ಇತರೆ
ಹುಲ್ಲುಗಳ ತೆನೆ ತುಕ್ಕು ರೋಗ (ಕ್ರೌನ್ ರಸ್ಟ್)
Puccinia coronata
ಶಿಲೀಂಧ್ರ
ಸಂಕ್ಷಿಪ್ತವಾಗಿ
- ಎಲೆಗಳ ಮೇಲಿನ ಭಾಗದಲ್ಲಿ ಮತ್ತು ಕೆಲವೊಮ್ಮೆ ಎಲೆಯ ಕವಚಗಳು, ಹೂಗೊಂಚಲಿನ ತೊಟ್ಟು ಮತ್ತು ಹೂಗೊಂಚಲುಗಳ ಮೇಲೆ ದೊಡ್ಡದಾದ, ಉದ್ದನೆಯ, ತಿಳಿ ಕಿತ್ತಳೆ ಬಣ್ಣದ ಬೊಕ್ಕೆಗಳು ಕಾಣಿಸಿಕೊಳ್ಳುತ್ತವೆ.
- ವ್ಯಾಪಕ ಕ್ಲೋರೋಸಿಸ್ ಮತ್ತು ಎಲೆ ಹಣ್ಣಾಗುವುದು ಈ ಬೊಕ್ಕೆಗಳಿಗೆ ಸಂಬಂಧಿಸಿದೆ.
ಇವುಗಳಲ್ಲಿ ಸಹ ಕಾಣಬಹುದು
ಇತರೆ
ರೋಗಲಕ್ಷಣಗಳು
ಮುಖ್ಯವಾಗಿ ಎಲೆಗಳ ಮೇಲಿನ ಭಾಗದಲ್ಲಿ ದೊಡ್ಡ, ಉದ್ದನೆಯ, ತಿಳಿ ಕಿತ್ತಳೆ ಬಣ್ಣದ ಬೊಕ್ಕೆಗಳು ಕಾಣಿಸಿಕೊಳ್ಳುತ್ತವೆ. ಭಾರೀ ಸೋಂಕಿನ ಸಂದರ್ಭಗಳಲ್ಲಿ ಎಲೆಯ ಕವಚಗಳು, ಹೂಗೊಂಚಲಿನ ತೊಟ್ಟು, ಧಾನ್ಯದ ಚುಂಗುಗಳು ಮತ್ತು ಹೂ ಗೊಂಚಲುಗಳ ಮೇಲೂ ಕೆಲವೊಮ್ಮೆ ಇವು ಕಾಣಿಸುತ್ತವೆ. ಈ ಬೊಕ್ಕೆಗಳು ಸಾಮಾನ್ಯವಾಗಿ ಗುಂಪಾಗಿರುತ್ತವೆ. ಕಾಲ ಕ್ರಮೇಣ, ಇವು ತೆಳು ಕಂದು ಬಣ್ಣಕ್ಕೆ ತಿರುಗುತ್ತವೆ ಮತ್ತು ಎಲೆಗಳ ಮೇಲೆ ವ್ಯಾಪಕ ಕ್ಲೋರೋಸಿಸ್ ಉಂಟಾಗುತ್ತದೆ ಮತ್ತು ಎಲೆ ಮುದುಡಿಹೋಗುತ್ತದೆ. ಆದರೂ, ಈ ಸೋಂಕು ಸಂಪೂರ್ಣವಾಗಿ ಸಸ್ಯಗಳನ್ನು ಕೊಲ್ಲುವುದು ಅಪರೂಪ. ಒಣಗುವಿಕೆಯಿಂದಾಗಿ ಸಸ್ಯದ ದ್ಯುತಿಸಂಶ್ಲೇಷಣೆಯ ಪ್ರಮಾಣ ಕಡಿಮೆಯಾಗುತ್ತದೆ. ಇದು ಬೆಳವಣಿಗೆ ಮತ್ತು ಇಳುವರಿಯನ್ನು ಕಡಿಮೆ ಮಾಡುತ್ತದೆ. ಧಾನ್ಯಗಳು ಸಾಮಾನ್ಯವಾಗಿ ಕುಗ್ಗಿರುತ್ತವೆ ಮತ್ತು ಅವುಗಳ ಗುಣಮಟ್ಟ ಕಡಿಮೆಯಾಗುತ್ತದೆ. ತೀವ್ರವಾದ ಸೋಂಕು ಬರ ಪರಿಸ್ಥಿತಿಗಳಿಗೆ ಸಸ್ಯಗಳು ಹೆಚ್ಚು ಸೂಕ್ಷ್ಮವಾಗುವಂತೆ ಮಾಡುತ್ತದೆ. ಇದು ಪ್ರತಿಕೂಲ ಹವಾಮಾನದ ಸಂದರ್ಭದಲ್ಲಿ ಸಾವಿಗೆ ಕಾರಣವಾಗಬಹುದು.
ಶಿಫಾರಸುಗಳು
ಜೈವಿಕ ನಿಯಂತ್ರಣ
ಈ ರೋಗಕ್ಕೆ ವಿರುದ್ಧವಾಗಿ ಜೈವಿಕ ಚಿಕಿತ್ಸೆಗಳು ಇಲ್ಲ. ನಿಮಗೆ ಯಾವುದಾದರೂ ತಿಳಿದಿದ್ದರೆ, ದಯವಿಟ್ಟು ನಮ್ಮನ್ನು ಸಂಪರ್ಕಿಸಿ. ಅದರಿಂದ ನಮಗೆ ಸಂತೋಷವಾಗುತ್ತದೆ.
