ಡೆಡ್ ಆರ್ಮ್

ಅದಕ್ಕೆ ಏನು ಕಾರಣ

ಈ ರೋಗವು ಯುಟೈಪ ಲಟ ಎಂಬ ಶಿಲೀಂಧ್ರದಿಂದ ಉಂಟಾಗುತ್ತದೆ ಮತ್ತು ಸಾಮಾನ್ಯವಾಗಿ ಹಳೆಯ ದ್ರಾಕ್ಷಿತೋಟಗಳಲ್ಲಿ ಅಥವಾ ಹಣ್ಣಿನ ತೋಟಗಳಲ್ಲಿ ಇದನ್ನು ಕಾಣಬಹುದು. ಸೋಂಕಿನ ಪ್ರಾಥಮಿಕ ಮೂಲವೆಂದರೆ ಸೋಂಕಿತ ಮರದ ಕಾಂಡಗಳಲ್ಲಿ ಚಳಿಗಾಲವನ್ನು ಕಳೆಯುವ ಶಿಲೀಂಧ್ರದ ಬೀಜಕಣಗಳಾಗಿವೆ. ವಸಂತದಲ್ಲಿ, ಮಳೆ ಎರಚಲಿನ ಸಹಾಯದಿಂದ ಈ ಬೀಜಕಣಗಳು ಬಿಡುಗಡೆಯಾಗುತ್ತವೆ ಮತ್ತು ಅವು ಗಾಳಿಯ ಮೂಲಕ ಇನ್ನು ಮುಚ್ಚಿರದ ಮೊಗ್ಗುಗಳಿಗೆ ಹರಡಲ್ಪಡುತ್ತವೆ. ಅಲ್ಲಿ, ಅವು ಗಾಯಗಳ ಮೂಲಕ ಅಥವಾ ಬಹುಶಃ ಬಾಹ್ಯ ಪದರದ ರಂಧ್ರಗಳ ಮೂಲಕವೂ ನೇರವಾಗಿ ಸಸ್ಯದೊಳಗೆ ಪ್ರವೇಶಿಸುತ್ತವೆ. ಮರದೊಳಗೆ ಪ್ರವೇಶಿಸಿದ ಬಳಿಕ, ಇದು ನಿಧಾನವಾಗಿ ಹರಡುತ್ತದೆ ಮತ್ತು ವರ್ಷಗಳು ಕಳೆದಂತೆ, ನಾಳೀಯ ಅಂಗಾಂಶಗಳ ಮೇಲೆ ಪರಿಣಾಮ ಬೀರಬಹುದು. ಮುಂದುವರೆದ ಹಂತಗಳಲ್ಲಿ, ಇದು ಚಿಗುರುಗಳಲ್ಲಿ ಅಥವಾ ರೆಂಬೆಗಳಲ್ಲಿ ಸಂಪೂರ್ಣವಾಗಿ ಅವುಗಳ ನಡುವಿನ ಸುತ್ತಲೂ ತೊಗಟೆಯನ್ನು ಕೊರೆಯುತ್ತದೆ (ಗರ್ಡ್ಲಿಂಗ್), ಇದರಿಂದ ಬಳ್ಳಿಯ ಅಥವಾ ಮರದ ಮೇಲಿನ ಭಾಗಗಳಿಗೆ ನೀರು ಮತ್ತು ಪೋಷಕಾಂಶಗಳ ಸಾಗಾಣಿಕೆಗೆ ಅಡ್ಡಿಯಾಗುತ್ತದೆ. ಬೀಜಕಣಗಳ ಮೊಳಕೆಯೊಡೆಯುವಿಕೆಗೆ 20 ° ಸಿ ಇಂದ 25 ° ಸಿ ವರೆಗಿನ ತಾಪಮಾನವು ಅನುಕೂಲಕರವಾಗಿರುತ್ತದೆ. ಯುಟೈಪ ಲಟ, ಸೇಬು, ಪೇರು ಮತ್ತು ಚೆರ್ರೀ ಹಾಗು ವಾಲ್ನಟ್ ಮರಗಳನ್ನೂ ಸಹ ಸೋಂಕಿಗೆ ಒಳಪಡಿಸಬಹುದು. ಮೌಂಟನ್ ಆಶ್, ಕಾರ್ಕ್ ಓಕ್ ಅಥವಾ ಬ್ಲಾಕ್ಥಾರ್ನ್ ನಂತಹ ಅನೇಕ ಹೋಸ್ಟ್ ಗಳನ್ನೂ ಇದು ಹೊಂದಿದೆ ಮತ್ತು ಇನಾಕ್ಯುಲಮ್ಮಿಗೆ ಇದು ಸಂಗ್ರಹ ಸ್ಥಳದಂತೆ ವರ್ತಿಸಬಹುದು.