ಬಿಳಿಬದನೆಯ ಸೆರ್ಕೊಸ್ಪೋರಾ ಎಲೆ ಚುಕ್ಕೆ

ರೋಗಲಕ್ಷಣಗಳು

ಬೆಳವಣಿಗೆಯ ಯಾವುದೇ ಹಂತದಲ್ಲೂ ಸೋಂಕು ತಗುಲಬಹುದು ಮತ್ತು ಎಲೆಗಳು, ತೊಟ್ಟುಗಳು ಮತ್ತು ಕಾಂಡಗಳಲ್ಲಿ ಅದು ಗೋಚರಿಸಬಹುದು. ಆರಂಭಿಕ, ರೋಗಲಕ್ಷಣಗಳೆಂದರೆ ಸಣ್ಣ, ದುಂಡನೆಯ, ಮತ್ತು ಕೊಂಚ ಗುಳಿ ಬಿದ್ದಂತಹ ಚುಕ್ಕೆಗಳು ಕೆಳ ಎಲೆಗಳ ಮೇಲಿನ ಭಾಗದಲ್ಲಿ ಕಾಣಿಸಿಕೊಳ್ಳುತ್ತವೆ. ಕಾಲಾನಂತರದಲ್ಲಿ, ಚುಕ್ಕೆಗಳು ದೊಡ್ಡದಾಗುತ್ತವೆ, ಹೆಚ್ಚು ಅನಿಯಮಿತವಾಗುತ್ತವೆ ಮತ್ತು ಹಳದಿ ಹೊರವೃತ್ತದಿಂದ ಆವೃತವಾಗುತ್ತವೆ. ನಂತರ, ಚುಕ್ಕೆಗಳು ಎಲೆಯ ಎರಡೂ ಬದಿಗಳಲ್ಲಿ ಗೋಚರಿಸುತ್ತವೆ. ಎಲೆಗಳ ಮೇಲಿರುವ ಹಳೆಯ ಚುಕ್ಕೆಗಳು ತಾವಿರುವ ಸ್ಥಳವನ್ನು ಅವಲಂಬಿಸಿ ವಿಲೀನಗೊಳ್ಳುತ್ತವೆ ಮತ್ತು ವಿಭಿನ್ನ ಆಕಾರಗಳನ್ನು ಪಡೆಯುತ್ತವೆ. ಅವುಗಳು ಕಂದು ಬಣ್ಣದಿಂದ ಬೂದು ಬಣ್ಣದವರೆಗೆ (ಮೇಲ್ಭಾಗದಲ್ಲಿ) ಮತ್ತು ತಿಳಿ ಕಂದು (ಕೆಳಭಾಗದಲ್ಲಿ) ಬಣ್ಣದಲ್ಲಿ ಇರುತ್ತವೆ. ಸೋಂಕು ಹೆಚ್ಚಾಗಿದ್ದರೆ ಎಲೆಗಳು ಸುರುಳಿಯಾಗುತ್ತದೆ ಮತ್ತು ಉದುರುತ್ತವೆ. ಶಿಲೀಂಧ್ರಗಳು ನೇರವಾಗಿ ಹಣ್ಣುಗಳಲ್ಲಿ ಸೋಂಕು ಉಂಟು ಮಾಡದಿದ್ದರೂ, ಸಸ್ಯಗಳ ಉತ್ಪಾದಕತೆ ಕಡಿಮೆಯಾಗುವ ಕಾರಣದಿಂದಾಗಿ ಹಣ್ಣಿನ ಬೆಳವಣಿಗೆ ಕಡಿಮೆಯಾಗಬಹುದು.