ಮಸೂರು ಅವರೆಯ ಆಸ್ಕೋಚೈಟಾ ರೋಗ

ರೋಗಲಕ್ಷಣಗಳು

ಎಲ್ಲಾ ಬೆಳವಣಿಗೆಯ ಹಂತಗಳಲ್ಲಿ ಮತ್ತು ಬೇರು ಹೊರತುಪಡಿಸಿ ಸಸ್ಯದ ಎಲ್ಲಾ ಭಾಗಗಳಲ್ಲಿ ರೋಗಲಕ್ಷಣಗಳು ಕಾಣಿಸಿಕೊಳ್ಳಬಹುದು. ಎಲೆಗಳ ಮೇಲೆ ಗಾಢವಾದ ಕಂದು ಬಣ್ಣದ ಅಂಚಿರುವ ಚುಕ್ಕೆಗಳು ಕಾಣಿಸಿಕೊಳ್ಳುತ್ತವೆ. ಈ ಗಾಯಗಳ ಮದ್ಯಭಾಗವು ನಂತರ ಬೂದು ಬಣ್ಣಕ್ಕೆ ತಿರುಗಿ ಸಣ್ಣ ಗಾಢ ಚುಕ್ಕೆಗಳಿಂದ ಆವೃತವಾಗುತ್ತದೆ. ಇತರ ರೋಗಗಳಿಂದ ಈ ರೋಗವನ್ನು ಬೇರೆಯಾಗಿ ಗುರುತಿಸಲು ಈ ಲಕ್ಷಣ ಅನುವು ಮಾಡಿಕೊಡುತ್ತದೆ. ತೀವ್ರವಾದ ಸೋಂಕಿನ ಸಂದರ್ಭಗಳಲ್ಲಿ ಎಲೆಗಳು ಅಕಾಲಿಕವಾಗಿ ಉದುರುತ್ತವೆ. ಚಿಗುರೆಲೆಗಳು ಮತ್ತು ಕಾಂಡಗಳು ಬೆಳೆಯುತ್ತಿರುವ ಬಿಂದುಗಳಲ್ಲಿ ತುದಿಯಿಂದ ಬುಡದ ಕಡೆಗೆ ಸಾಯುತ್ತಾ ಹೋಗುತ್ತವೆ. ಇದು, ಸಸ್ಯಕ್ಕೆ ರೋಗಸ್ಥ ರೂಪ ನೀಡುತ್ತದೆ. ಈ ರೋಗದ ಮತ್ತೊಂದು ವಿಶಿಷ್ಟ ಲಕ್ಷಣವೆಂದರೆ, ಬೀಜಗಳು ಮೇಲ್ಮೈಯಲ್ಲಿ ಕಂದು ತೇಪೆಗಳೊಂದಿಗೆ ಬಣ್ಣ ಕಳೆದುಕೊಳ್ಳುವುದು. ತೀವ್ರವಾಗಿ ಸೋಂಕಿತ ಬೀಜವು ಕೆನ್ನೀಲಿ-ಕಂದು ಬಣ್ಣದ್ದಾಗಿರುತ್ತದೆ ಮತ್ತು ಸುಕ್ಕಾಗಿರುತ್ತದೆ ಮತ್ತು ಗಾತ್ರದಲ್ಲಿ ಸಣ್ಣದಾಗಿರುತ್ತದೆ. ಬೀಜಗಳು ಬಣ್ಣಗೆಡುವುದರಿಂದ ಅವುಗಳ ಗುಣಮಟ್ಟ ಮತ್ತು ಅವುಗಳ ಮಾರುಕಟ್ಟೆ ಮೌಲ್ಯ ಕಡಿಮೆಯಾಗುತ್ತದೆ.