ಕಾಂಡ ಕೊಳೆತ

ಅದಕ್ಕೆ ಏನು ಕಾರಣ

ಮಣ್ಣಿನಲ್ಲಿ ಹರಡುವ ಶಿಲೀಂಧ್ರವಾದ ಸ್ಕ್ಲೆರೋಟಿನಿಯ ಸ್ಕ್ಲೆರೊಟೋರಿಯಮ್ನಿಂದ ರೋಗಲಕ್ಷಣಗಳು ಉಂಟಾಗುತ್ತವೆ, ಇದು ಸಸ್ಯದ ಉಳಿಕೆಗಳಲ್ಲಿ ಅಥವಾ ಮಣ್ಣಿನಲ್ಲಿ ದೀರ್ಘಕಾಲದವರೆಗೆ ಬದುಕಬಲ್ಲದು. ಅದರ ಜೀವನ ಚಕ್ರದ ಹೆಚ್ಚಿನ ಭಾಗವು ಮಣ್ಣಿನಲ್ಲಿ ನಡೆಯುತ್ತದೆ. ಮಣ್ಣಿಗೆ ತಾಕಿಕೊಂಡ ಭಾಗಗಳಲ್ಲಿ ರೋಗ ಲಕ್ಷಣ ಮೊದಲು ಕಾಣಿಸಿಕೊಳ್ಳುವುದು ಏಕೆಂಬುದನ್ನು ಇದು ವಿವರಿಸುತ್ತದೆ. ಪರಿಸ್ಥಿತಿ ಅನುಕೂಲಕರವಾದಾಗ, ಸಾವಯವ ವಸ್ತುಗಳ ಮೇಲೆ ಬೆಳವಣಿಗೆಯನ್ನು ಪುನರಾರಂಭಿಸಿ, ಕೆಲವೊಮ್ಮೆ ಸಸ್ಯ ಅಂಗಾಂಶಗಳನ್ನು ಆಕ್ರಮಿಸಿ ಬೆಳೆಯುತ್ತದೆ. ಅವು ಗಿಡದ ಎಲ್ಲ ಭಾಗಗಳನ್ನು ಆಕ್ರಮಿಸಿಕೊಳ್ಳುವಾಗ, ಬೀಜದ ಹೊರಪದರ ಅಥವಾ ಬೀಜದ ಒಳಗೂ ಸಹ ರೋಗಕಾರಕ ಅಂಶ ಹಬ್ಬಬಹುದು. ಗಿಡದಲ್ಲಿ ಉತ್ಪತ್ತಿಯಾದ ಬೀಜಕಗಳ ಹೊಸ ಗುಂಪು ಗಾಳಿಯಲ್ಲಿ ಹರಡುತ್ತದೆ. ಗಿಡಗಳ ಮೇಲ್ಛಾವಣಿಯ ಕೆಳಗಿನ ತೇವಭರಿತ ವಾತಾವರಣವು ಬೀಜಕಗಳು ರೆಂಬೆಗೆ ಹರಡಲು ಅನುಕೂಲಕಾರಿಯಾಗಿದೆ. ತಾಪಮಾನ 15 ರಿಂದ 24°C ಒಳಗಿದ್ದು, ಎಲೆಯು ಹಲವಾರು ಗಂಟೆಗಳ ಕಾಲ ಒದ್ದೆಯಿದ್ದಾಗ ರೋಗ ತಗುಲುತ್ತದೆ. ಗಿಡದ ಹೊರಗೆ ಉತ್ಪತ್ತಿಯಾಗುವ ಪೋಷಕಾಂಶಗಳು ಕೂಡ ಶಿಲೀಂಧ್ರದ ಬೆಳವಣಿಗೆಗೆ ಪೂರಕವಾಗಿದೆ. ಈ ಶಿಲೀಂಧ್ರವು ಹುರುಳಿ, ಎಲೆಕೋಸು, ಕ್ಯಾರೆಟ್ ಮತ್ತು ಕ್ಯಾನೋಲಗಳಂತಹ ಅನೇಕ ಗಿಡಗಳಲ್ಲಿ ಆಶ್ರಯ ಪಡೆದು ರೋಗಕ್ಕೆ ಕಾರಣವಾಗುತ್ತದೆ.