ರಾಸಾಯನಿಕ ನಿಯಂತ್ರಣ
ಜೈವಿಕ ಚಿಕಿತ್ಸೆಗಳು ಮತ್ತು ತಡೆಗಟ್ಟುವ ಕ್ರಮಗಳಿರುವ ಸಮಗ್ರವಾದ ಮಾರ್ಗವನ್ನು ಮೊದಲು ಪರಿಗಣಿಸಿ. ಈ ರೋಗಕಾರಕಕ್ಕೆ ವಿರುದ್ಧವಾಗಿ ಪ್ರೊಪಿಕೊನಾಝೋಲ್ ಅನ್ನು ಆಧರಿಸಿದ ಹಲವಾರು ವಾಣಿಜ್ಯಿಕವಾಗಿ ಲಭ್ಯವಿರುವ ಉತ್ಪನ್ನಗಳನ್ನು ಬಳಸಬಹುದು. ಪರಿಸ್ಥಿತಿಗಳು ಶಿಲೀಂಧ್ರಕ್ಕೆ ಅನುಕೂಲಕರವಾಗಿಲ್ಲದ ಸದಂರ್ಭದಲ್ಲಿ ಇದನ್ನು ಸಿಂಪಡಿಸುವಂತೆ ಶಿಫಾರಸು ಮಾಡಲಾಗುತ್ತದೆ.
ಅದಕ್ಕೆ ಏನು ಕಾರಣ
ಪ್ಯುಸಿನಿಯ ಕೊರೋನಾಟಾ ಎಂಬ ಶಿಲೀಂಧ್ರದಿಂದ ಈ ರೋಗಲಕ್ಷಣಗಳು ಉಂಟಾಗುತ್ತವೆ. ಇದು ಪರ್ಯಾಯ ಆಶ್ರಯದಾತ ಸಸ್ಯಗಳು ಅಥವಾ ಜಮೀನಿನಲ್ಲಿ ಉಳಿದಿರುವ ಬೆಳೆಯ ಉಳಿಕೆಗಳಲ್ಲಿ ಋತುವಿನ ನಡುವಿನ ಅವಧಿಯನ್ನು ಕಳೆಯುತ್ತವೆ. ವಸಂತಕಾಲದ ಅನುಕೂಲಕರ ಪರಿಸ್ಥಿತಿಗಳಲ್ಲಿ, ಶಿಲೀಂಧ್ರವು ಬೆಳವಣಿಗೆಯನ್ನು ಪುನರಾರಂಭಿಸುತ್ತದೆ ಮತ್ತು ಇನಾಕ್ಯುಲಮ್ ನ ಪ್ರಾಥಮಿಕ ಮೂಲವಾದ ಬೀಜಕಗಳನ್ನು ಉತ್ಪಾದಿಸುತ್ತದೆ. ಎಲೆಗಳ ಮೇಲಿನ ಬೊಕ್ಕೆಗಳು ಮತ್ತೊಂದು ರೀತಿಯ ಬೀಜಕಗಳನ್ನು ಉತ್ಪಾದಿಸುತ್ತವೆ. ಇವು ಗಾಳಿಯಿಂದ ಹರಡುತ್ತವೆ (ಇನೋಕ್ಯುಲಮ್ ನ ಎರಡನೇ ಮೂಲ). ಶಿಲೀಂಧ್ರವು ಬೆಳೆಯುವ ಋತುವಿನಲ್ಲಿ ಬಾರ್ಲಿಯ ಮೇಲೆ ಅನೇಕ ವಂಶಾಭಿವೃದ್ದಿ ಚಕ್ರಗಳನ್ನು ಕಳೆಯುತ್ತದೆ. ಇದು ಬೆಳೆಯುವ ಮತ್ತು ಕಾಡು ಜಾತಿಯ ಬಾರ್ಲಿ ಮತ್ತು ಓಟ್ ಗಳ ಮೇಲೆ ಹಾಗು ಹಲವಾರು ಹುಲ್ಲುಗಳು ಮತ್ತು ಮುಖ್ಯವಾಗಿ ಬಕ್ಥಾರ್ನ್ (ರಾಮನಸ್ ಕ್ಯಾಥಾರ್ಟಿಕ) ಎಂದು ಕರೆಯಲ್ಪಡುವ ದೀರ್ಘಕಾಲಿಕ ಕಳೆಯ ಮೇಲೆ ಪರಿಣಾಮ ಬೀರುತ್ತದೆ. ಹಿಮ ರಚನೆಗೆ ಸಾಕಷ್ಟು ತೇವಾಂಶವುಳ್ಳ ಬೆಚ್ಚಗಿನ (20 ರಿಂದ 25 °C) ಬಿಸಿಲು ದಿನಗಳು ಮತ್ತು ಸಾಮಾನ್ಯ ರಾತ್ರಿಗಳು (15 ರಿಂದ 20 °C) ಶಿಲೀಂಧ್ರಕ್ಕೆ ಹೆಚ್ಚು ಅನುಕೂಲಕರವಾಗಿರುತ್ತದೆ.
ಮುಂಜಾಗ್ರತಾ ಕ್ರಮಗಳು
- ನಿರೋಧಕ ಪ್ರಭೇದಗಳ ಸರಿಯಾದ ಆಯ್ಕೆಯೇ ರೋಗವನ್ನು ತಪ್ಪಿಸುವ ಉತ್ತಮ ಮಾರ್ಗವಾಗಿದೆ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
