ಉದ್ದಿನಬೇಳೆಯ ಆಂಥ್ರಾಕ್ನೋಸ್

ರೋಗಲಕ್ಷಣಗಳು

ಸೋಂಕು ಗಿಡದ ಬೆಳವಣಿಗೆಯ ಯಾವುದೇ ಹಂತದಲ್ಲಿ ತಗುಲಬಹುದು ಮತ್ತು ಅದು ಎಲೆಗಳು, ಕಾಂಡಗಳು, ತೊಟ್ಟುಗಳು ಮತ್ತು ಬೀಜಕೋಶಗಳಲ್ಲಿ ಗೋಚರಿಸುತ್ತದೆ. ಮೊಳಕೆಯೊಡೆದ ನಂತರ ಸೋಂಕು ತಗುಲಿದಲ್ಲಿ ಅಥವಾ ಬೀಜಗಳಲ್ಲೇ ಸೋಂಕು ಇದ್ದಲ್ಲಿ, ಮೊಳಕೆಯಲ್ಲಿ ತುಕ್ಕು ಹಿಡಿದಂತೆ ಕಾಣುವ ಸಣ್ಣ ಚುಕ್ಕೆಗಳು ಮೂಡಿ, ಅವು ನಿಧಾನವಾಗಿ ದೊಡ್ಡದಾಗಿ ಮೊಟ್ಟೆಯಾಕಾರದ ಚುಕ್ಕೆಗಳಾಗುತ್ತವೆ. ಕೊನೆಯಲ್ಲಿ ಸೋಂಕು ಹರಡುತ್ತದೆ. ಬೆಳೆದ ಗಿಡಗಳ ಮೇಲೆ, ಶುರುವಿನಲ್ಲಿ ಗಾಢ ಕಂದು ಅಥವಾ ಕಪ್ಪು ಬಣ್ಣದ ನೀರು-ನೆನೆಸಿದಂತಹ ಚುಕ್ಕೆಗಳು ಸಾಮಾನ್ಯವಾಗಿ ಎಲೆಯ ಕೆಳಭಾಗದಲ್ಲಿ ಅಥವಾ ತೊಟ್ಟುಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಕಾಲಾನಂತರದಲ್ಲಿ, ಈ ಚುಕ್ಕೆಗಳು ಗುಳಿಬಿದ್ದು ಗಾಯವಾಗುತ್ತದೆ. ಈ ಗಾಯಗಳ ಮಧ್ಯಭಾಗ ಗಾಢ ಬಣ್ಣದಲ್ಲಿದ್ದು ಹಳದಿ, ಕಿತ್ತಳೆ ಅಥವಾ ಕೆಂಪು ಬಣ್ಣದ ಅಂಚು ಇರುತ್ತದೆ. ಬೀಜಕೋಶಗಳ ಮೇಲೆ ತುಕ್ಕು ಬಣ್ಣದ ಗಾಯಗಳಾಗಿ, ಅವು ಮುದುಡಿ ಒಣಗಬಹುದು. ಸೋಂಕು ಹೆಚ್ಚಿದ್ದರೆ, ತೊಂದರೆಗೊಳಗಾದ ಭಾಗಗಳು ಸೊರಗಿ ಜೋತು ಬೀಳುತ್ತವೆ. ಕಾಂಡಗಳು ಮತ್ತು ತೊಟ್ಟುಗಳ ಮೇಲೆ ಕ್ಯಾಂಕರ್ಗಳ ಬೆಳವಣಿಗೆಯಾಗಿ ಸಾಮಾನ್ಯವಾಗಿ ಎಲೆ ಉದುರಿ ಹೋಗುತ್ತದೆ.