ಮಸೂರದ ತುಕ್ಕು ರೋಗ

ರೋಗಲಕ್ಷಣಗಳು

ಎಲೆಗಳು, ಕಾಂಡಗಳು ಮತ್ತು ಬೀಜಕೋಶಗಳು ಸೋಂಕಿಗೆ ಒಳಗಾಗಬಹುದು. ಮೊಟ್ಟಮೊದಲ ಲಕ್ಷಣಗಳೆಂದರೆ ಎಲೆಗಳ ಮೇಲ್ಮೈಯಲ್ಲಿ ಬೆಳೆಯುವ ಚಿಕ್ಕ, ಬಿಳುಪಾದ, ಉಬ್ಬಿದ ಚುಕ್ಕೆಗಳು. ಕಲೆಗಳು ದೊಡ್ಡದಾಗುತ್ತಿದ್ದಂತೆ, ಪುಡಿಯಂತಾಗಿ ಕಿತ್ತಳೆ ಅಥವಾ ಕಂದು ಬಣ್ಣಕ್ಕೆ ತಿರುಗುತ್ತವೆ, ಮತ್ತು ಸಾಮಾನ್ಯವಾಗಿ ತೆಳುವಾದ ಹೊರ ವೃತ್ತದಿಂದ ಆವೃತವಾಗಿರುತ್ತವೆ. ಎಲೆಗಳು, ಕಾಂಡಗಳು ಮತ್ತು ಬೀಜಕೋಶಗಳ ಮೇಲಿನ ಮತ್ತು ಕೆಳಗಿನ ಭಾಗಗಳಲ್ಲಿ ಈ ಗಂಟುಗಳನ್ನು ನೋಡಬಹುದು. ನಂತರದ ಹಂತದಲ್ಲಿ, ದ್ವಿತೀಯಕ ಗಂಟುಗಳು ಪ್ರಾಥಮಿಕ ಗಂಟುಗಳೊಳಗೆ ಬೆಳೆಯುತ್ತವೆ,ಈ ಗಂಟುಗಳ ಮಧ್ಯಬಾಗದಲ್ಲಿ ಒಂದು ಚುಕ್ಕೆ ಇದ್ದು ಇವು O ಆಕಾರದಲ್ಲಿರುತ್ತವೆ. ತುಕ್ಕುರೋಗದ ಲಕ್ಷಣಗಳು ಮತ್ತು ತೀವ್ರತೆಯು ಆಗಿನ ಹವಾಮಾನ ಪರಿಸ್ಥಿತಿಗಳ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ತಾಪಮಾನವು 20ºC ಗಿಂತ ಹೆಚ್ಚಿನದಾಗಿದ್ದರೆ ಅದು ಸಸ್ಯದ ಮೇಲೆ ವೇಗವಾಗಿ ಬೆಳೆಯುತ್ತದೆ ಮತ್ತು ಅದನ್ನು ಸಂಪೂರ್ಣವಾಗಿ ಆವರಿಸುತ್ತದೆ. ತೀವ್ರ ಸೋಂಕಿನ ಸಂದರ್ಭದಲ್ಲಿ ಎಲೆಗಳು ಉದುರುತ್ತವೆ, ಸಸ್ಯದ ಬೆಳವಣಿಗೆ ಕುಂಠಿತವಾಗುತ್ತದೆ ಮತ್ತು ಅಕಾಲಿಕವಾಗಿ ಸಾಯುತ್ತದೆ.