ಬಾಳೆಹಣ್ಣಿನ ಮಚ್ಚೆ ರೋಗ

ರೋಗಲಕ್ಷಣಗಳು

ಎಲೆಗಳು ಮತ್ತು ಹಣ್ಣುಗಳ ಮೇಲೆ ಕಂಡುಬರುವ ವಿವಿಧ ಗಾತ್ರದ ಗಾಢ ಕಂದು ಅಥವಾ ಕಪ್ಪು ಬಣ್ಣದ ಕಲೆಗಳು ಈ ರೋಗದ ಮುಖ್ಯವಾದ ರೋಗಲಕ್ಷಣ. ಎಲೆಯ ಮೇಲ್ಭಾಗ ಮತ್ತು ಹಣ್ಣಿನ ಚರ್ಮವು ಮರಳು ಕಾಗದದಂತೆ ಕಾಣುತ್ತದೆ. ಸಣ್ಣ ಚುಕ್ಕೆಗಳ ವ್ಯಾಸ 1 ಮಿ.ಮೀ ಗಿಂತ ಕಡಿಮೆಯಿರುತ್ತವೆ. ಕಲೆಗಳು ಸಾಲುಗಳಾಗಿ ಹರಡಬಹುದು ಮತ್ತು ಅವು ಎಲೆಯ ಉದ್ದಕ್ಕೂ ಗೆರೆಗಳ ರೀತಿಯಲ್ಲಿ ಕರ್ಣೀಯವಾಗಿ ಹರಡುತ್ತವೆ ಅಥವಾ ಮಧ್ಯಭಾಗದಿಂದ ಎಲೆಯ ಅಂಚಿನವರೆಗೂ ಹರಡುತ್ತವೆ, ಸಾಮಾನ್ಯವಾಗಿ ನಾಳಗಳ ಉದ್ದಕ್ಕೂ ಕಾಣಿಸಿಕೊಳ್ಳಬಹುದು. ದೊಡ್ಡ ಮಚ್ಚೆಗಳ ವ್ಯಾಸ 4 ಮಿ.ಮೀ. ವರೆಗೆ ಇರುತ್ತವೆ ಮತ್ತು ಇವು ಗೆರೆಗಳಂತೆಯೂ ಸಹ ಕಾಣಿಸಿಕೊಳ್ಳಬಹುದು. ಕೆಲವೊಮ್ಮೆ ಈ ದೊಡ್ಡ ಕಲೆಗಳ ಮಧ್ಯಭಾಗದ ಬಣ್ಣ ತೆಳು ಬಣ್ಣವಾಗಿರುತ್ತದೆ. ಈ ಕಲೆಗಳು ತೊಟ್ಟುಗಳು, ನಡುದಿಂಡುಗಳು, ಬೆಳೆಯುತ್ತಿರುವ ಎಲೆಗಳು ಮತ್ತು ಹೂ ತೊಟ್ಟಿಲುಗಳ ಮೇಲೆ ಸಹ ಕಾಣಿಸಿಕೊಳ್ಳುತ್ತವೆ. ಮಚ್ಚೆಗಳು ಹಣ್ಣಿನ ಗೊಂಚಲು ಹುಟ್ಟಿದ ನಂತರ 2-4 ವಾರಗಳಲ್ಲಿಯೇ ಹಣ್ಣುಗಳ ಮೇಲೆ ಸಹ ಕಾಣಿಸಿಕೊಳ್ಳಬಹುದು. ಮೊದಲು ಕಂಡುಬರುವ ಕಲೆಗಳು ಗಾಢ ಹಸಿರು ಬಣ್ಣದ ಪ್ರಭಾವಾಲಯವಿರುವ, ನೀರು-ತುಂಬಿದ ಅಂಗಾಂಶವಿರುವ ಅತೀ ಸಣ್ಣದಾದ ಕೆಂಪು-ಕಂದು ಬಣ್ಣದ ಚುಕ್ಕೆಗಳಾಗಿ ಕಂಡುಬರುತ್ತವೆ.