ಮೆಕ್ಕೆ ಜೋಳದ ಗಿಬ್ಬೆರೆಲ್ಲಾ ಕಾಂಡ ಕೊಳೆತ

ರೋಗಲಕ್ಷಣಗಳು

ಮೆಕ್ಕೆ ಜೋಳದಲ್ಲಿ, ಈ ರೋಗವು ತೆನೆ ಮತ್ತು ಕಾಂಡದ ಮೇಲೆ ರೋಗಲಕ್ಷಣಗಳನ್ನು ತೋರಿಸುತ್ತದೆ. ಆರಂಭಿಕ ರೋಗಲಕ್ಷಣಗಳೆಂದರೆ ತೆನೆಯ ತುದಿಯಲ್ಲಿ ಬಿಳಿಯ ಬೂಷ್ಟು ಕಾಣಿಸಿಕೊಳ್ಳುವುದು. ಇದು ಕಾಲಾನಂತರ ಗುಲಾಬಿ ಅಥವಾ ಕೆಂಪು ಬಣ್ಣಕ್ಕೆ ತಿರುಗುತ್ತದೆ. ರೋಗ ಮುಂದುವರಿಯುತ್ತಿದ್ದಂತೆ, ತೆನೆಯ ಉಳಿದ ಭಾಗಗಳಿಗೂ, ಹೆಚ್ಚಾಗಿ ಸಿಪ್ಪೆ ಮತ್ತು ಧಾನ್ಯಗಳ ನಡುವೆ ಬಣ್ಣಗೆಡುವಿಕೆ ಹರಡುತ್ತದೆ. ಮತ್ತು ಸೋಂಕಿತ ತೆನೆಗಳು ಸಂಪೂರ್ಣವಾಗಿ ಕೊಳೆಯಬಹುದು. ಆರಂಭದಲ್ಲಿ ಸೋಂಕಿಗೆ ಒಳಗಾದ ಸಸ್ಯಗಳ ಎಲೆಗಳು ಮಂದ ಬೂದು-ಹಸಿರು ಬಣ್ಣಕ್ಕೆ ತಿರುಗಿ, ಬಾಡಲು ಪ್ರಾರಂಭಿಸುತ್ತವೆ. ಕೆಳಗಿನ ಗೆಣ್ಣುಗಳ ನಡುವಣ ಪ್ರದೇಶಗಳು ಮೃದುವಾಗುತ್ತವೆ ಮತ್ತು ಕಪ್ಪು-ಕಂದು ಬಣ್ಣಕ್ಕೆ ತಿರುಗುತ್ತವೆ. ನಂತರ, ಕಪ್ಪು ಚುಕ್ಕೆಗಳು ಮೇಲ್ಮೈಯಲ್ಲಿ ಬೆಳೆಯಬಹುದು. ಅದನ್ನು ಬೆರಳಿನ ಉಗುರು ಬಳಸಿ ಸುಲಭವಾಗಿ ಕೆರೆದು ತೆಗೆಯಬಹುದು. ಕಾಂಡವನ್ನು ಉದ್ದವಾಗಿ ಸೀಳಿದಾಗ ಚೂರುಚೂರಾದ, ಗುಲಾಬಿ ಅಥವಾ ಕೆಂಪು ಛಾಯೆಯನ್ನು ಹೊಂದಿರುವ ಬಣ್ಣ ಕಳೆದುಕೊಂಡ ಅಂಗಾಂಶಗಳನ್ನು ನೋಡಬಹುದು. ಕ್ರಮೇಣ ಮುಖ್ಯ ಬೇರು ಕೊಳೆಯುತ್ತದೆ, ಕಂದು ಬಣ್ಣಕ್ಕೆ ತಿರುಗುತ್ತದೆ ಮತ್ತು ಸುಲಭವಾಗಿ ಮುರಿಯುತ್ತದೆ. ಸಸ್ಯವು ಅಕಾಲಿಕವಾಗಿ ಮರಣಿಸಬಹುದು ಮತ್ತು ಬಾಗಿ ಬೀಳಬಹುದು.