ತೀವ್ರವಾಗಿ ಬಾಧಿತ ಹಣ್ಣುಗಳು ಅಕಾಲಿಕವಾಗಿ ಉದುರಬಹುದು. ಆದರೆ ಮರದ ಮೇಲೆ ಉಳಿದಿರುವ ಹಣ್ಣುಗಳಲ್ಲಿ ಗಾಯದ ಅಂಗಾಂಶಗಳು ಬೆಳೆಯುತ್ತವೆ. ಇದು ಹಣ್ಣನ್ನು ಮಾರುಕಟ್ಟೆಗೆ ಯೋಗ್ಯವಿಲ್ಲದಂತೆ ಮಾಡುತ್ತದೆ. ಸ್ವಲ್ಪ ಬೆಳೆದ ಬೂದು ಬಣ್ಣದ, ಅಂಡಾಕಾರದ ಗಾಯಗಳು ಕಾಂಡದ ಅಂಗಾಂಶದ ಮೇಲೆ ಸಂಭವಿಸುತ್ತವೆ. ಕಾಂಡಗಳ ಮೇಲೆ ದೊಡ್ಡ, ತಿಳಿ-ಕಂದು, ಕಾರ್ಕಿ ನಂತಹ ಪ್ರದೇಶಗಳನ್ನು ಸಹ ಗಮನಿಸಬಹುದು. ಅಪರೂಪದ ಸಂದರ್ಭಗಳಲ್ಲಿ, ಎಲೆಗಳ ಮೇಲೆ ಗಾಯಗಳು ಸಂಭವಿಸುತ್ತವೆ. ಹೊರ ವರ್ತುಲಗಳಿರುವ ಕಂದು ಕಲೆಗಳು ಕಾಣಿಸಿಕೊಳ್ಳುತ್ತವೆ ಮತ್ತು ಎಲೆಗಳ ಅಂಚುಗಳಲ್ಲೂ ಸಹ ಗಾಯಗಳು ಬೆಳೆಯುತ್ತವೆ. ಎಲೆಗಳ ಕೆಳಗಿನ ಮೇಲ್ಮೈಗಳಲ್ಲಿ ಕಾರ್ಕಿ ಗಾಯಗಳನ್ನು ಸಹ ಗಮನಿಸಬಹುದು. ಸೋಂಕು ತೀವ್ರವಾದಾಗ ಎಲೆ ಉದುರಬಹುದು.