ಧಾನ್ಯಗಳಲ್ಲಿ ಬೂದಿ ರೋಗ (ಪೌಡರಿ ಮಿಲ್ಡ್ಯೂ)

ಅದಕ್ಕೆ ಏನು ಕಾರಣ

ರೋಗಲಕ್ಷಣಗಳು ಬ್ಲುಮೆರಿಯಾ ಗ್ರ್ಯಾಮಿನಿಸ್ ಎಂಬ ಶಿಲೀಂಧ್ರದಿಂದ ಉಂಟಾಗುತ್ತವೆ. ಇದು ಜೀವಂತ ಆಶ್ರಯದಾತ ಸಸ್ಯಗಳಲ್ಲಿ ಮಾತ್ರ ಬೆಳೆದು ಸಂತಾನೋತ್ಪತ್ತಿ ಮಾಡಬಲ್ಲ ನಿರ್ಬಂಧಿತ ಬಯೋಟ್ರೋಫ್. ಯಾವುದೇ ಆಶ್ರಯದಾತ ಸಸ್ಯಗಳು ಲಭ್ಯವಿಲ್ಲದಿದ್ದರೆ, ಋತುವಿನ ನಡುವಿನ ಕಾಲದಲ್ಲಿ ಜಮೀನಿನಲ್ಲಿರುವ ಸಸ್ಯದ ಉಳಿಕೆಗಳ ಮೇಲೆ ಸುಪ್ತ ರಚನೆಗಳ ರೂಪದಲ್ಲಿ ಚಳಿಗಾಲವನ್ನು ಕಳೆಯುತ್ತವೆ. ಧಾನ್ಯಗಳ ಹೊರತಾಗಿ, ಇದು ಸಾಕಷ್ಚು ಇತರ ಸಸ್ಯಗಳನ್ನು ಆಕ್ರಮಿಸುತ್ತದೆ ಮತ್ತು ಎರಡು ಋತುಗಳ ನಡುವೆ ಸೇತುವೆಯಂತೆ ಈ ಗಿಡಗಳನ್ನು ಬಳಸುತ್ತದೆ. ಪರಿಸ್ಥಿತಿಗಳು ಅನುಕೂಲಕರವಾದಾಗ, ಇದು ಬೆಳವಣಿಗೆಯನ್ನು ಮುಂದುವರಿಸುತ್ತದೆ ಮತ್ತು ಬೀಜಕಗಳನ್ನು ಉತ್ಪಾದಿಸುತ್ತದೆ. ಇದು ನಂತರ ಆರೋಗ್ಯಕರ ಸಸ್ಯಗಳಿಗೆ ಗಾಳಿಯ ಮೂಲಕ ಹರಡುತ್ತದೆ. ಒಮ್ಮೆ ಅದು ಎಲೆಯ ಮೇಲೆ ಬಿದ್ದ ನಂತರ, ಶಿಲೀಂಧ್ರವು ಕುಡಿಯೊಡೆಯುತ್ತದೆ ಮತ್ತು ತನ್ನ ಬೆಳವಣಿಗೆಯನ್ನು ಬೆಂಬಲಿಸಲು ಅಗತ್ಯವಾದ ಪೋಷಕಾಂಶಗಳನ್ನು ಜೀವಕೋಶಗಳಿಂದ ತೆಗೆದುಕೊಳ್ಳಲು ಅಗತ್ಯವಾದ ಆಹಾರದ ರಚನೆಗಳನ್ನು ಉತ್ಪತ್ತಿ ಮಾಡುತ್ತದೆ. ತಂಪಾದ ಮತ್ತು ಆರ್ದ್ರ ಪರಿಸ್ಥಿತಿಗಳು (95% ತೇವಾಂಶ) ಮತ್ತು ಮೋಡ ಕವಿದ ಹವಾಮಾನ ಅದರ ಅಭಿವೃದ್ಧಿಗೆ ಅನುಕೂಲಕರವಾಗಿದೆ. ಆದರೆ, ಬೀಜಕಗಳು ಕುಡಿಯೊಡೆಯಲು ಎಲೆಯ ತೇವಾಂಶದ ಅಗತ್ಯವಿರುವುದಿಲ್ಲ ಮತ್ತು ವಾಸ್ತವವಾಗಿ ಅದು ಪ್ರತಿಬಂಧಿಸುತ್ತದೆ. 16 ಡಿಗ್ರಿ ಸೆಲ್ಸಿಯಸ್ ಮತ್ತು 21 ಡಿಗ್ರಿ ಸೆಲ್ಸಿಯಸ್ ನಡುವಿನ ತಾಪಮಾನ ಅನುಕೂಲಕರ ಮತ್ತು 25 ಡಿಗ್ರಿ ಸೆಲ್ಸಿಯಸ್ ತಾಪಮಾನಕ್ಕಿಂತ ಹೆಚ್ಚಿದ್ದರೆ ಅದು ಅಹಿತಕರ. ಇದರ ವ್ಯಾಪಕ ಹರಡುವಿಕೆ ಮತ್ತು ವಾಯುಗಾಮಿ ಪ್ರಸರಣದ ಕಾರಣದಿಂದಾಗಿ ಈ ರೋಗಕಾರಕಕ್ಕೆ ಯಾವುದೇ ಪ್ರಬಂಧಕ ನಿಯಮಗಳಿರುವುದು ತಿಳಿದು ಬಂದಿಲ್ಲ.