ಕಪ್ಪು ಕಾಂಡ ರೋಗ (ಬ್ಲ್ಯಾಕ್ ಶ್ಯಾಂಕ್)

ರೋಗಲಕ್ಷಣಗಳು

ಗಿಡದ ಬೆಳವಣಿಗೆಯ ಎಲ್ಲ ಹಂತಗಳಲ್ಲಿ ಮತ್ತು ಗಿಡದ ಎಲ್ಲಾ ಭಾಗಗಳಲ್ಲಿ ಈ ರೋಗದ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಎಲೆಗಳು ಅಸ್ವಾಭಾವಿಕ ಬಣ್ಣ ಮತ್ತು ಆಕಾರಕ್ಕೆ ತಿರುಗುತ್ತವೆ. ಎಲೆಗಳು ವಿರೂಪಗೊಂಡು ಸುರುಳಿ ಸುತ್ತಿಕೊಳ್ಳುತ್ತವೆ. ಪತ್ರಹರಿತ್ತಿನ ಉತ್ಪಾದನೆ ಕಡಿಮೆಯಾಗಿ ಹಳದಿ ಬಣ್ಣಕ್ಕೆ ತಿರುಗಿದ ಎಲೆಗಳಲ್ಲಿ ಮೃತ ಭಾಗಗಳು ಕಾಣಿಸಿಕೊಳ್ಳುತ್ತವೆ. ರೋಗವು ಉಲ್ಬಣಗೊಂಡಂತೆ ಸತ್ತ ಅಂಗಾಂಶ ಉದುರಿ ಎಲೆಗಳು ಅಲ್ಲಲ್ಲಿ ಹರಿದಂತೆ ಕಾಣುತ್ತವೆ. ಮರಗಳಿಗೆ ಈ ರೋಗ ಬಂದರೆ ಹಣ್ಣು ಅಸಹಜ ಆಕಾರದಲ್ಲಿರುತ್ತದೆ ಹಾಗೂ ಹಣ್ಣಿನ ಸಿಪ್ಪೆಯಲ್ಲಿ ಕಪ್ಪು ಅಥವಾ ಕಂದು ಬಣ್ಣದ ಗಾಯಗಳಿರುತ್ತವೆ. ಬಳಿಕ ಈ ಗಾಯಗಳ ಮೇಲೆ ವಿಪರೀತವಾಗಿ ಬೂಷ್ಟು ಬೆಳೆದು ಅಲ್ಲಿಂದ ಹಣ್ಣಿನ ರಸ ತೊಟ್ಟಿಕ್ಕುವುದು ಕಾಣುತ್ತದೆ. ಹಣ್ಣುಗಳು ಸೊರಗುತ್ತವೆ. ಹಣ್ಣಿನ ಸಿಪ್ಪೆಯು ಮುರುಟುವ ಸ್ಪಷ್ಟ ಲಕ್ಷಣಗಳು ಕಾಣಿಸುತ್ತದೆ. ಮರದ ತೊಗಟೆಯು ಗಾಢ ಕಂದು ಬಣ್ಣಕ್ಕೆ ತಿರುಗುತ್ತದೆ ಹಾಗೂ ಬೆಳೆದ ರೆಂಬೆಗಳಲ್ಲಿ ಶಿಲೀಂಧ್ರದಿಂದಾದ ಕೊಳೆತ ಕಾಣುತ್ತದೆ. ಈ ಗಾಯಗಳಲ್ಲಿ ಗೋಂದು ಸುರಿಯುವುದು ಕಾಣಬಹುದು. ಕತ್ತರಿಸಿ ನೋಡಿದರೆ, ರೆಂಬೆ ಹಾಗೂ ಬೇರಿನೊಳಗಿನ ಭಾಗದ ಅಂಗಾಂಶ ಕೊಳೆಯುತ್ತಿರುವ ಕುರುಹು ಕಾಣುತ್ತದೆ. ಒಟ್ಟಾರೆಯಾಗಿ, ಗಿಡಗಳು ಸೊರಗುತ್ತವೆ ಹಾಗೂ ರೋಗ ವಿಪರೀತಗೊಂಡಲ್ಲಿ ಸಸಿಯು ಸಾಯುತ್ತದೆ.