ಗ್ರೀಸಿ ಸ್ಪಾಟ್

ಅದಕ್ಕೆ ಏನು ಕಾರಣ

ಮೈಕೊಸ್ಪೇರೆಲ್ಲಾ ಸಿಟ್ರಿಯ ಶಿಲೀಂಧ್ರದಿಂದ ಈ ರೋಗಲಕ್ಷಣಗಳು ಉಂಟಾಗುತ್ತವೆ. ಇದು ಸೂಕ್ತವಾದ ಬೆಳೆ ಲಭ್ಯವಿಲ್ಲದಿದ್ದಾಗ ಮಣ್ಣಿನ ಮೇಲ್ಭಾಗದಲ್ಲಿರುವ ಬೆಳೆಯ ಉಳಿಕೆಗಳಲ್ಲಿ ಆಶ್ರಯ ಪಡೆದಿರುತ್ತದೆ. ವಸಂತಕಾಲದಲ್ಲಿ, ಪರಿಸ್ಥಿತಿಗಳು ಅನುಕೂಲಕರವಾಗಿದ್ದಾಗ, ಶಿಲೀಂಧ್ರವು ಬೀಜಕಗಳನ್ನು ಉತ್ಪಾದಿಸುತ್ತದೆ. ಈ ಬೀಜಕಗಳು ತುಂತುರು ನೀರಾವರಿ, ಮಳೆ, ಅಥವಾ ಭಾರೀ ಇಬ್ಬನಿಗಳಿಂದ ಪ್ರಸರಣಗೊಳ್ಳುತ್ತವೆ. ಗಾಳಿಯು ಕೂಡ ಇತರ ಸಿಟ್ರಸ್ ತೋಪುಗಳಿಗೆ ಇವುಗಳನ್ನು ಸಾಗಿಸುತ್ತದೆ. ಒಮ್ಮೆ ಇವು ಎಲೆಗಳ ಕೆಳಭಾಗ ಸೇರಿದ ಮೇಲೆ, ಮೊಳಕೆಯೊಡೆದು, ಶಿಲೀಂಧ್ರಗಳು ನಿಧಾನವಾಗಿ ಎಲೆಯಲ್ಲಿರುವ ನೈಸರ್ಗಿಕ ರಂಧ್ರಗಳ ಮೂಲಕ ಅಂಗಾಂಶಗಳನ್ನು ಭೇದಿಸುತ್ತವೆ. ಈ ಪ್ರಕ್ರಿಯೆಯು ಹೆಚ್ಚಿನ ತಾಪಮಾನ, ಹೆಚ್ಚಿನ ತೇವಾಂಶ ಮತ್ತು ಎಲೆಗಳ ಮೇಲೆ ದೀರ್ಘಕಾಲ ತೇವಾಂಶವಿದ್ದಾಗ ಇನ್ನೂ ವೇಗ ಪಡೆದುಕೊಳ್ಳುತ್ತದೆ. ಬೇಸಿಗೆಯಲ್ಲಿ ಆಗುವ ಪ್ರಾಥಮಿಕ ಸೋಂಕು ಮತ್ತು ಚಳಿಗಾಲದಲ್ಲಿ ಕಂಡುಬರುವ ಮೊದಲ ರೋಗಲಕ್ಷಣಗಳ ನಡುವೆ ಹಲವಾರು ತಿಂಗಳುಗಳೇ ಕಳೆದು ಹೋಗಬಹುದು. ಇದಕ್ಕೆ ತದ್ವಿರುದ್ಧವಾಗಿ, ತಂಪಾದ ಮತ್ತು ಶುಷ್ಕ ಹವಾಮಾನವು ಬೀಜಕದ ಸಂಖ್ಯೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಸೋಂಕನ್ನು ಕಡಿಮೆ ಮಾಡುತ್ತದೆ. ಪರಿಸರದ ಸ್ಥಿತಿಗಳು ಅನುಕೂಲಕರವಾಗಿದ್ದರೆ ಬೆಳವಣಿಗೆಯ ಯಾವುದೇ ಹಂತದಲ್ಲಾದರೋ ಎಲೆಗಳು ಸೋಂಕಿಗೆ ಒಳಗಾಗಬಹುದು. ಮರಗಳ ಮೇಲೆ ಬುಷ್ಟು ಮಿಟೆಗಳಿದ್ದರೂ ಅವು ಈ ರೋಗಕ್ಕೆ ಅನುಕೂಲ ಉಂಟುಮಾಡುತ್ತವೆ ಎಂಬುದು ಕಂಡುಬಂದಿದೆ.